Isaiah 40:24 - De Beebaa Dabu

²⁴ De masavaa donu huu olaadeu ne doo ai, de masavaa donu huu i dua delaadeu doo, de masavaa donu huu o olaadeu aga ne ssomo ai i lo te gelegele, gai ia ga busi gilaadeu, gai gilaadeu gu mmae, gai de madangi ga ili gilaadeu ga kave bei lau o denga grain.

Isaiah 40:24 Referans Kwoze

Isaiah 41:16

Koe e nonu naa mee nei i de madangi, gai de madangi e ili naa ga kave gee, de madangi mmahi e hagassii saele naa gilaadeu. Gai goodou e malangilangi naa i Tagi Maolunga, goodou e hagamahamaha naa de Ia Dabu o Israel.

Jeremiah 23:19

Tilo, de madangi a Tagi Maolunga gu dau mai, gai gu salulu mai i dono bole, bei dagodo o ssio e hano iho laa gi honga o de gau baubau.

Isaiah 17:13

Gai ga hagalongaa naa donu denga huaahenua bei de haganngolo o denga vai lagolago, aagai de Maadua e hagasee gilaadeu, gai gilaadeu e saavini naa ga hulo, bei denga gili grain i honga mounga, e ilihia laa i de madangi, ma de mama o de gelegele a de madangi e ili laa ga kave.

Zechariah 9:14

Gai Tagi Maolunga e hagasula mai naa i honga ono dangada, gai tao o dana mee hholu e gemo bei de uila. De Ia Aamua go Iahweh e ili naa de hanga manu; ia e hano naa e hebagi bei dagodo o ssio e humai laa i ngaage,

Zechariah 7:14

Au e humai naa bei dagodo o ssio ga hai gi mavaevae saele gilaadeu i denga henua alaadeu e dee iloo laa. Gai de henua olaadeu nogo nnoho ai e ngadi dagodo naa, gu deai dangada e nnoho saele ai, de henua mahamaha laa gu ngadi dagodo.”

Haggai 1:9

Goodou e tali bolo oodou mee e lagolago naa, aagai ne sogoisi donu oodou mee ne mau. Gai au ne hai gi deai mee oodou ne gaamai gi oodou hale. Aahee hiidinga? go Tagi o denga hagabuulinga hebagi e siilia adu. Go hiidinga dogu hale gu maoha ma e dagodo ai, gai tangada nei ma tangada nei e dee saohia donu huu i de hai dono hale.

Nahum 1:14

Nineveh, Tagi Maolunga gu tala oo dagodo: “E deai naa donu soo hagadiilinga e duudagi ina doo ingoo. Au e oha naa donu denga diinonga laagau ma diinonga baalanga i de hale iai oo diinonga. Au e hagadabena naa doo daanunga, i hiidinga koe e hakino gee.”

Hosea 13:15

e dee galemu donu dono hagadagadaga age i magavaa o ono daina. Gai de madangi i dua mai i daho Tagi Maolunga e ssau mai naa i de vao; ono vai e deai naa vai iai, gai ono vai geli e maamasa naa. Goloa hagamogomogo alodahi i lodo ono mommee doange e gaiaadia naa.

Hosea 13:3

Deelaa ai, gilaadeu e bei naa de mama o de maluulu i taiao, be go ssuungia o taiao e moolau laa teai, ma gili o denga grain i de mommee hili huamanu e ilihia laa ga dee maaleva, ma de useahi e hanage laa i tua de hale.

Jeremiah 22:30

E hagadaba Tagi Maolunga: “Daohia dagodo o taane nei be se daane e deai ana dama, gai se daane e dee hagadagadaga age i de masavaa oona e mouli ai, go hiidinga e deai naa donu ono hagadiilinga e sula, gai e deai naa donu e dagi i de nohoanga hodooligi o David aabe aahe ange e hodooligi i Judah.”

Isaiah 40:7

Denga helii e mmae, denga huaala e malili, i de masavaa o Tagi Maolunga e manava ange ai aagena. Ni muna abodonu, dangada e bei dagodo o denga helii.

Isaiah 37:7

Tilo, au e hai naa dahi hagasaalunga gi ulu gi ono lodo, gai de masavaa naa huu aana e langona ai dahi longo, gai ia e ahe naa gi dono henua. Gai au e hai naa dahi gi daia ia gi magau i de gadilaasa i dono henua.’ ”

Isaiah 17:11

gai ga haia naa donu e goe ga ssomo i de laangi laa aau e doo ai, ma de hai ga loage olaadeu huaala i taiao aau ne doo ai, gai e deai donu mee e hagihagi ai, i de laangi o taemaha ma de mmae e dee maua laa gi ieiangi.

Isaiah 11:4

aagai ia e hagamodu muna o dangada e duasala i de heohi, ma de hagamodu muna o de gau hagaau aloha i henua i lalo i de heohi. Ia e hagaduasala naa henua i lalo i ana muna e tala; gai e daa gi maakau de gau baubau i de madangi o dana manava.

Proverbs 1:27

ma de masavaa o de hai ngadaa e dae mai ai gi goodou, bei dagodo o de madangi mmahi, ma de hai ngadaa e humai ai bei dagodo o ssio, ma tuasala aama tee nnoho paba e tae mai ai gi goodou.

Psalm 58:9

I mua de mahana o au anibada i de ahi o denga laa manu — e dee hilihili be e ssui aabe e mmasa — gai ia e ilihia naa gilaadeu ga kave gee.

De Beebaa go Job 21:18

Gai gu hia maa hanonga olaadeu ne bei ai dagodo o denga lau manu mmasa i ma te madangi, ma gili o denga grain e ilihia saele laa i de madangi?

De Beebaa go Job 4:9

De Maadua e manava donu huu gai gilaadeu gu maakau, de madangi o dono lili e daa gilaadeu.

2 Kings 10:11

Gai Jehu ne daa ga maakau dangada alodahi i de huaabodu o Ahab e doe i Jezreel, ma dagi alodahi i lalo o Ahab, ma ono soa, ma ono dangada haimeedabu; teai donu se gilaadeu aana ne dugu gi ola.

2 Samuel 22:16

Lodo ava o tai gu ssula age, gai dagelo o henua i lalo gu gidee, i de hagasee a Tagi Maolunga, ga busi luoono bongaa usu.

Isaiah 30:33

Madagidagi laa gai dahi mommee gu hagadabena e dudu ai; gai ne hagadabena ange gi de hodooligi o Assyria. Dono geelinga ne geli gi maolalo ma de mada laumalie, madali de ahi laumalie ma lahhie lagolago; gai de madangi o de manava o Tagi Maolunga e bei de maga ahi o de ahi e haia laa ga ula.

Psalm 83:13

Dogu Maadua, ilihia saele gilaadeu bei denga helii, ma denga gili grain e gaavee gee laa i de madangi.

Isaiah 41:2

Goai ne hai gi humai dahi i dua, ma de hagahi ia gi haia ana hegau i dono heohi? Ia ne gaavange denga huaahenua gi de ia, ma de hagadee kii denga hodooligi i ono mada i mua. Ia e hai gilaadeu gi bei de mama o de gelegele i dana gadilaasa, gai dana mee hholu e hai gilaadeu bei de mama a de madangi e ili laa ga kave.

De Beebaa go Job 8:17

ono aga e ssomo laa luu baasi dahi hagabuudungaa hadu, ma de ssala dahi duulanga moona i magavaa o denga hadu.