Isaiah 40:22 - De Beebaa Dabu

²² Ia e noho i honga de moana e holiagina laa henua i lalo, gai dangada e nnoho i kilaa e bei dagodo o denga itebuubuu. Ia e hhola gi madoha de langi bei dagodo o de hale malo, ma de doha mee nei bei dagodo o de hale malo e nnoho ai dangada.

Isaiah 40:22 Referans Kwoze

Psalm 104:2

Ia e gahu i de maalama bei de malo; ia e doha de langi bei de hale malo,

Isaiah 42:5

Aanei muna a de Maadua, Tagi Maolunga e tala, go de ia ne hagadau ina de langi ga doha gi daha, gai go ia ne hoolaa henua i lalo ma mee alodahi ne loomai ai, ma de hai gi manavanava dangada e nnoho ai, ma de gaavange de manava o de mouli gi dangada i kilaa:

Proverbs 8:27

Au gu noho donu i de masavaa aana ne hai ai de langi ga hagaduu i dono mommee, ma de masavaa aana ne maaga ai luu baasi o de moana gelo;

Isaiah 66:1

E hagadaba Tagi Maolunga: “De langi go dogu nohoanga, gai henua i lalo go de mommee e dugu ange aagena luoogu vae. Gai i hee iai de hale oodou e hagaduu moogu? Gai i hee iai dogu mommee e hagamabu ai?

Jeremiah 10:12

Go ia ne haia henua i lalo i ono mahi, ma de hagaduu henua i lalo i dono heiangi, ma de hhola de langi i hiidinga dono donu ange.

Isaiah 40:17

Denga huaahenua alodahi e bei donu teai i ono daha, gilaadeu e bei donu mee e deai haigamaiana, gai e kii mai ange donu tee haigamaiana.

Psalm 68:33

go de ia e lele laa i lo te langi i lunga mai madagidagi loo; ma de hai gi langona dono leo mmahi.

De Beebaa go Job 22:14

Denga hagausinga maadolu e haoli ia, ma e dee gidee e ia gidaadeu, i dono holiage saele i lo te langi.’

De Beebaa go Job 9:8

Go ia donu huu ne hoolaa ina de langi i lunga, ma de seesee i honga beau o de moana.

Isaiah 51:13

E aha, koe gu ngalo laa bolo go Tagi Maolunga ne haia goe, go de ia ne hoolaa gi daha de langi, ma de hagatuu dagelo o henua i lalo, gai koe ga noho ai naa ga madagu i laangi alodahi i hiidinga de bole o tangada e vaivai haia dangada, go de ia e noho laa e oohaa mee? Gai i hee iai de lili o de ia e vaivai haia dangada?

Isaiah 44:24

E hagadaba Tagi Maolunga, doo Ia Hagaola, ne haia goe i de mommee o denga dama: “Go au donu Tagi Maolunga, ne haia laa mee alodahi, go au ne hoolaa de langi, go au donu huu ne doohaa henua i lalo.

Isaiah 40:15

Tilo, denga huaahenua e bei dagodo o dahi madaua i lo te bagede, gilaadeu e bei denga mama i honga mee hagahidi; ia e hagahidi denga modu bei dagodo o de mama.

Psalm 2:4

De ia e noho laa i de langi e gadagada; de Ia Aamua e doo mee naa i gilaadeu.

Numbers 13:33

Gimaadeu ne gidee hogi dangada e hagaingoo ange laa go denga Nephilim (denga Nephilim go hanu aamuli o Anak); gai gimaadeu e bei donu dagodo o denga itebuubuu i olaadeu daha.”

Zechariah 12:1

Muna hagadaemaha a Tagi Maolunga i dagodo o Israel. E hagadaba Tagi Maolunga, go de ia ne hoolaa laa de langi ma de hai henua i lalo, gai go de ia ne haia de hagasaalunga o tangada:

Psalm 29:10

Tagi Maolunga e noho i honga vai o tolona; Tagi Maolunga gu hodooligi ga hano ai.

De Beebaa go Job 36:29

Goai e maua gi donu ange gi de hai aana ne doha ai denga hagausinga, ma de hai aana e hai ai gi babaa ana hatuli i lo te langi?

Isaiah 19:1

Muna hagadaemaha i dagodo o Egypt. Tilo, Tagi Maolunga e gage i honga dahi giliiga gemo, gai ia e humai naa gi Egypt. Denga diinonga o Egypt e bolebole naa i mada luoono mada, gai dangada o Egypt e manavasaa naa olaadeu lodo.

De Beebaa go Job 37:18

Koe e maua i de doha gi madoha lo te langi madali ia, ma de hai gi makaga bei de galaasa dilodilo?

Genesis 1:6

Gai de Maadua ga hagadaba, “Gi dahi moana i lo te langi gi vaaea ai denga vai i baasi i lunga ma baasi i lalo.”

Psalm 18:11

Ia e haoli ia i de gohu, gai dono hale malo go denga hagausinga maadolu, e hoohonu laa i denga vai.

Psalm 19:4

Olaadeu leo e hulo ma e tae gi henua i lalo alodahi, gai alaadeu muna e tae gi de bido laa o henua i lalo. De Maadua gu hagaduu dahi hale malo moo de laa i lo te langi,

Isaiah 37:16

“Tagi o denga hagabuulinga hebagi, de Maadua o Israel e noho laa i magavaa luu cherubim, go koe donu huu de Maadua o denga nohoanga hodooligi alodahi i henua i lalo; go koe ne haia de langi ma henua i lalo.

De Beebaa go Job 26:7

Ia ne doha de langi i baasi i ngaiho i lo te moana i lunga, gai ia e daudau age henua i lalo i lo te ngadi moana.

Isaiah 42:4

Ia e dee vasega naa donu aabe baageaa ono lodo, ga dae ai gi dana hagaduu gi makaga de hagamodu muna heohi i henua i lalo. Gai dangada e nnoho i tagudai e tali hagalodolodo go ana hainga.