Isaiah 40:21 - De Beebaa Dabu

²¹ E aha, goodou tigi iloo naa donu? E aha, goodou tigi langona naa donu? E aha, tigi ai naa donu ne daalaa adu gi goodou mai i taamada age? E aha, goodou tigi tonu ange naa donu mai i taamada age de hai o henua i lalo?

Isaiah 40:21 Referans Kwoze

Acts 14:17

Aagai ia ne hai donu gi dahi mee e hagadonu ai ono dagodo: ia ne abodonu adu gi goodou i dana gaavadu gi goodou de langi pala mai i de langi ma denga huamanu i de masavaa e hhua ai; ia ne hai gi boobosu goodou i de gaimee ma de hai gi malangilangi oodou lodo.”

Isaiah 48:13

Go luoogu lima ne haia henua i lalo, gai dogu lima madau ne hhola de langi; de masavaa aagu ne hagahi ai luu mee nei, gai gilaau ga tuu age i ogu mada i mua.

Isaiah 46:8

Goodou manadua ma de hagasaele de mee nei, gai hagamaanadu i de mee nei, goodou de gau baubau.

Psalm 50:6

De langi e hagaago mai de heohi o de Maadua, i hiidinga go ia donu de ia hagamodu muna! Selah

Romans 1:28

Gai go hiidinga gilaadeu tee llodo e daohi i olaadeu lodo de muna abodonu i dagodo o de Maadua, deelaa ai, ia gu tili ange gilaadeu gi haia denga maanadu llodo ssenga aama de hai denga dahulinga e dee heohi de hai.

Psalm 115:8

Dangada e haia denga diinonga e bei donu olaadeu dagodo, gai e bei ai hogi gilaadeu e hagadonusia mee nei.

Isaiah 51:13

E aha, koe gu ngalo laa bolo go Tagi Maolunga ne haia goe, go de ia ne hoolaa gi daha de langi, ma de hagatuu dagelo o henua i lalo, gai koe ga noho ai naa ga madagu i laangi alodahi i hiidinga de bole o tangada e vaivai haia dangada, go de ia e noho laa e oohaa mee? Gai i hee iai de lili o de ia e vaivai haia dangada?

Isaiah 44:20

Ia gu gai donu denga lehu, gai ono lodo gu hagasenga ia; ia gu dee maua i de hagaola ia, aabe hagadaba, “E aha, e dee se mee hhadu aagu e poo nei i dogu lima madau?”

Isaiah 27:11

De masavaa naa huu o ono laa vaaligi e mmasa ai, gai gu hadihadi, gai denga haahine ga hai ai alaadeu ahi. Gai de huaadangada nei e dee maua donu gi tonu ange, gai de ia ne haia gilaadeu tee lodo aloha i gilaadeu; de ia ne haia gilaadeu tee abodonu ange gi gilaadeu.

Genesis 1:1

Taamada de hai a de Maadua de langi ma henua i lalo,

Isaiah 37:26

Koe tigi langona naa donu? Au ne hagamodu mee nei i mua loo. Au ne hagatau mee nei madagidagi loo; gai iainei au gu hagassula mee nei, gai koe ga oha ai denga aduhale buibui ga hai gu ni hagabuudungaa mee maoha.

Isaiah 40:28

E aha, goodou tigi iloo naa donu? Goodou tigi langona naa donu? Tagi Maolunga de Maadua, e deai sono daamada be se hagaodi, go ia ne haia henua i lalo alodahi. Ia e dee dalea donu aabe e deai ono mahi, gai e deai donu se dangada e daea dono donu ange.

De Beebaa go Job 26:7

Ia ne doha de langi i baasi i ngaiho i lo te moana i lunga, gai ia e daudau age henua i lalo i lo te ngadi moana.