Isaiah 40:2 - De Beebaa Dabu

² Hagamaamaane ina lodo o Jerusalem; daalaa ange gi de aduhale laa bolo gu odi ange dono masavaa hagaduasala, gai ono baubau gu maatala; Tagi Maolunga ne hai gi lua hanonga e kii ange ai dono hagaduasala i ono haisala.

Isaiah 40:2 Referans Kwoze

Zechariah 9:12

Goodou e nnoho i lo te hale pono, e dahi donu oodou tali, aahe gi de mommee buibui makaga; ailaa nei gai au e tala adu bolo au e hagaahe adu naa doodou manuuia ga hai gi lua hanonga e kii ange ai.

Isaiah 61:7

Goodou e kave naa tuuhanga e lua hanonga e kii ange ai e sui ai doodou hagadookaa ina. Gilaadeu e malangilangi naa i olaadeu boolonga e sui ai delaadeu hagangadi mee ina; gai delaadeu gelegele i de henua e hai naa ga lua hanonga e kii ange ai, gai delaadeu malangilangi e deai donu se ngado mai.

Hosea 2:14

Deenei ai, tilo, au e hagaaneane naa ia, ga kave ia gi de vao ga basa maamaane ange gi de ia.

Revelation 18:6

Suuia ange ana mee ne hai ange gi dangada, suuia ange gi lua hanonga e dubu ange ai; haia denga uvaini i lo tana ubu gi lua hanonga e mmahi ange ai.

Jeremiah 16:18

Gai au e hai naa gi lua hanonga e kii ange ai delaadeu hagaduasala i hiidinga olaadeu baubau ma olaadeu haisala, go hiidinga gilaadeu gu hai ma gu dee gilimalali dogu henua i olaadeu diinonga hakino gee e dee mouli laa, ma de hai gi dohu de huaahenua o dogu boolonga i olaadeu diinonga hakino gee.”

Isaiah 44:22

Au gu ili gi hulo oo haisala bei dahi giliiga, ma de hai oo haisala gi bei de mama o denga vai. Ahe mai gi de au, go hiidinga au gu hagaola goe.

Isaiah 43:25

Go au, go au donu e sooloa gi deai oo haisala i hiidinga o dogu ingoo; au e dee ahe ange naa donu e maanadu oo haisala.

Habakkuk 2:3

Gai de midi hagaago ange e tali dono masavaa; de masavaa gu dae mai donu, gai e dee mmule naa donu. Gai ga mmule naa donu, gai koe daalia donu huu; e dae mai naa donu, e dee mmule naa donu.

Jeremiah 29:11

Go hiidinga au e iloo denga hagatau aagu gu hagadabena adu gi goodou, go Tagi Maolunga e hagadaba, ni hagatau e hai ai gi duadonu goodou e dee hai adu ai de baubau, gai gi dahi ai oodou tali i denga laangi e loomai.

Isaiah 35:4

hai ange gi gilaadeu e manavasaa olaadeu lodo, “Goodou llodo mmahi, goodou gi dee maatagu; tilo, doodou Maadua e humai naa e sui ange de baubau, doodou Maadua e hagao ange naa alaadeu hegau, ia e humai naa ga hagaola goodou.”

Acts 1:7

Ia ne hai ange gi gilaadeu, “E dee se mee niiodou de hai gi iloo de masavaa aama de laangi a Tamana gu hagamodu i dono sauaa.

Daniel 11:35

Hanu dangada iloo mee laa e maakau naa, e hagadanuaa ai ma de hagagilimalali ai aama de hai gi deai mee baubau i gilaadeu ga dae ai gi de hagaodi; gai e dae mai naa i de masavaa gu hagamodu laa.

Isaiah 12:1

De laangi laa gai koe e hagadaba naa: “Tagi Maolunga, au e hagaahe adu de abodonu gi de goe, go hiidinga, e dee galemu koe nogo lili i de au, gai iainei koe gu dee lili, gai gu hagaaneane ogu lodo.

Galatians 4:4

Aagai ga dae huu de masavaa gu lava laa i de hagamodu, gai de Maadua ne hai gi humai dana Dama Daane gi haanau i daho de hine, i lalo de hainga a Moses,

Isaiah 49:25

Aagai e hagadaba Tagi Maolunga, “Uaa, de gau dee kii e kave gee naa mai i daho denga daane mmahi, gai denga goloa ne hai gi de mahi e kave gee naa i daho taane alasala; au e hebagi ange naa gi tangada e hebagi adu gi goe, gai au e hagaola naa au dama.

Isaiah 33:24

Gai e deai naa donu se dangada e noho i kilaa e hagadaba, “Au gu magi;” gai ia e degi ange naa gi haisala o dangada e nnoho i kilaa.

Psalm 32:1

E manuuia tangada a de Maadua gu degi ange gi ono haisala, gai ono haisala gu haoli.

Zechariah 1:15

Gai au gu kona hogi dogu lili i denga huaahenua e nnoho paba laa, go hiidinga de masavaa oogu ne damaa lili ai i ogu dangada, gai gilaadeu ne kona donu delaadeu hagaduasala ogu dangada.

Daniel 12:9

Ia ne hai mai, “Daniel, hannoo, go hiidinga muna nei gu hagammuni ma de hagailonga ga dae ai gi de hagaodi.

Daniel 12:4

Aagai koe, Daniel, bonodia ma de hagamakaga muna o de beebaa mulo nei, ga dae ai gi denga laangi hagaodi. Gai dangada soa e hagadaga saele naa ga ssala gi kii ange delaadeu iloo mee.”

Daniel 9:12

De Maadua ne hagassula ana muna gu tala laa, e hai baasi mai ai gi gimaadeu ma omaadeu dagi, ne dagina gimaadeu, i dana gaamai dahi hai ngadaa laumalie gi gimaadeu. Gai tigi ai ange donu se hegau bee nei ne hai i lalo de langi, bei mee gu hai ange gi Jerusalem.

Daniel 9:2

tahi ngadau oona ne hodooligi ai, gai au ne daulia ange i lodo beebaa taelodo o ngadau o Jerusalem e ngadi dagodo ai, bei de hai a Tagi Maolunga gu tala ange ai laa gi de pelaabisi go Jeremiah, bolo taulooloa o de masavaa laa se madahidu ngadau.

Jeremiah 17:18

Haia gi dookaa dangada e vaivai haia nei au, aagai haia gi deai sogu hagadogaa ina; haia gi manavasaa olaadeu lodo, aagai haia gi dee manavasaa ogu lodo. Haia gi dae mai de hai ngadaa gi gilaadeu, gai haia gi lua hano e kona ai dau hagaduasala gilaadeu!

2 Chronicles 30:22

Gai Hezekiah ga hagammahi ange lodo o denga daane alodahi o de aamuli o Levi e aabo laa i de hai hegau a Tagi Maolunga. Gai dangada ne gaimee i taonga i e hidu laangi, ma de hai denga sigidaumaha hagadanuaa magavaa ga hagaahe ange ai de abodonu gi Tagi Maolunga, de Maadua o olaadeu dubuna madagidagi.

Genesis 34:3

Gai ia gu kona donu dono vaasuu i Dinah, tamaa hine a Jacob; ia gu aloha i tamaa hine laa, ga basa maamaane ange gi de ia.

Isaiah 6:7

Gai ia ga dugu mai de maga ahi laa gi dogu ngudu, ga hai mai, “Tilo, de maga ahi nei gu dugu adu gi luoo malaungudu; oo baubau gu kave gee mai i oo daha, gai de Maadua gu degi adu gi oo haisala.”

Isaiah 14:3

De laangi laa gai Tagi Maolunga e hai naa gi ilaage goodou mai i de hagaduasala, ma de hai ngadaa, aama doodou hagahai hegau ina,

Isaiah 53:5

Aagai ia ne hagalagohia i hiidinga odaadeu haisala, ia ne hagammae i hiidinga odaadeu baubau; ia ne hagaduasala gi maua ai e gidaadeu de baba, gai ono maanuga ne hagaieiangi gidaadeu.

Isaiah 53:6

Gidaadeu alodahi e bei denga ssiibi, gu ssenga saele laa, dahi ma dahi gu hano donu huu i dono haiava; gai Tagi Maolunga gu hagauda ange gi de ia odaadeu baubau alodahi.

Isaiah 54:15

Noo dahi dangada e hebagi adu gi goodou, gai e dee go au ne haia de mee nei; gai tangada e hebagi adu gi goodou e magulu naa donu.

Isaiah 54:17

aagai e deai naa donu se goloa hebagi e hai baasi adu gi goodou e kii, gai goodou e kii naa i gilaadeu e hagabaubau ina goodou. Deenei de boolonga o de gau hai hegau o Tagi Maolunga, gai deenei dagu hai e hagaheohi ai gilaadeu,” go Tagi Maolunga e hagadaba.

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Isaiah 66:13

Au e hagaaneane naa goodou bei de hagaaneane a dahi dinana dana dama; gai goodou e hagaaneane ina naa i Jerusalem.”

Jeremiah 51:10

⌊Dangada e hagataba,⌋ ‘Tagi Maolunga gu tala odaadeu heohi; loomai, gidaadeu ga tala i Zion dagodo hegau a Tagi Maolunga, taadeu Maadua gu hai.’

Lamentations 4:22

Tamaa hine o Zion, gu lava doo hagaduasala, i hiidinga oo baubau; ia e dee tili donu goe i denga henua gee. Aagai goodou de gau Edom, ia e hagaduasala naa goodou i hiidinga o oodou baubau, ma de hagaago mai oodou haisala.

Ezekiel 16:42

Dua naa huu mee nei, gai au gu ui dogu lili i de goe, gai au gu dee maagoda adu gi de goe. Au e sili naa ogu lodo, au gu dee lili.

Zechariah 1:13

Gai Tagi Maolunga ne basa maamaane ange ma de hagaaneane ange tangada de langi nogo pasa laa gimaau.

Exodus 22:3

aagai noo ne hai mee nei i de laangi, gai tangada ne daia laa ia ga magau e haisala donu i de hainga. Gai tangada ne gaiaa laa e suuia ange donu ana mee ne gaiaa laa, aagai noo ia e dee maua i de sui ange, gai ia e hagao gi daha e hagao ai ana mee gu gaiaa laa.

Psalm 85:3

Koe ne tuu doo bole alodahi gai ne huli gee mai i doo lili laumalie.

Ecclesiastes 3:4

e dahi masavaa e tangi ai, gai e dahi hogi masavaa e kada ai; e dahi masavaa e hinangalosaa ai, gai e dahi hogi masavaa e aanu ai;

Isaiah 27:9

Deenei de hai e degi ange ai gi baubau o Jacob; gai deenei de hai e aau gee ai ono haisala alodahi: i de masavaa aana e oha ai denga hadu alodahi o denga mommee o ssigidaumaha ga hai gu bei lehu, gu deai donu duludulu laagau o Asherah e doe, aabe ni mommee o ssigidaumaha o mee maanongi e tuu.

Isaiah 51:17

Alahage, alahage! Jerusalem, hidi age, koe gu unu mee mai i de lima o Tagi Maolunga, go de ubu o dono bole, koe gu unu ma gu masa mee i ono lodo, go de ubu e haia ga ssee saele dangada.

Hosea 2:16

De laangi laa, go Tagi Maolunga e hagadaba, gai koe e hagahi mai naa ‘Dogu bodu’ gi de au, koe gu dee hai mai ‘Dogu Baal’.

Zephaniah 3:15

Tagi Maolunga gu kave gee doo hagaduasala, ia gu hai gi aahe dua oo hagadaumee. Tagi Maolunga, de Hodooligi o Israel, e noho madali goe; gai koe e dee madagu ange naa donu i dahi mee hai ngadaa.