Isaiah 40:17 - De Beebaa Dabu

¹⁷ Denga huaahenua alodahi e bei donu teai i ono daha, gilaadeu e bei donu mee e deai haigamaiana, gai e kii mai ange donu tee haigamaiana.

Isaiah 40:17 Referans Kwoze

Psalm 62:9

De gau maolalo e bei dagodo o dahi damaa madangi; de gau maolunga e bei dagodo o de mee hagasenga. Gilaadeu e bei denga mee maamaane i honga mee hagahidi; gilaadeu alodahi e maamaane ange i dahi damaa madangi.

Isaiah 29:7

Gai dangada soa o denga huaadangada alodahi e hebagi ange laa gi Ariel, ma de hebagi ange gi de aduhale ga oha ono hale buibui makaga ga duuli luu baasi, e bei naa donu dagodo o dahi midi, ma dahi midi hagaago ange i de boo —

2 Corinthians 12:11

Au ne basa be se dangada lodo senga! Gai go goodou donu ne hidi ai. De mee heohi, go goodou donu e duuhia ngau. Go hiidinga au e dee maolalo ange donu i dangada e hagataba naa bolo gilaadeu ni dangada tala maolunga, e dee galemu donu au se dangada e dee dau.

De Beebaa go Job 25:6

gai tangada e kii mai ange donu, ia e bei donu de ilo, tama a tangada, e bei dahi dangaloa!”

Isaiah 2:22

Aude tali hagalodolodo ange gi dangada, e manavanava laa i luoono bongaa usu. Gai ni aha naa donu aau e mau ai?

Psalm 62:10

Aude hagadonusia denga goloa e hai gi de mahi, aude tali hagalodolodo ange gi denga goloa gaiaa; koe gi dee nnoo ange gi oo goloa, e dee galemu donu de lagolago oo goloa.

Daniel 4:32

Koe e hano gee naa i daho dangada ga noho madali denga manu aada i lodo henua. Koe e gai naa helii bei denga kaau, ga dae ai gi de odi ange de hidu ngadau, gai koe gu donu iho bolo go de Ia Maolunga Mmao laa e dagina denga nohoanga hodooligi o dangada, gai go ia e dugua ange be goai aana e lodo e gaavange aagena.”