Isaiah 40:11 - De Beebaa Dabu

¹¹ Ia e tilo ange naa dana hagabuulingaa ssiibi bei tangada hagaloosi ssiibi, ia e hagabudu naa ana ssiibi gauligi i luoono lima, ma de saabai gilaadeu i ono hadahada; gai ia e dagi maalie naa denga ssiibi e hanu laa alaadeu dama.

Isaiah 40:11 Referans Kwoze

Revelation 7:17

Gai Ssiibi Gauligi e duu laa i lo te ungaalodo o de mommee iai de nohoanga laa, go ia e hagaloosi ina gilaadeu; ia e dagi naa gilaadeu ga kave gi denga saalingaa vai o de mouli. Gai de Maadua e ssolo naa denga loimada i olaadeu ganomada.”

Micah 5:4

Ia e duu naa ga hagaloosi ana ssiibi i mahi o Tagi Maolunga, ma ssauaa o Iahweh dono Maadua. Gai gilaadeu e nnoho paba naa, gai ia e maolunga naa i henua i lalo alodahi.

Ezekiel 34:23

Au e hili naa dahi dangada hagaloosi gi diiloo ange gilaadeu, go dogu dangada hai hegau go David, gai ia ga tilo ange ai gilaadeu, ga haangai ma de hagaloosi ange gilaadeu.

1 Peter 2:25

I mua gai goodou e bei denga ssiibi gu ssenga saele laa, aagai iainei goodou gu aahe mai gi de Ia Hagaloosi ma de ia e hagaloosi ina oodou hagasaalunga.

Ezekiel 34:31

Goodou go agu ssiibi, go ssiibi o dagu mommee iai helii, gai au go doodou Maadua, go de Ia Aamua go Iahweh e hagadaba.’ ”

1 Peter 5:4

Gai de masavaa naa huu o Tagi o de gau hagaloosi e hagasula mai ai, gai goodou e kave donu de hau mahamaha e dee maua laa gi mmae.

Hebrews 13:20

De Maadua o de baba, go de ia ne hagamouli ina Iesu taadeu Dagi Maolunga, de Ia Hagaloosi Maolunga o denga ssiibi, i dodo o de hagatoo donu hagaheloongoi e deai laa se ngado mai,

Psalm 80:1

De Ia Hagaloosi o Israel, hagalaangona amaadeu muna, koe, de ia e dagina Joseph bei de hagabuulingaa ssiibi! go koe, de ia e noho laa i magavaa o luu cherubim, hagaagona mai doo mahamaha.

Zechariah 11:7

Gai de gau e hagao ina denga ssiibi ne hai au gi hagaloosia ange denga ssiibi gu baba ange laa e daa gi maakau. Gai au ne hai e lua dogo; au ne hagaingoo ange dahi go de Abodonu, gai dahi go de Buni, gai au ga tilo ange ai de hagabuulingaa ssiibi.

Ezekiel 37:24

Gai dogu dangada hai hegau go David e hodooligi naa i olaadeu elunga, gai gilaadeu alodahi gu dahi donu huu olaadeu dangada hagaloosi. Gai gilaadeu gi daudali ai naa i agu hagamodu ma de kana ange ga daohi agu mee gu hagasauaa.

Genesis 33:13

Gai Jacob ga hai ange gi de ia, “Dogu dangada aamua e iloo bolo denga gauligi e baageaa, gai au e manavasaa i denga ssiibi ma kaau goi hakaa unuunu laa alaadeu dama. Noo e hai gi gona odi delaadeu seesee i dahi laangi, gai gilaadeu alodahi e odi donu i de maakau.

Ezekiel 34:16

Au e ssala naa ssiibi gu dee maleva laa, ma de hagaahe mai gilaadeu gu hulo gee. Au e saabini naa maanuga o ssiibi gu lagohia laa ma de hagammahi gilaadeu e baageaa, aagai au e daa naa gi maakau denga ssiibi pedi ma de mmahi. Au e hagaloosi ange naa gilaadeu i de hagamodu heohi.

Genesis 49:24

aagai dana mee hholu e dee ngalungalue naa donu, luoono lima e hai ga mmahi i hiidinga o de Ia Mmahi o Jacob, go de Ia Hagaloosi, ma de Baba mmahi o Israel.

Isaiah 63:11

Gai ono dangada e manadua naa denga masavaa madagidagi go laangi o Moses ma ono dangada — i hee iai de ia ne dagina mai gilaadeu laa lo te vai, madali de gau hagaloosi o dana hagabuulingaa ssiibi? Gai i hee iai de ia ne dugua ange dono Hagasaalunga Dabu gi olaadeu magavaa,

Isaiah 42:3

Ia e dee hhadi naa donu de aalege gu dai hadi laa, aabe diinei de wick gu dai made laa. Gai ia e hagamodu muna i de mee abodonu.

Psalm 27:10

Gai ga dilia naa donu au i luoogu maadua donu, aagai Tagi Maolunga ga abodonu mai gi de au.

Psalm 28:9

Hagaola ina doo huaadangada ma de hagamanuuia dangada o doo boolonga; gai koe gi hagaloosi ina ma de saabai gilaadeu ga hano ai.

Psalm 37:3

Koe gi hagadonusia Tagi Maolunga ma de hai tanuaa; gai koe ga noho baba i honga de henua ga gaimee ai.

Psalm 100:3

Goodou gi iloo bolo Iahweh go de Maadua donu. Go ia ne haia gidaadeu, gai niiana donu gidaadeu; gidaadeu go ono dangada, gai go ssiibi i dana mommee iai helii.

Jeremiah 31:8

Tilo, au e hagaahe mai naa gilaadeu i henua i ngaiho, ma de hagabuni mai gilaadeu i luu bido o henua i lalo. E hanu naa hogi dangada dee kide ma de gau balagelage i olaadeu magavaa, ma denga haahine hai tama aama denga haahine gu hai olaadeu hagalangona; dahi hagabuulingaa dangada soa e aahe mai naa gi kinei.

Jeremiah 31:10

Denga huaahenua, goodou hagalaangona muna a Tagi Maolunga, gai hagadele ina i denga henua mmao: ‘De ia ne haia ga mavaevae saele Israel e hagabuni mai naa gilaadeu, ma de tilo ange gilaadeu bei dagodo o tangada hagaloosi ssiibi.’

Ezekiel 34:2

“Tama a tangada, basa pelaabisi hai baasi ange gi de gau hagaloosi o Israel; basa pelaabisi hai ange gi gilaadeu, ‘E hagadaba de Ia Aamua go Iahweh: E vakaa naa de gau hagaloosi o Israel, e haangai laa donu huu gilaadeu! E aha, e dee go de gau hagaloosi e diiloo ange denga ssiibi?

Micah 7:14

Hagaloosia ange oo dangada i doo dogo, go de hagabuulingaa ssiibi o doo boolonga, go dangada e nnoho laa donu huu i gilaadeu i lodo henua, i de mommee iai de gelegele danuaa. Dugua denga manu gi gaimee saele i Bashan ma Gilead bei dagodo mee nogo hai madagidagi.

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Ezekiel 34:15

Go au donu e hagaloosi ina ange agu ssiibi, ma de hai gilaadeu gi daakodo iho gi hagammabu, go de Ia Aamua go Iahweh e hagadaba.