Isaiah 40:10 - De Beebaa Dabu

¹⁰ Tilo, de Ia Aamua go Iahweh e humai naa i ssauaa, gai ia ga hodooligi i dono lima mmahi. Tilo, ia e gaamai ana hagaoanga madali ia, ma mee e hagao ange ai alaadeu hegau.

Isaiah 40:10 Referans Kwoze

Revelation 22:12

“Tilo, au gu dai humai donu. Gai au e gaamai naa madali au mee e hagao ange ai dahi ma dahi gi bei dagodo o ana hegau.

Isaiah 62:11

Tilo, Tagi Maolunga gu hagailoo ange gi luu bido o henua i lalo; “Goodou hai ange gi tamaa hine o Zion: Tilo, doodou Ia Hagaola gu humai! Tilo, ia e gaamai ana hagaoanga madali ia, ma mee e hagao ange ai alaadeu hegau.”

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

Matthew 28:18

Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au.

Isaiah 49:4

Aagai au ne hagadaba, “Teai donu haigamaiana o agu hegau, au ne moumou ogu mahi i hanu ngadi mee. Gai go Tagi Maolunga e hagamodu ina dogu heohi, gai go dogu Maadua e gaamai dogu hagaoanga.”

Isaiah 59:15

Gai gu deai donu se muna abodonu e gidee i kilaa; gai tangada e kino laa i de baubau e vaivai haia. Gai Tagi Maolunga tee malangilangi i dana gidee bolo gu deai se hagamodu muna heohi.

1 John 3:8

Tangada e haisala se dama donu nii de ia hagabaubau, go hiidinga de ia hagabaubau gu haisala mai huu i taamada age. Aagai Tama Daane a de Maadua ne humai e oha hegau a de ia hagabaubau.

John 12:15

“Tamaa hine o Zion, aude madagu; tilo, doo hodooligi e humai naa, gai ia e gage i honga tama a dahi donkey!”

Psalm 110:6

Ia e hagamodu naa muna o denga huaahenua, ga hhao olaadeu mommee gi honu i de gau maakau; ia e daa naa denga dagi o henua i lalo alodahi.

Hebrews 2:14

Deenei ai, go hiidinga denga dama ni kano ma dodo, e bei ai hogi, ia ne hai gi se dangada bei olaadeu dagodo, gi maua ai e ia i de magau e hagadee kii ai de ia e daohia laa ssauaa o de magau, go de ia hagabaubau,

John 12:13

Deelaa ai, gilaadeu ne duuduu iho denga lau palm ga hulo ai e hedae ange gi de ia, ga hagataba, “Hosanna! E manuuia tangada e humai i de ingoo o Tagi Maolunga, de Hodooligi o Israel!”

Isaiah 53:12

Deenei ai, au e vvae ange naa gi de ia dahi duuhanga madali de gau maolunga, gai ia e vaevae naa denga goloa o de hebagi madali denga daane mmahi; go hiidinga ia ne dugu ange dono mouli gi de magau; ia gu dau madali de gau haisala. Ia ne hagauda haisala o dangada soa, aama de dalodalo i hiidinga o de gau haisala.

Psalm 66:3

Hai ange gi de Maadua, “Au hegau e hagamaatagu mmao! Doo sauaa e laumalie mmao gai oo hagadaumee e bolebole i oo mada i mua.

Revelation 20:11

Gai au ne gidee dahi nohoanga hodooligi maolunga tea ma de ia e noho i ono elunga. Gai henua i lalo ma de langi ne moolau donu de ngaalue gee mai i mada luoono mada, gai teai selaau mommee ne gidee.

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

Isaiah 28:2

Tilo, de Ia Aamua e dahi ana ia sauaa ma de mmahi. Bei denga duudangaa haisi ma de madangi mmahi e oohaa laa mee, ma de langi mmahi ma de maadolu e pala iho laa, gai ia e poo ga maga iho naa gi honga de gelegele.

Isaiah 33:2

Tagi Maolunga, koe gi abodonu mai gi gimaadeu; gimaadeu e tali adu donu huu goe. Go koe omaadeu mmahi i daiao alodahi, ma demaadeu hagaola i de masavaa omaadeu e hai ngadaa ai.

Isaiah 51:5

Dogu heohi e moolau naa donu de dae mai, dagu hagaola gu dae mai donu; ssauaa o dogu lima e hagamodu naa muna o denga huaahenua i de heohi. Mommee i tagudai e kalo mai naa gi de au, ma de tali mai ssauaa o dogu lima mmahi.

Isaiah 59:16

Ia ne gidee bolo gu deai donu se dangada daudahi, gai gu lele ono mouli i teai se dangada e balea; gai ia ga hagahai hegau dono lima sauaa e hagaola ina, gai go dono heohi ne gaavange gi de ia de kii.

Isaiah 59:18

Gai ia e hagao ange naa gilaadeu gi bei alaadeu hegau, ma de bole ange gi ono hagadaumee, ma de hagao ange hegau a dangada e kino i de ia; gai ia e sui ange naa hegau a dangada e nnoho i tagudai.

Isaiah 63:5

Au ne galogalo saele ga tilo, aagai e deai donu se dangada e balea mai au. Au ne lele ogu mouli i teai se dangada e balea; gai go ssauaa o dogu lima ne hagahai hegau ina dagu hagaola, gai dogu bole ne bale mai au.

Genesis 15:1

Dua mee nei gai Tagi Maolunga ne hagaago ange ana muna gi Abram i de midi, ga hai ange, “Abram, aude madagu. Go au dau mee hungihungi, gai go doo hagaoanga laumalie.”

Jeremiah 31:16

E hagadaba Tagi Maolunga, “Duudia dau dangi gai sooloa oo loimada, go hiidinga e dahi donu hagaoanga o au hegau, go Tagi Maolunga e hagadaba. Gai gilaadeu e aahe mai naa i de henua o de hagadaumee.