Isaiah 38:18 - De Beebaa Dabu

¹⁸ De mommee o de gau maakau e dee maua i de hagaahe adu de abodonu gi de goe; gilaadeu gu loiho gi de mommee o de gau maakau e dee maua i de tali hagalodolodo adu gi doo hai hegau i de mee abodonu.

Isaiah 38:18 Referans Kwoze

Ecclesiastes 9:10

Be ni aha naa huu aau e gidee e hai, gai koe hagaduu ngae haia, go hiidinga de mommee o de gau maakau, go de mommee oou gu dai hano naa aagena, e deai donu hegau e hai ai, e deai hogi hagatau, be se iloo mee aabe se heiangi.

Psalm 6:5

E deai donu se dangada e manadua goe i dua dono magau. Gai goai naa e duuhia goe i de mommee o de gau maakau?

Psalm 30:9

“Ni haigamaiana aha dogu daia ga magau, ma dogu hano gi de mommee o de gau maakau? E maua e de gelegele i de tuhi goe? Gai e maua e de gelegele i de tala dagodo o doo hai hegau i de muna abodonu?

Matthew 25:46

Gai gilaadeu nei e hulo gee naa ga kave de hagaduasala e deai laa se ngado mai. Aagai gilaadeu e heohi e kave naa de mouli e dee ngado mai.”

Matthew 8:12

Aagai dangada niiolaadeu de nohoanga hodooligi e tili naa gi lo te gohu i duaahaho, go de mommee o de tangi ma de hagaida ai gauvae.”

Proverbs 14:32

Tangada baubau e hagaduasala donu huu i ana hegau baubau, aagai tangada heohi e dahi donu ono buibui i de masavaa o de magau.

Numbers 16:33

Gai gilaadeu ma olaadeu goloa alodahi gu tili iho gi de mommee o de gau maakau; gai de gelegele gu ahe ange ga buni, gai gilaadeu alodahi gu maakau, ga dee nnoho i magavaa o hagabuulingaa dangada.

Psalm 28:1

Tagi Maolunga, au e hagahi goe; go koe dogu baba makaga, aude bonodia luoo dalinga i de au. Noo koe e dee muu mai, gai au e bei donu dangada gu hulo laa gi de mommee o de gau maakau.

Psalm 6:6

Au gu dalea mmao i de gonogono; de boo alodahi gai dogu moenga e ssui i ogu loimada, ogu loimada e hai ga ssui dogu mee dagodo.