Isaiah 38:13 - De Beebaa Dabu

¹³ Au ne tali de dae mai o taiao, aagai ia ne hadihadi ogu ivi alodahi bei tagodo o de laiono, mai i de laangi ga dae ai gi de boo, gai koe e hai gi odi dogu mouli.

Isaiah 38:13 Referans Kwoze

Daniel 6:24

Gai de hodooligi ga tala ga hagasauaa mee e hai, gai gilaadeu ga dagi mai denga daane ne hagabaubau ina laa Daniel ga tili ange gi lo te haonga o denga laiono, madali olaadeu bodu ma alaadeu dama. Gai olaadeu angaanga tee paa donu i tagelo o de haonga laa, gai denga laiono ga hangahanga gilaadeu ga gai ma olaadeu ivi.

Psalm 51:8

Haia gi malangilangi au ma de lodo danuaa; koe gu hadihadi ogu ivi, haia gi ahe ange au gi malangilangi.

Hosea 5:14

Au e hebagi ange naa gi Ephraim bei dahi laiono, gai e hebagi ange gi Judah bei dahi laiono mmahi. Au e hagalagolagohia naa gilaadeu ga tili gilaadeu gai au ga hano. Au e kave gee naa gilaadeu, gai e deai donu e maua i de hagaola gilaadeu.

Psalm 50:22

Goodou gu ngalo laa de Maadua, hagasaelea de mee nei, au kana hangahanga goodou, gai gu deai e maua i de hagaola goodou.

Psalm 39:10

Duudia dau hagailiili au; au gu dee vaangalue i de kona dau hagailiili au.

1 Kings 20:36

Gai de pelaabisi ga hai ange, “Go hiidinga koe tee daudali i muna a Tagi Maolunga, deelaa ai, de masavaa naa donu huu oou e hano gee mai ai i kinei, gai dahi laiono e daa naa goe ga magau.” Gai de masavaa huu o taane laa ne hano gee mai ai i kilaa, gai dahi laiono gu hedae ange gi de ia, ga daa ia gu magau.

Psalm 7:2

gilaadeu kana oha dogu hagasaalunga bei hegau a de laiono, ma de hangahanga dogu angaanga, gai gu deai se dangada e hagaola ina mai au.

Psalm 32:4

De laangi ma de boo gai doo lima e hagadaemaha mmao au; gai gu deai ogu mahi bei de mahana o de masavaa hagamahana. Selah

Lamentations 3:4

Ia gu hai dogu gili ma dogu angaanga gi hagadaga ange de bobo, ma de hadihadi ogu ivi.

De Beebaa go Job 7:6

Ogu laangi gu moolau ange i de mee siga a tangada langa mee, gai ga odi nei donu gai e deai sagu tali iai.

Psalm 90:5

Koe e kave mouli o dangada bei dagodo o tolona; olaadeu mouli e bei dagodo o de midi bodobodo ma denga helii hoou e ssomo age laa i taiao: