Isaiah 37:35 - De Beebaa Dabu

³⁵ Gai au e buibui naa donu ma de hagaola de aduhale nei, i hiidinga o dogu ingoo ma hiidinga o dogu dangada hai hegau go David.”

Isaiah 37:35 Referans Kwoze

Isaiah 38:6

Gai au e hagaola naa goe ma de aduhale nei mai i de hodooligi o Assyria, ma de buibui de aduhale nei.

2 Kings 20:6

Au e dugu adu naa goe gi mouli i e madaangahulu ma lima ange ngadau. Au e hagaola naa goe ma de aduhale nei mai i de hodooligi o Assyria, gai au e buibui naa de aduhale nei i hiidinga o dogu ingoo, aama hiidinga o dogu dangada hai hegau go David.’ ”

Isaiah 31:5

Gai e bei hogi denga manu llele e hagamaamaane laa i lo te moana, Tagi o denga hagabuulinga hebagi e buibui naa Jerusalem; ia e buibui naa Jerusalem ma de hagaola de aduhale; ia e hagamaamaane naa i honga Jerusalem e hagaola ai de aduhale.”

Ephesians 1:14

go de ia e hagadonu ai taadeu boolonga ga dae ai gi taadeu kave de mee gu bolo mai laa gi gidaadeu, gai gidaadeu ga tuhi ai dono mahamaha.

Isaiah 43:25

Go au, go au donu e sooloa gi deai oo haisala i hiidinga o dogu ingoo; au e dee ahe ange naa donu e maanadu oo haisala.

Jeremiah 30:9

Aagai gilaadeu e hai hegau ange naa gi Tagi Maolunga delaadeu Maadua, ma delaadeu hodooligi go David, go de ia aagu e gaamai e hai ai delaadeu hodooligi.

Ephesians 1:6

gai gidaadeu ga tuhi ai de mahamaha o dono abodonu, ne ngadi gaamai laa gi gidaadeu i hiidinga o dana Dama Hagamogomogo.

Ezekiel 36:22

Deenei ai, hai ange gi dangada o Israel, ‘E hagadaba de Ia Aamua go Iahweh: Dangada o Israel, e dee go oodou hiidinga donu aagu e hai ai hegau nei, aagai go hiidinga o dogu ingoo dabu, go de ingoo oodou ne hagangadi mee i daho denga huaahenua oodou ne hulo ga nnoho ai.

Ezekiel 20:9

Aagai au ne hai mee nei i hiidinga o dogu ingoo, gi dee hagangadi mee ina ai dogu ingoo i daho denga huaahenua olaadeu e nnoho laa i olaadeu magavaa. Gai au ne hagaago ange ogu dagodo gi de gau Israel, i dagu hagassao mai gilaadeu i de henua go Egypt.

1 Kings 15:4

Aagai go hiidinga o David, gai Tagi Maolunga dono Maadua ne hai gi dee lilo dono nohoanga hodooligi i Jerusalem, gai ne hai dahi ana dama gi suuia ia gi hodooligi ai, ma de hai Jerusalem gi se aduhale mmahi.

1 Kings 11:36

Aagai au e gaavange naa dahi aamuli gi dana dama daane, gi dee lilo ai de nohoanga hodooligi o dogu dangada hai hegau go David, i mada luoogu mada i Jerusalem, go de aduhale aagu ne hilihili e dugu ai dogu ingoo.

Deuteronomy 32:27

aagai au e madagu i muna hagammae manava a de hagadaumee, kana dee tonu ange denga hagadaumee, ga hagataba, ‘Gimaadeu ne kii i omaadeu mahi donu; e dee go Tagi Maolunga donu ne haia mee nei.’ ”

1 Chronicles 17:19

Tagi Maolunga, go hiidinga o doo dangada hai hegau, aama dagodo o oo lodo donu, koe gu hai de hegau laumalie nei ma de hai gi iloo dagodo o au hagatoo donu.

Zechariah 9:15

gai Tagi o denga hagabuulinga hebagi e buibui naa gilaadeu. Gilaadeu e daa naa dangada ma de hagadee kii gilaadeu i denga buada. Gilaadeu e unu naa ma de hevaalogi bei dagodo o dangada gu ssenga i de unu uvaini; gilaadeu gu hoohonu bei de gumedi iai laa dodo e hagassii ange laa gi dege o de mommee o ssigidaumaha.