Isaiah 37:28 - De Beebaa Dabu

²⁸ Aagai au e iloo doo mommee e noho ai, ma mommee oou e hano aagena, ma de kona doo lili i de au.

Isaiah 37:28 Referans Kwoze

Revelation 2:13

Au e iloo dagodo o doo mommee e noho ai, go de mommee iai de nohoanga o Satan. Aagai koe e duu ma e makaga i dogu ingoo, koe tee tili doo gai i laangi o taane go Antipas, go dogu daane tala hagadonu, ia se daane niiogu e hai hegau i de muna abodonu, gai ne daia ga magau i oodou daha, go de mommee o Satan e noho ai.

Proverbs 15:3

Luu mada o Tagi Maolunga i mommee alodahi, ia e dagitilo de gau baubau aama gilaadeu e danuaa.

Proverbs 5:21

Tagi Maolunga e gidee danuaa hegau a tangada, gai ia e tilo dagodo o ana hegau alodahi e hai.

1 Samuel 29:6

Gai Achish ga hagahi David, ga hai ange gi de ia, “Au e hagatoo donu i de mouli o Tagi Maolunga, koe se daane e hai hegau i de mee abodonu, gai au ne maanadu bolo e danuaa doo humai madali au gi de hebagi. Go hiidinga au tigi gidee donu dahi hegau dee heohi i oo daha, mai i taamada doo humai gi ogu daha, ga dae mai ai gi anailaa nei. Aagai denga dagi e dee malangilangi i de goe.

2 Samuel 3:25

Koe e dee iloo bolo Abner, tama daane a Ner, ne humai e daahanga goe ma de hai gi iloo e ia mommee oou e hano aagena, aama au mee alodahi e hai.”

Jeremiah 48:30

Au e iloo bolo ia e hagamaolunga, aagai e deai donu haigamaiana, go Tagi Maolunga e hagataba, gai ana hegau e deai donu mee e kii ange ai.