Isaiah 36:6 - De Beebaa Dabu

⁶ Tilo, dau tali go Egypt, go de henua e bei laa togo madila gu hadi laa; gai e duuia ai naa de lima o tangada e hannagi ange aagena. Aanei dagodo o Pharaoh, de hodooligi o Egypt, ange gi dangada alodahi e daalia ange ia.

Isaiah 36:6 Referans Kwoze

Isaiah 31:3

De gau Egypt ni dangada, e dee go de Maadua; alaadeu hoosa ni mee henua i lalo, e dee ni hagasaalunga. De masavaa a Tagi Maolunga e hagaabo ai dono lima sauaa, gai de huaahenua e balea ange laa e maoha naa, gai de ia e gaavee laa de bale e dee kii; gilaau ngaadahi e oohaa naa.

2 Kings 18:21

Tilo, dau tali go Egypt, go de henua e bei laa dagodo o togo madila gu hadi laa, gai e duuia ai naa de lima o tangada e hannagi ange aagena! Aanei dagodo o Pharaoh, de hodooligi o Egypt, ange gi dangada alodahi e daalia ange ia.

2 Kings 17:4

Aagai de hodooligi o Assyria gu iloo bolo Hoshea gu hai dagi hagatau vaivai dagodo, go hiidinga ia gu hai hanu dangada gi hulo gi daho de hodooligi o Egypt go So, gai ia gu dee hagao ange hogi taagisese gi de hodooligi o Assyria, bei ana hegau e hai i ngadau gu hulo. Deelaa ai, de hodooligi o Assyria ne poo ia ga hhao gi lo te hale pono.

Psalm 146:3

Koe gi dee tali hagalodolodo ange gi denga dagi o de henua, aabe go dama a dangada, go dangada e dee maua i de hagaola goe.

Proverbs 25:19

Dau hagadonu tangada e dee hai hegau i de mee abodonu i de masavaa hai ngadaa, e bei dagodo o de niho bobo aabe go de vae gu maaguluaa laa.

Isaiah 31:1

E vakaa naa gilaadeu e hulo laa gi Egypt e ssala ai delaadeu bale, gai e hagadonusia mahi o denga hoosa, ma de tali hagalodolodo ange gi denga hada hebagi lagolago, ma mahi o olaadeu daane i honga hoosa, aagai e dee anga ange gi de Ia Dabu o Israel, aabe e dangidangi i de bale mai i daho Tagi Maolunga.

Ezekiel 17:17

Gai Pharaoh ma dono hagabuulinga hebagi aama denga daane soa e dee maua naa donu i de bale ange ia i de hebagi, i de masavaa a de gau Babylon e loomai ai ga hagabudubudu age denga gelegele ma de hagatuu age denga mee e oha ai de buibui ma de daa dangada soa ga maakau.

Ezekiel 29:16

Gai de gau Israel e dee aahe ange naa donu e tali hagalodolodo ange gi Egypt, aagai gilaadeu e manadua naa olaadeu baubau, i delaadeu tali ange gi de gau Egypt. Gai gi iloo ai e gilaadeu bolo go au donu de Ia Aamua go Iahweh.”