Isaiah 36:16 - De Beebaa Dabu

¹⁶ Goodou aude hagallongo ange gi Hezekiah, go hiidinga e hagadaba de hodooligi o Assyria: Goodou hagaheloongoi mai gi de au ga ssao mai gi ogu daha. Gai goodou alodahi e nnoho paba ga gai hua o oodou grape, ma oodou fig, ma de unu vai i lodo oodou vai geli,

Isaiah 36:16 Referans Kwoze

Zechariah 3:10

E hagadaba Tagi o denga hagabuulinga hebagi: De laangi laa gai dahi ma dahi e gauna ange naa dono soa gi noho madali ia i lalo dana grapevine ma dana fig.”

1 Kings 4:25

Gai Judah ma Israel gu nnoho paba, mai i Dan ga dae ai gi Beersheba; dangada alodahi gu nnoho paba, dahi ma dahi gu noho danuaa i lalo dana grapevine aama lalo dana fig i de masavaa o Solomon e mouli ai.

Micah 4:4

Gai dahi ma dahi e noho baba naa i lalo dana grapevine aama lalo dana fig, gu deai dangada e hagamaatagu ina gilaadeu, go hiidinga Tagi o denga hagabuulinga hebagi gu lava donu i de tala mee nei.

2 Corinthians 9:5

Deenei ai, au ne maanadu bolo se mee danuaa de hai denga daina nei gi loadu i mua dogu hanadu, gi hagadabena ina ai de mee ngadi gaavange oodou gu lava laa i de hagatoo donu ai, gai gi baba ai doodou mee ngadi gaavange i doodou malangilangi, e dee se mee e hai gi de mahi.

Proverbs 5:15

Unumia donu huu vai mai i lo taau vai hoda, ma vai e ssali mai i dau vai geli donu.

2 Kings 18:31

Goodou aude hagallongo ange gi Hezekiah, go hiidinga e hagadaba de hodooligi o Assyria: Goodou hagaheloongoi mai gi de au ga ssao mai gi ogu daha. Gai goodou alodahi e nnoho paba ga gai hua o oodou grape, ma oodou fig, ma de unu vai i lodo oodou vai geli,

2 Kings 5:15

Gai ia ga ahe gi daho taane o de Maadua madali dangada alodahi ne loomai laa madali ia, ga duu i mada i mua o taane laa ga hai ange, “Tilo, au e iloo bolo e deai ange donu se Maadua abodonu i henua i lalo, go Israel donu huu. Aude haihaia gaavee denga mee ngadi gaavange nei mai i daho doo dangada hai hegau.”

1 Kings 4:20

Gai gu soa mmao dangada i Judah ma Israel, bei de lagolago gelegele i gaogao tai; gai gilaadeu ne gaimee ma de unu ma de lodo malangilangi.

2 Samuel 8:6

Gai ia ne dugu hanu daane hebagi i Syria o Damascus, gai de gau Syria gu hai hegau ange gi de ia, ma de hagao ange taagisese gi de ia. Gai Tagi Maolunga ne hai gi kii David i mommee alodahi oona ne hano aagena.

1 Samuel 25:27

Dogu dangada aamua, gaavee de ngadi gaavange a doo hahine hai hegau ne gaamai nei e gaavadu gi de goe, mage gaavange gi denga daane e daudali adu naa i de goe.

1 Samuel 11:3

Gai dagi o Jabesh ne hai ange gi de ia, “Daalia mai gimaadeu i e hidu laangi, gai gimaadeu ga kave hanu dangada hagailoo gi hulo gi denga ungaamee alodahi o Israel. Gai noo e deai donu dangada e loomai e hagaola ina gimaadeu, gai gimaadeu ga hai hegau adu ai gi goodou.”

Genesis 33:11

Aude haihaia, gaavee dagu mee ngadi gaavange gu gaamai nei gi de goe, go hiidinga de Maadua gu abodonu mai gi de au, ma gu gaamai gi de au mee alodahi oogu e mouli ai.” Gai ia ga usuusu ange ia, gai Esau ga kave mee laa.

Genesis 32:20

Gai goodou ga hai ange hogi, ‘Tilo, doo dangada hai hegau go Jacob e humai i omaadeu dua.’ ” Gai Jacob ne maanadu i ono lodo, “Au e hai naa gi sili dono lili i denga ngadi gaavange e kave nei i ogu mada i mua; gai dua naa huu mee nei, gai agu made Esau e abodonu mai naa gi de au, i demaau hedae.”

Proverbs 27:18

Tangada e bolia ange de fig e gaimee naa i ono hua, gai tangada e diiloo ange dono dangada aamua e hagadubulia naa.

Isaiah 36:17

ga dae ai gi dogu humai e kave goodou gi dahi henua bei doodou henua, se henua iai grain ma uvaini hoou, gai se henua iai pelaoaa ma denga veelengaa grape.