Isaiah 35:8 - De Beebaa Dabu

⁸ Gai e hai naa dahi haiava laumalie i kilaa, gai e hagaingoo ange naa go de Haiava Dabu. De gau hakino gee e dee maua donu i de seesee i de haiava laa, gai de haiava laa se mee ange gi gilaadeu e seesee ai, aagai de gau llodo senga e dee maua donu i de seesee i kilaa.

Isaiah 35:8 Referans Kwoze

Isaiah 42:16

Au e dagi naa gilaadeu e dee kide i dahi haiava alaadeu tigi iloo, ma de dagi gilaadeu i denga dao haiava olaadeu tigi hulo ai; au e sui naa de gohu gi se maalama i olaadeu mada i mua, ma de hai denga mommee haduhadua gi ssoe. Aanei agu mee e hai ange gi gilaadeu, gai e dee tili naa donu gilaadeu.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

Revelation 21:27

Aagai e deai donu se mee hakino gee e hagaulu mai gi kilaa, be se dangada e haia dahulinga hakino gee ma de mee hagasenga, gai go gilaadeu donu huu gu sisi laa olaadeu ingoo i de beebaa o de mouli a Ssiibi Gauligi e maua i de ulu i kilaa.

2 Timothy 1:9

go de ia ne hagamouli ina gidaadeu ma de hagahi ange gidaadeu gi de mouli dabu — aagai e dee go hiidinga o adaadeu hegau gu hai, gai go hiidinga o dana hagatau aama dono abodonu mai gi gidaadeu i lodo o Klisdo Iesu mai i taamada age,

Hebrews 12:14

Goodou saalaa doodou hai e nnoho paba ai madali dangada alodahi ma de hai gi dabu goodou, go hiidinga e deai donu se dangada e maua gi gidee Tagi Maolunga noo ia e dee hai gi dabu.

Jeremiah 31:21

Maaga ina doo haiava e seesee ai, gai hagatuulia age hanu mee hagailonga e dagi ai goe; diiloo gi danuaa de haiava laumalie, ma de haiava oou ne humai ai. De bua moe go Israel, ahe mai, ahe mai gi oo aduhale.

Isaiah 30:21

Gai noo goodou e taa gi de madau aabe e taa gi de masui, gai goodou e langona naa dahi leo i oodou dua e hai adu, “Deenei de haiava, goodou seesee ai.”

Ezekiel 44:9

Gai e hagadaba de Ia Aamua go Iahweh: E deai donu se dangada henua gee tigi tuu dagaholiage ono lodo ma dono angaanga e ulu i dogu mommee dabu, e deai donu hogi dangada henua gee e nnoho i magavaa o de gau Israel.

1 Thessalonians 4:7

Gai de Maadua tee hagahi gidaadeu gi haia mee hakino gee, gai ia ne hagahi gidaadeu gi hai hegau i tagodo e dabu.

Proverbs 4:18

Aagai de haiava o tangada heohi e bei de maalama o taiao, e hagadagadaga ange laa de maalama ga dae ai gi de duu donu o de laa.

Isaiah 60:21

Gai oo dangada alodahi e mouli naa i de heohi; gilaadeu e henua naa i de henua ga hano ai. Gai go gilaadeu de uli aagu ne doo laa, go hegau a luoogu lima, e hagaago mai ai dogu hagamahamaha.

Ephesians 2:10

Go hiidinga gidaadeu ni mee niiana ne hai, ma de hai i lodo o Klisdo Iesu, ange gi denga hegau danuaa a de Maadua gu hagadabena laa i mua, gidaadeu gi hai hegau ai.

John 7:17

Tangada e lodo e daudali i lodo o de Maadua e maua gi iloo, be agu agoago ni mee mai i daho de Maadua aabe niiagu donu huu.

Isaiah 62:10

Ulu laa lodo, ulu laa lodo haitoga! Hagadabena ina de haiava o dangada e ulu ai. Hagaduulia age, hagaduulia age de haiava laumalie! Aaua denga hadu; hagaduulia age de hagailonga ange gi denga huaadangada.

Isaiah 57:14

Gai hanu e hagataba naa, “Hagaduulia age, hagaduulia age, hagadabena ina de haiava! Aaua gee mee e buibuia de haiava o ogu dangada.”

Isaiah 4:3

Gai tangada e doe i Zion ma de noho i Jerusalem e hagabinga naa bolo e dabu, go dangada alodahi gu daohi olaadeu ingoo bolo e mouli i Jerusalem.

Joel 3:17

“Gai goodou e iloo naa, bolo go au donu go Iahweh doodou Maadua, e noho laa i Zion, dogu mounga dabu. Jerusalem e hai naa gi dabu; gai de gau henua gee e dee aahe ange donu e kage mai gi honga de henua.

Proverbs 8:20

au e seesee i de haiava o de heohi, ma haiava o de hagamodu heohi,

Psalm 119:130

De hhuge mai o au muna e gaamai de maalama, gai e hai gi tonu ange gilaadeu e llodo ssenga.

Psalm 23:4

Gai ga seesee naa donu au i lo te geelonga gohu boo dangodango, gai au e dee madagu donu i dahi mee baubau daudahi, i hiidinga koe e noho madali au; dau laagau ma doo dogo e hagaaneane ogu lodo.

Psalm 19:7

De hainga a Tagi Maolunga e honu danuaa, gai e hagammahi de lodo; muna a Tagi Maolunga ni muna abodonu, gai e hai ga heiangi gilaadeu e ssenga.

1 John 2:20

Aagai doodou hagadabu i de lolo se mee mai i daho de Ia Dabu laa, gai goodou alodahi gu iloo donu de muna abodonu.

2 Peter 3:13

Aagai gidaadeu e tali de langi hoou ma henua i lalo hoou, gu lava laa i de hagatoo donu, go de mommee iai de heohi.

Ezekiel 43:12

Deenei de hainga o de temple: de mommee i luu baasi alodahi i honga de mounga laa e dabu mmao. Deenei de hainga o de temple.

Isaiah 52:11

Goodou hulo gee, goodou hulo gee, hulo gee mai i kilaa! Goodou aude poo ange gi dahi mee hakino gee! Goodou ssao hulo gee mai i kilaa gai gi gilimalali ai goodou, go goodou e hagauda ina goloa hai hegau o Tagi Maolunga.

Isaiah 52:1

Zion, alahage, alahage, hagammahi ina goe. Jerusalem, de aduhale dabu, gahu i oo malo mahamaha. Gai de gau tigi tuu dagaholiage ma gilaadeu e dee gilimalali e dee aahe e ulu i de aduhale.

Isaiah 33:8

Denga haiava nnui gu ngadi daakodo, gu deai dangada e hulo saele i honga denga haiava. Gai de hagatoo donu hagaheloongoi gu maoha, denga aduhale gu hagangadi mee ina; gai gu deai donu se hagadubu o dangada.

Isaiah 19:23

De masavaa laa gai e dahi haiava laumalie e humai naa i Egypt ga hano gi Assyria. De gau Assyria e loomai gi Egypt, gai de gau Egypt e hulo gi Assyria. Gai de gau Assyria ma de gau Egypt e hagabuni naa ga daumaha.

Isaiah 11:16

Gai e dahi naa haiava laumalie ange gi ono dangada e doe, e aahe mai ai i Assyria, bei de hai o de gau Israel ne loomai ai laa i Egypt.

1 John 2:27

Aagai de hagadabu i de lolo oodou gu kave naa i daho Klisdo gu noho donu i oodou lodo, deenei ai, e deai ange donu se dangada e agoagona adu goodou i de mee heohi. Aagai go de hagadabu i de lolo oodou gu kave naa e agoagona adu goodou i mee alodahi, gai ni muna abodonu, e dee ni muna hhadu — goodou nnoho i ono lodo bei doodou hai gu agoago ai naa.

Matthew 1:23

“Tilo, de bua moe e hai dama naa ga haanau dahi dama daane, gai gilaadeu e hagaingoo ange naa ia go Emmanuel,” e bei, “De Maadua madali gidaadeu.”

1 Peter 1:16

Gai gu sisi e hai ange, “Goodou gi dabu, go hiidinga au e dabu.”

Psalm 118:20

Deenei de haitoga o Tagi Maolunga; gai go gilaadeu e heohi e ulu ai.

Proverbs 16:17

De haiava o dangada e haia de mee heohi e hagaui gee i de baubau, gai tangada e dagidiiloo dono haiava e hagaola dono mouli.

Isaiah 51:10

E dee go koe ne haia ga masa tai, ma denga vai o de moana gelo; e dee go koe ne haia dahi haiava i lo te lausedi, e seesee ai gilaadeu aau gu hagaola?

Leviticus 26:6

Gai au e hai naa gi nnoho paba dangada i honga de henua, gai goodou e sseni danuaa naa, gu deai mee e hagamaatagu ina goodou. Gai au e aau gee naa denga manu alasala mai i honga de henua, gai e deai naa donu hogi hebagi e hai i doodou henua.

Proverbs 9:4

“Be goai e lodo senga, gai ia gi daa mai gi kinei!” Ia ne hai ange gi dangada e dee tonu,

Isaiah 43:19

Tilo, au e hai dahi mee hoou! Gai gu sula age donu; e aha, goodou tigi tonu ange laa aagena? Au e hai naa dahi haiava i de vao, ma denga saalingaa vai i de mommee e deai vai iai.

Isaiah 62:12

Gai gilaadeu e hagaingoo ange naa go de Gau Dabu, go Dangada a Tagi Maolunga gu Hagaola; gai koe e hagaingoo ange naa go de Aduhale e Saalaa, se Aduhale e dee Dilia.