Isaiah 35:4 - De Beebaa Dabu

⁴ hai ange gi gilaadeu e manavasaa olaadeu lodo, “Goodou llodo mmahi, goodou gi dee maatagu; tilo, doodou Maadua e humai naa e sui ange de baubau, doodou Maadua e hagao ange naa alaadeu hegau, ia e humai naa ga hagaola goodou.”

Isaiah 35:4 Referans Kwoze

Haggai 2:4

Aagai koe gi lo taane, Zerubbabel, go Tagi Maolunga e hagadaba. Joshua, tama daane a Jehozadak, tangada haimeedabu maolunga, koe gi lo taane. Dangada alodahi o de henua, goodou gi lo taane, go Tagi Maolunga e hagadaba, goodou hagammahi hai hegau. Go hiidinga au madali goodou, go Tagi o denga hagabuulinga hebagi e hagadaba.

Isaiah 34:8

Go hiidinga Tagi Maolunga e dahi ana laangi e sui ange ai alaadeu hegau, gai se ngadau e sui ange ai alaadeu hegau i hiidinga o Zion.

Ephesians 6:10

Denga daina, aanei agu muna hagaodi, hagammahi ina goodou i mahi o Tagi Maolunga ma dono sauaa mmahi.

Isaiah 33:22

Gai Tagi Maolunga go demaadeu ia hagamodu muna, Tagi Maolunga go demaadeu ia hai hainga, Tagi Maolunga go demaadeu hodooligi; gai go ia e hagaola ina gimaadeu.

Isaiah 61:2

ma de tala dagodo o de ngadau o de abodonu o Tagi Maolunga, ma de laangi a taadeu Maadua e sui ange ai de baubau; ma de hagaaneane ai lodo o dangada alodahi e hinangalosaa,

1 Chronicles 28:20

Gai David ne hai ange hogi gi dana dama go Solomon, “Koe gi lodo mmahi ma de lo taane i de hai de hegau nei. Aude madagu aabe gi lodo baageaa, go hiidinga Tagi Maolunga de Maadua, dogu Maadua, e noho madali goe. Ia e dee hano gee naa donu i oo daha aabe tili goe ga dae ai gi de lava hegau o de hale o Tagi Maolunga.

Luke 21:28

Gai de masavaa naa huu e daamada ai de hai mee nei, aagai goodou tuu mage daangage age oodou biho, go hiidinga gu baa mai donu doodou hagamouli.”

Isaiah 25:9

De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”

Daniel 10:19

Gai ia ne hai mai, “Aude madagu, taane hagamogomogo mmao ⌊i daho de Maadua⌋, de baba gi dagodo i oo daha; koe gi lodo mmahi.” De masavaa oona ne basa mai ai, gai au gu ahe ange ga hanu ogu mahi, gai au ga hai ange, “Dogu dangada aamua, daalaa mai au muna, go hiidinga koe gu hagammahi au.”

Isaiah 44:2

E hagadaba Tagi Maolunga, go de ia ne haia goe, ma de hagaholi goe i de mommee o denga dama, gai go de ia ne balea adu goe: Aude madagu, Jacob, dogu dangada hai hegau; Jeshurun, de mommee aagu ne hili.

Revelation 22:20

Gai de ia e daalaa hagadonu mee nei ne hagadaba, “Ni muna abodonu, au gu dai humai donu.” Amen. Tagi Maolunga go Iesu, humai!

Revelation 2:10

Aude madagu i mee oou gu dai hagaduasala ina ai. Tilo, de ia hagabaubau laa gu dai hai naa gi dilia ange hanu goodou gi lo te hale pono e hagatale ai goodou, gai goodou e vaivai haia naa i e madaangahulu laangi. Gai goodou tuu gi makaga ga dae ai gi doodou maakau, gai au ga gaavadu gi de goe de hau o de mouli.

Isaiah 32:4

Gai maanadu a tangada e moolau ono lodo e donu ange naa, tangada e lau dono alelo e tala ana muna ga tonu ange dangada aagena.

Revelation 1:7

Tilo, ia e humai naa i honga denga giliiga. Gai dangada alodahi e gidee naa ia, ma gilaadeu donu hogi ne velosia laa ia; gai aamuli alodahi o henua i lalo e tangi naa i ono hiidinga. Gai mee nei e hai naa donu! Amen.

2 Timothy 2:1

Deenei ai, dagu dama, koe gi lodo mmahi i de abodonu e dagodo laa i daho Klisdo Iesu;

Hosea 1:7

Aagai au e lodo aloha ange naa gi dangada o Judah; au e hagaola naa gilaadeu. Au e dee hagaola gilaadeu i de mee hholu, be go de gadilaasa, be go de hebagi, aabe go denga hoosa ma daane e saavini ai, aagai au e hagaola naa gilaadeu i ssauaa o Tagi Maolunga delaadeu Maadua.”

Isaiah 66:15

Tilo, Tagi Maolunga e humai naa madali de ahi, gai ono hada hebagi e bei dahi sio; ia e hagahai hegau naa dono lili i dono bole, gai dana hagasee e hai naa madali de ahi ula.

Hebrews 9:28

gai e bei ai hogi dagodo o Klisdo: ia ne gaavange dono mouli e hai ai ssigidaumaha i e dahi donu huu hanonga, e kave gee ai haisala o dangada soa, gai ia e hagasula mai naa hogi i de lua hanonga, gai e dee se humai e hagauda haisala, aagai e hagamouli gilaadeu e daalia ia.

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

Habakkuk 2:3

Gai de midi hagaago ange e tali dono masavaa; de masavaa gu dae mai donu, gai e dee mmule naa donu. Gai ga mmule naa donu, gai koe daalia donu huu; e dae mai naa donu, e dee mmule naa donu.

Isaiah 28:16

Gai e hagadaba de Ia Aamua go Iahweh; “Tilo, au gu hagaduu dahi hadu e hai ai tagelo i Zion, se hadu gu lava i de hagadanuaa; gai go tuludulu o de logunga hagamogomogo, gai se dagelo makaga; gai be goai e hagadonusia e dee hai mee hagamoolau.

Psalm 116:11

Gai au ne hagadaba i dogu madagu, “Dangada alodahi ni dangada hadu muna.”

Psalm 50:3

Taadeu Maadua e humai, gai ia e dee noho naa donu huu ga dee muu; de ahi e dudu mee alodahi i ono mada i mua, gai de madangi mmahi e ssau ma e duuli ai ia.

Isaiah 1:24

Deenei ai, de Ia Aamua, Tagi o denga hagabuulinga hebagi, de Ia Mmahi o Israel, e hagadaba: “E vakaa naa ogu hagadaumee, au e hagaduasala naa gilaadeu i dogu bole, ma de sui ange hegau a dangada e kino i de au.

1 Thessalonians 5:14

Denga daina, gimaadeu e dangidangi adu goodou gi agoagona ange gilaadeu e vaiduu, ma de hagaaneane ange gilaadeu e daemaha olaadeu lodo, aama de bale ange gilaadeu e baageaa, gai golomagi ina oodou lodo i dangada alodahi.

Psalm 94:1

Tagi Maolunga se Maadua e suuia ange de baubau. De Maadua e suuia ange de baubau, hagaagona mai dono mahamaha.

Psalm 145:19

Ia e gaavange naa gi gilaadeu e maatagu i de ia olaadeu mee e llodo ai; ia e hagallongo alaadeu dangidangi ma de hagaola gilaadeu.

Isaiah 7:4

Gai koe ga hai ange gi de ia, ‘Koe gi kana ange, gai gi noho donu huu, aude madagu. Aude manavasaa oo lodo i hiidinga o Rezin de hodooligi o Syria ma tama a Remaliah, i hiidinga gilaau e bei donu e lua lahhie gu kaa laa ma gu dai odi.

Isaiah 37:6

gai Isaiah ga hai ange gi gilaadeu, “Hai ange gi doodou dangada aamua, ‘E hagadaba Tagi Maolunga: Aude madagu i hiidinga muna aau gu langona, go muna a de gau hai hegau o de hodooligi o Assyria ne hagangadi mee ai au.

Isaiah 37:20

Gai Tagi Maolunga demaadeu Maadua, au e dangidangi adu koe gi hagaola ina gimaadeu mai i de hodooligi o Assyria, gi iloo ai e denga nohoanga hodooligi alodahi o henua i lalo bolo go koe donu huu go Iahweh.”

Isaiah 40:2

Hagamaamaane ina lodo o Jerusalem; daalaa ange gi de aduhale laa bolo gu odi ange dono masavaa hagaduasala, gai ono baubau gu maatala; Tagi Maolunga ne hai gi lua hanonga e kii ange ai dono hagaduasala i ono haisala.

Isaiah 47:3

Gai dangada e gidee naa doo gilisau, gai koe e dogaa naa i de hagaui oo malo; au e sui adu naa oodou hegau baubau, gai au e dee dugu naa donu dahi goodou gi ola.

Isaiah 49:4

Aagai au ne hagadaba, “Teai donu haigamaiana o agu hegau, au ne moumou ogu mahi i hanu ngadi mee. Gai go Tagi Maolunga e hagamodu ina dogu heohi, gai go dogu Maadua e gaamai dogu hagaoanga.”

Isaiah 49:25

Aagai e hagadaba Tagi Maolunga, “Uaa, de gau dee kii e kave gee naa mai i daho denga daane mmahi, gai denga goloa ne hai gi de mahi e kave gee naa i daho taane alasala; au e hebagi ange naa gi tangada e hebagi adu gi goe, gai au e hagaola naa au dama.

Isaiah 59:18

Gai ia e hagao ange naa gilaadeu gi bei alaadeu hegau, ma de bole ange gi ono hagadaumee, ma de hagao ange hegau a dangada e kino i de ia; gai ia e sui ange naa hegau a dangada e nnoho i tagudai.

Isaiah 63:4

Gai au ne maanadu bolo gu dae mai de laangi e sui ange ai de baubau, gai de ngadau aagu e hagaola ai gu dae mai.

Daniel 10:18

Gai de ia e bei laa hoolinga o tangada ne poo mai ange hogi au ga hai gu hanu ogu mahi.

1 Samuel 23:17

Jonathan ne hai ange gi de ia, “Aude madagu, go hiidinga dogu damana go Saul e dee gidee naa donu goe. Gai koe e sula naa donu ga hodooligi i Israel, gai go au doo dogolua. Gai dogu damana e iloo donu de mee nei.”

Isaiah 31:5

Gai e bei hogi denga manu llele e hagamaamaane laa i lo te moana, Tagi o denga hagabuulinga hebagi e buibui naa Jerusalem; ia e buibui naa Jerusalem ma de hagaola de aduhale; ia e hagamaamaane naa i honga Jerusalem e hagaola ai de aduhale.”