Isaiah 34:3 - De Beebaa Dabu

³ Gai olaadeu dangada gu daia laa ma gu maakau gu daakodo saele, gai angaanga o alaadeu dangada maakau e pilo naa, gai honga denga mounga e hoohonu naa i olaadeu dodo.

Isaiah 34:3 Referans Kwoze

Joel 2:20

Au e kave gee naa denga itebuubuu mai i ngaiho gi mmao gee mai i goodou, ga hai gi hulo gi de vao e deai laa vai iai gai se ngadi mommee. Denga itebuubuu e hulo i mua, e too ange naa gi lo te dai i baasi i dua, gai denga itebuubuu e loomai i muli e too ange naa gi lo te dai i baasi dai; gai e maakau naa ga pilo, i hiidinga ia gu hai hanu hegau hagalele mouli.”

Ezekiel 39:4

Gai koe e magau naa i honga denga mounga o Israel, go koe ma oo hagabuulinga hebagi ma dangada alodahi madali goe; gai au e gaavange naa oo kano gi denga hagadaagangaa manu llele ma manu lodo henua gi gaina.

Isaiah 34:7

Denga kaau aada e maakau naa madali gilaadeu, denga kaau gauligi madali denga kaau mmahi; delaadeu henua gu honu i todo, gai de gelegele gu hilo ma kiliisi.

Revelation 14:20

Gai mee nei ne dagadagahi i de mommee kumi uvaini i tua de aduhale, gai denga dodo ne ssali mai i de mommee kumi uvaini, ga hagahonu age ga dae age gi taula i de ngudu o de hoosa, gai de looloa o de mommee iai dodo laa se 180 maele.

Amos 4:10

Au ne hai gi loomai denga mee hagamaakau gi goodou bei dagu hai ne hai ai laa Egypt. Au ne daa ga maakau oodou dama daane i de gadilaasa; gai oodou hoosa ne gaavee gee. Au ne hai goodou gi dungua de pilo o oodou mommee nnoho gaainga; aagai goodou tee aahe mai gi de au, go Tagi Maolunga e hagadaba.

Ezekiel 39:11

De laangi laa, gai au e gaavange naa gi a Gog dahi daanunga i Israel, i lo te geelonga o dangada e hulo saele laa i baasi i dua o Tai. Gai de mommee olaadeu e danu ai e pono naa de haiava o dangada e hulo ai, go hiidinga Gog ma ono hagabuulinga hebagi e danu naa i kilaa. Gai de mommee laa e hagaingoo ange naa go de Geelonga o Hamon Gog.

Ezekiel 38:22

Gai au e hagaduasala naa ia i denga mee hagamaakau, ma de daa ono dangada gi magau; au e hai naa hogi gi pala iho de langi maadolu, ma denga dibadibaa haisi aama denga maga ahi ula gi ono elunga ma honga ono hagabuulinga hebagi aama honga o denga huaadangada soa madali ia.

Ezekiel 35:6

deelaa ai, au e hagatoo donu i dogu mouli, go de Ia Aamua go Iahweh e hagadaba: au e dugu ange naa goe gi de magau gi dolohia gi daea. Go hiidinga koe tee kino i de daa dangada ga maakau, gai koe e dee maua naa donu i de hagaui gee ai.

Ezekiel 14:19

Gai noo au e hai gi humai dahi mee hagamaakau gi de henua ma de hagasali todo i dogu bole, ga daa ai gi maakau dangada aama denga manu,

Jeremiah 22:19

Ia e danu naa bei dagodo o dahi donkey, ma de dada ga kave ga tili gi tua denga haitoga o Jerusalem.”

Isaiah 10:4

Gai gu deai ange oodou mee e hai, aagai go de ino donu huu gi lalo madali gilaadeu gu noonoodia, aabe go de baakuu madali de gau maakau. Gai mee nei alodahi tee maua donu i de hagahelui dono lili, gai dono lima goi hagaabo donu huu.

Isaiah 66:24

Gilaadeu e hulo naa ga tilo angaanga o de gau maakau ne hai baasi mai gi de au; denga ilo i olaadeu angaanga e dee maakau naa donu, gai de ahi e dee diinei naa hogi, gai gilaadeu alodahi e hai naa ga ni mee hakino gee ange gi dangada alodahi.”

Jeremiah 25:33

Gai dangada a Tagi Maolunga e daa ga maakau i de laangi laa e gidee mai loo i dahi bido o henua i lalo ga dae ai gi de bido laa. Gai e deai naa donu dangada e tangi i gilaadeu aabe e hagabudulia gilaadeu ga danumia. Gai gilaadeu e bei naa denga duudae e daakodo saele laa i honga de gelegele.

Nahum 3:3

Denga daane e saavini i honga hoosa, gai alaadeu gadilaasa e dabadaba gai olaadeu dao e malamalama! Gu soa dangada ne maakau, de gau maakau gu hagabudu saele, gu dee maua gi iloo taelodo, dangada gu baakuu saele laa honga o de gau maakau —

Ezekiel 32:4

Au e tili naa goe i honga de gelegele, ma de maga ange goe gi lo te duu malaelae. Au e hai naa denga manu llele gi toga i oo elunga, gai denga manu lodo henua alodahi e boobosu naa i de gai goe.