Isaiah 34:17 - De Beebaa Dabu

¹⁷ Ia e vaevae ange naa olaadeu mommee i de dada, ia ne haide olaadeu mommee ga vaevae ange gi gilaadeu. Gai gilaadeu ga henua ai ga hano ai; olaadeu atangada alodahi e nnoho naa i kilaa.

Isaiah 34:17 Referans Kwoze

Isaiah 34:10

Gai de ahi laa e ula naa i de boo ma de laangi, dono useahi e buu naa donu huu ga hano ai. Gai de mommee laa e ngadi dagodo naa i denga atangada e loomai; e deai naa hogi dangada e seesee i kilaa ga hano ai e dee ngado mai.

Acts 17:26

Gai ia ne hai denga huaahenua alodahi i daho dahi dangada daudahi, gai gilaadeu ga nnoho ai i honga henua i lalo alodahi. Madagidagi gai ia gu hagamodu denga masavaa ma goinga o olaadeu mommee e nnoho ai,

Jeremiah 13:25

Deenei doodou duuhanga, go tuuhanga aagu gu hagamodu adu gi de goe, go Tagi Maolunga e hagadaba, go hiidinga koe gu ngalo au gai koe gu tali hagalodolodo ange gi denga ngadi diinonga.

Isaiah 17:14

Tilo, de mee hagamaatagu gu hai i de ahiahi! Gai i mua de ao de mee, gai gu ui! Deenei tuuhanga o dangada e gaavee adaadeu mee, ma hagaoanga o dangada e gaiaadia odaadeu mee.

Psalm 78:55

Ia ne hai gi hulo gee denga huaahenua i olaadeu daha; ia ne vaevae ange delaadeu henua gi ono dangada gai ga hagannoho denga aamuli o Israel i lodo olaadeu hale malo.

Joshua 18:8

Gai ga hiihidi age huu denga daane e hulo e siia dagodo o de henua, gai Joshua ga hai ange gi gilaadeu, “Goodou hulo hagadaga siia dagodo o denga mommee i de henua alodahi. Gai goodou ga aahe mai gi ogu daha, gai au ga dada oodou mommee i mada luu mada o Tagi Maolunga i Shiloh.”

Acts 13:19

Ia ne daa ga maakau e hidu huaahenua i Canaan, ga gaavange delaadeu henua gi odaadeu dubuna gi henua ai.

Isaiah 17:13

Gai ga hagalongaa naa donu denga huaahenua bei de haganngolo o denga vai lagolago, aagai de Maadua e hagasee gilaadeu, gai gilaadeu e saavini naa ga hulo, bei denga gili grain i honga mounga, e ilihia laa i de madangi, ma de mama o de gelegele a de madangi e ili laa ga kave.

Isaiah 34:11

De owl e loomai naa ga nnoho i kilaa; de owl laumalie ma de raven e nnoho naa hogi i kilaa. Gai de Maadua e dagi naa de uga haide i honga de henua, go de uga e haide ai de hellumi, ma de uga e haide ai de ngadi dagodo o de mommee laa.

Deuteronomy 32:9

Gai tiba a Tagi Maolunga go dono huaadangada, Jacob go de vaaenga ne bolo ange gi de ia.