Isaiah 34:13 - De Beebaa Dabu

¹³ Denga manu daladala e ssomo naa i lodo hale danuaa, gai manu dabeo ma manu duiduia i lodo hale buibui makaga. Gai de mommee laa e hai naa gi se mommee niio denga jackal, aama de mommee nnoho o denga owl.

Isaiah 34:13 Referans Kwoze

Jeremiah 10:22

Hagalaangona adu! Dahi longo gu humai — se hagalongaa laumalie mai i de henua i ngaiho! E hai naa ga ngadi daakodo denga aduhale o Judah, ma de hai gi se mommee iai denga jackal.”

Jeremiah 9:11

“Au e hai naa Jerusalem gi bei de hagabuudungaa mee maoha, gai gi se mommee e nnoho ai denga jackal. Gai au e oha naa denga aduhale o Judah ga hai gi se mommee e deai dangada e nnoho ai.”

Malachi 1:3

aagai au ne kino i Esau. Au ne hai dono mommee iai mounga gi se ngadi mommee, ma de hai dono boolonga gi nnoho ai denga jackal lodo henua.”

Psalm 44:19

Aagai koe gu hagaduasala ma de hai gimaadeu gi bei de mommee o denga jackal, ma de haoli gimaadeu i de gohu boo dangodango.

Revelation 18:2

Gai ia ne oo i de leo mmahi, ga hagadaba, “Gu maoha, gu maoha loo Babylon maolunga laa! Gai gu se mommee e nnoho ai denga hagasaalunga baubau, se mommee e mmuni ai denga hagasaalunga hakino gee alodahi, se mommee e nnoho ai denga manu llele hakino gee alodahi, aagai se mommee e mmuni ai denga manu dolodolo hakino gee alodahi ma de kino ai o dangada.

Zephaniah 2:9

Deenei ai, au e hagatoo donu i dogu mouli, go Tagi o denga hagabuulinga hebagi, de Maadua o Israel e hagadaba: Moab e bei naa donu dagodo o Sodom, de gau Ammon e bei naa dagodo o Gomorrah — se henua iai denga helii ma haonga iai soolo, gai e ngadi dagodo naa ga hano ai. Dangada e doe i ogu dangada e hai gi de mahi naa olaadeu goloa; dangada e ola i dogu huaahenua e kave naa delaadeu henua.”

Hosea 9:6

Tilo, ga ola naa donu gilaadeu i de hebagi, gai Egypt e hagabuni naa gilaadeu, gai Memphis e danu naa gilaadeu. Denga manu duiduia e haoli naa olaadeu goloa selevaa; denga manu daladala e ssomo age naa i lodo olaadeu hale malo.

Jeremiah 51:37

Gai Babylon e bei naa dahi hagabuudungaa mee maoha, gai se mommee e nnoho ai denga jackal, se mommee hagamaatagu, ma de llele ai mouli o dangada, gai se mommee gu deai dangada e noho ai.

Jeremiah 49:33

Hazor e hai naa ga se mommee e nnoho ai denga jackal, gai gi se mommee e maoha ga hano ai. Gai e deai naa donu dangada e nnoho i kilaa, e deai naa hogi e noho gaainga i de mommee laa.”

Isaiah 35:7

Gai de mommee iai gelegele vvela e hai naa ga se vai, de gelegele e deai vai iai e lagolago naa vai e ssali age ai. Gai mommee nogo nnoho ai denga jackal, e ssomo ai naa denga madila aama papyrus.

Isaiah 25:2

Koe gu hai de aduhale ma gu se hagabuudungaa gainga, gai de aduhale buibui gu se mommee maoha, denga hale buibui makaga o de gau henua gee gu deai donu, gai e dee ahe ange naa donu e hagatuu age ange.

Lamentations 4:3

Denga jackal e hakaa unuunu donu hogi alaadeu dama, aagai ogu dangada e vaivai hai dangada, bei hegau a denga ostrich de vao.

Jeremiah 51:43

Ono aduhale e hai naa ga ni mommee e ngadi daakodo, gai gu se henua e deai vai iai, gu se lodo henua, gai gu se henua e deai dangada e nnoho ai, gu deai hogi dangada e hulo saele laa kilaa.