Isaiah 34:11 - De Beebaa Dabu

¹¹ De owl e loomai naa ga nnoho i kilaa; de owl laumalie ma de raven e nnoho naa hogi i kilaa. Gai de Maadua e dagi naa de uga haide i honga de henua, go de uga e haide ai de hellumi, ma de uga e haide ai de ngadi dagodo o de mommee laa.

Isaiah 34:11 Referans Kwoze

Lamentations 2:8

Tagi Maolunga gu baba ange e oha de buibui o tamaa hine o Zion. Ia gu dagi de uga haide e haide ai, gai tee hagaahe donu dono lima e oha ai laa. Ia ne hai denga mee hagamakaga i tua de buibui ma denga buibui gi hagaaloha olaadeu dagodo; gai mee nei alodahi gu maoha ma gu daakodo ai.

2 Kings 21:13

Gai au e haide naa Jerusalem i de uga haide aagu ne haide ai laa Samaria, aama de huaabodu o Ahab. Au e ssolo naa Jerusalem gi bei de hai e ssolo ai laa gi deai mee i dahi gumedi; au e ssolo gi odi mee iai ga huli gi lalo.

Zephaniah 2:14

Denga hagabuulingaa ssiibi ma kaau e nnoho naa i kilaa, ma hagadaagangaa manu lodo henua alodahi. De owl lodo henua ma de owl e goo laa e toga naa i honga ono duludulu gu baakuu laa. Gilaadeu e koo saele laa i magavaa o denga abaaba vaaligiligi, gai denga haitoga e hoohonu naa i denga gainga, gai denga laagau cedar e deai naa mee e haolia.

Revelation 18:2

Gai ia ne oo i de leo mmahi, ga hagadaba, “Gu maoha, gu maoha loo Babylon maolunga laa! Gai gu se mommee e nnoho ai denga hagasaalunga baubau, se mommee e mmuni ai denga hagasaalunga hakino gee alodahi, se mommee e nnoho ai denga manu llele hakino gee alodahi, aagai se mommee e mmuni ai denga manu dolodolo hakino gee alodahi ma de kino ai o dangada.

Isaiah 14:23

Au e hai naa hogi Babylon gi se mommee e nnoho ai denga owl gai gi se mommee iai bela ma vai; au e tahi naa Babylon i tuaanui,” go Tagi o denga hagabuulinga hebagi e hagadaba.

2 Samuel 8:2

Gai ia ne hagadee kii hogi de gau Moab, ga hai gilaadeu gi daakodo gi hagatau i honga de gelegele i e dolu hagataaunga, gai ia ga haide gilaadeu i dahi uga. Dangada alodahi e too ange gi lalo tahi ma de lua haidenga e daa gi maakau, gai dangada e too ange gi lalo tolu haidenga e dugu gi mouli. Gai de gau Moab gu hai hegau ange gi David ma de hagao ange taagisese gi de ia.

Isaiah 24:10

De aduhale gu maoha ma gu dagodo; haitoga o denga hale alodahi gu hagamakaga gi deai dangada e ulu ai.

Psalm 102:6

Au gu bei de owl lodo henua; ma de owl i denga mommee gu maoha laa.

Isaiah 34:17

Ia e vaevae ange naa olaadeu mommee i de dada, ia ne haide olaadeu mommee ga vaevae ange gi gilaadeu. Gai gilaadeu ga henua ai ga hano ai; olaadeu atangada alodahi e nnoho naa i kilaa.

Amos 7:8

Gai Tagi Maolunga ne ssili mai gi de au, “Amos, se aha aau e gidee laa?” Gai au ne hai ange, “Au e gidee dahi uga haide iai dahi soodo.” Gai de Ia Aamua ne hai mai gi de au, “Tilo, au e hai naa de uga haide iai dahi soodo, e haide ai dagodo o ogu dangada, go de gau Israel; au gu dee hagaola donu gilaadeu.

Leviticus 11:16

ma de ostrich, ma de nighthawk ma de seagull, ma denga hagadaagangaa hawk,