Isaiah 33:9 - De Beebaa Dabu

⁹ De henua gu hagaaloha ono dagodo ma de ngadi dagodo, Lebanon gu dogaa gai gu mmae; Sharon gu bei dagodo o de vao, gai Bashan ma Carmel gu bei denga manu ssomo gu malili laa olaadeu lau.

Isaiah 33:9 Referans Kwoze

Isaiah 35:2

gai ono hua manu e aala naa; gai e oo naa ga malangilangi ma de lodo danuaa. Gai e mahamaha naa bei Lebanon, ma de maolunga o Carmel ma Sharon. Gai dangada e gidee naa de mahamaha o Tagi Maolunga, ma de maolunga o taadeu Maadua.

Nahum 1:4

Ia e hagasee tai ga hai gu masa; ia e hai denga saalingaa vai gi maamasa. Bashan ma Carmel gu mmae, gai huaala o Lebanon gu mmae.

Isaiah 65:10

Sharon e hai naa ga se mommee iai helii ange gi denga hagabuulingaa ssiibi, gai de geelonga o Achor gu se mommee hagammabu niio denga manu, ange gi ogu dangada e saalaa mai au.

Micah 7:14

Hagaloosia ange oo dangada i doo dogo, go de hagabuulingaa ssiibi o doo boolonga, go dangada e nnoho laa donu huu i gilaadeu i lodo henua, i de mommee iai de gelegele danuaa. Dugua denga manu gi gaimee saele i Bashan ma Gilead bei dagodo mee nogo hai madagidagi.

Jeremiah 50:19

Aagai au e hagaahe mai naa Israel gi dono mommee iai helii, gai ia e gaimee ai i honga Carmel ma Bashan; ia e bosu danuaa naa i honga duuduu o Ephraim ma Gilead.

Isaiah 37:24

Koe ne hai oo dangada hai hegau gi hagadogaa ina de Ia Aamua. Gai koe ne hagadaba, ‘Au ne hanage i ogu hada hebagi lagolago gi ulu denga mounga, ga hano gi de lodo henua mmao o Lebanon. Au gu sele iho denga cedar lloa ma cypress danuaa i kilaa; au ne hano ga dae gi ono mommee maolunga hugadoo, ma de mommee muimui hugadoo i lodo henua.

Isaiah 24:1

Tilo, Tagi Maolunga e oha naa henua i lalo ga hai gi se mommee e ngadi dagodo; ia e oha naa ono elunga ga hai gi mavaevae saele dangada iai.

Isaiah 14:8

Denga cypress e malangilangi hogi i de goe, denga cedar o Lebanon e hagataba, ‘Mai i de masavaa oou ne hagamaolalo ina ai, gai gu deai donu se dangada e selea iho gimaadeu.’

Isaiah 3:26

Denga haitoga o Jerusalem e tangi naa ma de hinangalosaa, bei dagodo o de hine e noho i honga de gelegele, gu deai ono malo.

Isaiah 2:13

gai ia e sele iho naa denga cedar o Lebanon lloa ma de maolunga, aama denga oak alodahi o Bashan,

Song of Songs 2:1

Au e bei dagodo o de rose o Sharon, ma de lilii e somo laa i lodo geelonga.

Deuteronomy 3:4

De masavaa laa, gai gidaadeu ne kave ono aduhale alodahi. Teai donu se aduhale daudahi, i denga aduhale e madaono laa adaadeu tee kave — go de ungaamee alodahi go Argob, i de nohoanga hodooligi o Og i Bashan.

Acts 9:35

Gai dangada alodahi e nnoho laa i Lydda ma Sharon gu gidee dagodo o ana hegau, gai gilaadeu gu daahuli ga daudali ange i Tagi Maolunga.

Isaiah 10:34

Ia e sele naa denga manu ssomo i lodo mee muimui i taguu; denga manu lloa o Lebanon e sele iho naa donu.

Isaiah 29:2

Aagai au e gaamai naa dahi hai ngadaa gi Ariel, dangada iai e tangi naa ma de hinangalosaa; gai au e hai naa de aduhale laa gi bei Ariel.

Hosea 4:3

Deenei ai, de henua gu ngadi dagodo, gai alodahi e nnoho i kilaa gu deai olaadeu mahi, denga manu dolodolo o lodo henua ma manu llele ma mamu i lausedi gu maakau.

De Beebaa go Job 15:33

Ia e bei naa de grapevine e luuluu laa ono hua mmodo gi malili, ma de olive e malili laa ono huaala.

Amos 1:2

Ia ne hagadaba: “Tagi Maolunga e hagangolo mai i Zion, ma de basa mai i Jerusalem bei de babaa o de hatuli; mommee iai helii a de gau hagaloosi manu e tangi naa, gai ulu de mounga go Carmel e mmae naa.”