Isaiah 33:4 - De Beebaa Dabu

⁴ Denga huaahenua, oodou goloa ne hai gi de mahi, gu odi i de gai a denga itebuubuu gauligi; gai dangada e hai gi de mahi naa mee nei bei hegau a denga hagabuulingaa itebuubuu.

Isaiah 33:4 Referans Kwoze

Joel 2:25

Au e hagaahe adu naa gi goodou mee i ngadau a de hagabuulingaa itebuubuu gu gai — go itebuubuu e tolo, ma de oha, aama de duuduudia mee — go de hagabuulinga hebagi soa aagu ne hai gi loadu gi oodou magavaa.

Joel 2:9

Gilaadeu e llele laa honga de aduhale, gilaadeu e saavini i honga denga buibui; gilaadeu e kage age gi lodo hale, gai gilaadeu e ulu naa i denga abaaba vaaligiligi bei tangada gaiaa.

Isaiah 33:23

Denga uga o saiolo gu daudau age, de bou e dee hagamakaga, gai ssaiolo tigi hagaduu e doha. Gai denga goloa lagolago ne maua i de hebagi e duha naa; tangada balagelage e kave naa hogi goloa aana ne gaiaa.

2 Chronicles 20:25

Gai Jehoshaphat ma ono daane ne loomai e kave goloa o olaadeu hagadaumee, gai gilaadeu ne gidee denga manu haangai lagolago mmao, ma goloa, ma malo, aama goloa hagamogomogo, gai gilaadeu tee maua i de kave gi odi i hiidinga de lagolago mmao goloa laa. Gai ne dolu laangi olaadeu ne aahe mai ai e kave gu odi goloa laa.

2 Chronicles 14:13

Gai Asa ma denga daane hebagi madali ia ne doolohi gilaadeu ga tae ai gi Gerar. Gai de gau Ethiopia alodahi ne odi donu i de daia ga maakau, teai donu se gilaadeu ne ola; gilaadeu ne hagadee kii ina i mada luu mada o Tagi Maolunga ma ono hagabuulinga hebagi. Gai denga daane o Judah ne kave hanu goloa lagolago mmao.

Isaiah 33:3

Doo leo mmahi e hai ga saavini dangada ga hulo; denga huaahenua e mavaevae saele i doo hidi age.

Isaiah 33:5

Tagi Maolunga gu hagaamua, go hiidinga ia e noho i de mommee maolunga; ia e hhao naa Zion i de hagamodu soe ma de mee heohi.

Ezekiel 25:7

deenei ai, au e hagaabo naa dogu lima e hai baasi adu ai gi de goe, ma de dugu ange denga huaahenua gi gaavee oo goloa. Au e aau gee naa goe mai i daho denga huaahenua, ma mai i magavaa o denga henua. Au e oha naa goe, gi iloo ai e goe bolo go au donu go Iahweh.’

Joel 1:4

Mee ne doe i gai a denga itebuubuu, gai de hagabuulingaa itebuubuu gu gai; mee ne doe mai i de hagabuulingaa itebuubuu gai denga itebuubuu e tolo laa gu gai; mee ne doe mai i denga itebuubuu e tolo laa gai denga itebuubuu ange laa gu gai.

Joel 2:3

De ahi e dudu naa mee i ono mada i mua, gai de ula o de ahi e hanadu naa i olaadeu dua. De henua gu bei de veelenga o Eden i olaadeu mada i mua, gai olaadeu dua gu lodo henua e ngadi dagodo, gai e deai donu mee e maua gi ola mai i gilaadeu.