Isaiah 33:22 - De Beebaa Dabu

²² Gai Tagi Maolunga go demaadeu ia hagamodu muna, Tagi Maolunga go demaadeu ia hai hainga, Tagi Maolunga go demaadeu hodooligi; gai go ia e hagaola ina gimaadeu.

Isaiah 33:22 Referans Kwoze

James 4:12

Gai e dahi donu huu ia hai hainga ma de ia hagamodu muna; go ia e maua i de hagaola aabe go de daa gi magau. Aagai go koe goai, gai koe ga hagamodu ai muna o tangada e baa adu gi de goe?

Acts 5:31

Gai de Maadua gu hagaamua ia i dono baasi madau, ma de hai ia go Tagi ma de Ia Hagaola, gai ia ga hagadaahuli ai lodo o de gau Israel, aama de degi ange ai gi olaadeu haisala.

Isaiah 25:9

De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”

Psalm 89:18

Tagi Maolunga, go koe demaadeu ia buibui, gai go de Ia Dabu o Israel ne gaamai demaadeu hodooligi.

Isaiah 35:4

hai ange gi gilaadeu e manavasaa olaadeu lodo, “Goodou llodo mmahi, goodou gi dee maatagu; tilo, doodou Maadua e humai naa e sui ange de baubau, doodou Maadua e hagao ange naa alaadeu hegau, ia e humai naa ga hagaola goodou.”

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Revelation 19:16

Gai honga dono malo ma honga dono dege e sisi ange aagena de ingoo nei: “De Hodooligi o denga hodooligi ma Tagi Maolunga o denga dagi”.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Psalm 75:7

aagai go de Maadua de ia hagamodu muna, go ia e hagamaolalo ina dahi dangada gai ga hai gi maolunga dahi.

Psalm 50:6

De langi e hagaago mai de heohi o de Maadua, i hiidinga go ia donu de ia hagamodu muna! Selah

Matthew 25:34

Gai de Hodooligi e hai ange naa gi dangada i dono baasi madau, ‘Loomai, goodou gu lava i de hagamanuuia i daho dogu Damana. Goodou gaavee de nohoanga hodooligi gu hagadabena adu laa gi goodou, mai i taamada age de hai o henua i lalo.

Isaiah 16:5

De nohoanga hodooligi e hagaduu naa i de lodo aloha; gai dahi mai i de hale o David e noho naa ga hodooligi ai, gai ia e hai hegau i de muna abodonu. Ia e ssala naa de hagamodu muna i de heohi gai e moolau dana hagasula de mee heohi.

Isaiah 11:4

aagai ia e hagamodu muna o dangada e duasala i de heohi, ma de hagamodu muna o de gau hagaau aloha i henua i lalo i de heohi. Ia e hagaduasala naa henua i lalo i ana muna e tala; gai e daa gi maakau de gau baubau i de madangi o dana manava.

Deuteronomy 33:2

Ia ne hagadaba: “Tagi Maolunga ne hano iho i Sinai ga hagamaalama gilaadeu mai i Seir, gai ne hagamaalama mai hogi i de mounga go Paran. Ia ne humai madali de gau dabu e dahisemada, gai ia e poo de ahi ula i dono lima madau.

Genesis 18:25

E dee aanei donu dagodo o au hegau e hai — koe e dee daa gi maakau de gau heohi madali de gau baubau, aabe e hai de gau heohi bei dagodo o de gau baubau. E dee aanei donu dagodo o au hegau e hai! E aha, de Ia Hagamodu o henua i lalo alodahi e dee hai naa de mee heohi?”

Psalm 98:9

i mada i mua o Tagi Maolunga, go hiidinga ia e humai naa e hagamodu muna o henua i lalo. Ia e hagamodu muna o henua i lalo i de heohi, ma de hagahedae dangada.

Psalm 74:12

Aagai koe, de Maadua, go demaadeu Hodooligi mai madagidagi loo, koe ne hagahai hegau de hagaola i henua i lalo alodahi.

Psalm 44:4

Go koe dogu Hodooligi ma dogu Maadua; go de ia ne hagamodu ina gi kii Jacob.

Nehemiah 10:14

Denga dagi o dangada: go Parosh, ma Pahath-Moab, ma Elam, ma Zattu, ma Bani,

Hebrews 5:9

gai ga honu abodonu huu dono heohi, gai ia gu hai ai tagelo o de mouli e dee ngado ange gi dangada alodahi e hagallongo ange gi de ia,

2 Corinthians 5:10

Go hiidinga gidaadeu alodahi e tuu naa i mada i mua de nohoanga hagamodu muna o Klisdo, gai dahi ma dahi e kave naa de hagaoanga o ana hegau ne hai i de angaanga nei, e dee hilihili be e danuaa aabe e baubau.

Matthew 21:5

“Goodou hai ange gi tamaa hine o Zion, ‘Tilo, doodou hodooligi e humai naa, ia e lodo maolalo, gai e gage i honga dahi donkey ma dana dama, se dama nii dahi donkey.’ ”

Luke 2:11

Anailaa nei gai gu haanau i de aduhale o David doodou Dangada Hagaola, go Klisdo Tagi Maolunga.

Isaiah 1:10

Goodou denga dagi o Sodom, hagalaangona muna a Tagi Maolunga; de huaadangada o Gomorrah, goodou hagalaangona agoago a demaadeu Maadua!

Isaiah 2:4

Ia e hagamodu naa muna o denga huaahenua, ma de hagaheloongoi magavaa o denga huaadangada soa. Gilaadeu e dugidugi naa alaadeu gadilaasa ga hai gi ni mee hagabalabala, gai e hai alaadeu dao gi ni naivi e velevele ai manu ssomo. Gai denga huaahenua e dee aahe ange naa donu e hebagi aabe e agoago ange gi de hebagi.

Isaiah 33:17

Gai koe e gidee naa de mahamaha o de hodooligi, ma de tilo de ngaadonga o de henua i de mommee mmao.

Isaiah 37:20

Gai Tagi Maolunga demaadeu Maadua, au e dangidangi adu koe gi hagaola ina gimaadeu mai i de hodooligi o Assyria, gi iloo ai e denga nohoanga hodooligi alodahi o henua i lalo bolo go koe donu huu go Iahweh.”

Isaiah 49:25

Aagai e hagadaba Tagi Maolunga, “Uaa, de gau dee kii e kave gee naa mai i daho denga daane mmahi, gai denga goloa ne hai gi de mahi e kave gee naa i daho taane alasala; au e hebagi ange naa gi tangada e hebagi adu gi goe, gai au e hagaola naa au dama.

Isaiah 49:26

Au e hai naa gilaadeu ne vaivai haia goodou gi gaina olaadeu kano donu; gilaadeu e unu naa olaadeu dodo bei denga uvaini maimai. Gai gi iloo ai e dangada alodahi bolo go au donu go Iahweh, doo Ia Hagaola, go au ne hagaola ina goe, go au de Ia Mmahi o Jacob.”

Isaiah 51:4

“Ogu dangada, goodou hagalaangona agu muna; dogu huaahenua, nnoho mai hagalaangona: de hainga se mee mai i ogu daha, gai dagu hagamodu heohi e hagamaalama naa denga huaahenua.

Isaiah 51:5

Dogu heohi e moolau naa donu de dae mai, dagu hagaola gu dae mai donu; ssauaa o dogu lima e hagamodu naa muna o denga huaahenua i de heohi. Mommee i tagudai e kalo mai naa gi de au, ma de tali mai ssauaa o dogu lima mmahi.

Isaiah 51:7

Goodou e iloo de mee heohi, hagalaangona agu muna, goodou de huaadangada e daohia agu hainga i oodou lodo: goodou aude maatagu i de hagabaubau a dangada goodou, aabe gi manavasaa i delaadeu hagadookaa goodou.

Isaiah 60:16

Koe e unu naa vai uu a denga huaahenua, ma de gaimee i gai danuaa a denga hodooligi. Gai koe e iloo naa bolo go au donu go Iahweh, doo Ia Hagaola, go au ne hagaola ina goe, de Ia Mmahi o Jacob.

1 Samuel 12:12

Gai ga gidee huu e goodou bolo Nahash, de hodooligi o de gau Ammon gu humai e hebagi adu gi goodou, gai goodou ne hai mai gi de au, ‘E deai, gai gimaadeu e llodo dahi hodooligi gi dagina gimaadeu,’ — e dee galemu donu go Tagi Maolunga doodou Maadua e hodooligi i oodou elunga.

Psalm 44:5

Go doo sauaa amaadeu ne hagadee kii ai omaadeu hagadaumee; gimaadeu ne hagamaakulu omaadeu hagadaumee.

Isaiah 24:23

De masavaa laa gai de maasina e senga ange naa, gai de laa e dogaa naa, go hiidinga Tagi o denga hagabuulinga hebagi e hodooligi naa i honga de mounga go Zion aama Jerusalem, gai ia e hagamahamaha naa i madamada o denga daane maatua o Jerusalem.

Isaiah 41:21

Tagi Maolunga e hai ange gi denga diinonga, “Daalaa mai oodou tonu; daalaa oodou mee e hai baasi mai ai gi de au,” go de Hodooligi o Jacob e hagadaba.

Isaiah 44:6

E hagadaba Tagi Maolunga, de hodooligi o Israel, ma dono Ia Hagaola, go Tagi o denga hagabuulinga hebagi: “Go au taamada gai go au de hagaodi, e deai ange donu se maadua, go au donu huu.