Isaiah 33:21 - De Beebaa Dabu

²¹ Aagai go kilaa iai Tagi Maolunga taadeu Ia Maolunga. De mommee laa e bei dahi mommee iai leevaa nnui ma saalingaa vai. Gai e deai donu se vaga iai hoe e hulo ai, e deai hogi vaga mmahi e dele i kilaa.

Isaiah 33:21 Referans Kwoze

Acts 7:2

Stephen ne hai ange, “Denga daina, ma damana, goodou hagalaangona agu muna. De Maadua o de mahamaha ne hakide ange gi taadeu dubuna madagidagi go Abraham, i dono masavaa goi noho ai i Mesopotamia, i mua dono hano ga noho i Haran,

Isaiah 66:12

Gai e hagadaba Tagi Maolunga, “Tilo, au e hai naa gi noho baba Jerusalem bei dagodo o dahi saalingaa vai, gai de lava o denga huaahenua e hhao naa ga honu Jerusalem bei ssaalingaa vai gu honu baabaa laa; gai goodou e haau naa ma de saabai i honga dono dege, aama de viivii i honga luu vae.

Isaiah 48:18

Mee naa koe ne anga ange ga hagallongo agu muna, gai doo noho baba e bei dagodo o ssaalingaa vai, gai doo heohi ne bei dagodo o denga beau o de moana.

Isaiah 41:18

Au e hai naa gi hanu saalingaa vai e ssali iho laa i denga mommee maolunga, ma vai e ssali age i lalo de henua i lodo geelonga. Au e hai naa de vao gi se mommee iai denga vai, gai de mommee mmasa gi ssali age ai vai i lalo de henua.

Psalm 29:3

De leo o Tagi Maolunga i honga denga vai; de leo o de Maadua o de mahamaha e bei denga hatuli, Tagi Maolunga i honga vai lagolago.

Isaiah 33:17

Gai koe e gidee naa de mahamaha o de hodooligi, ma de tilo de ngaadonga o de henua i de mommee mmao.

Isaiah 43:19

Tilo, au e hai dahi mee hoou! Gai gu sula age donu; e aha, goodou tigi tonu ange laa aagena? Au e hai naa dahi haiava i de vao, ma denga saalingaa vai i de mommee e deai vai iai.

Isaiah 43:20

Denga manu lodo henua bei jackal ma ostrich e hagadubu au, go hiidinga au e hai gi hanu vai i de vao, ma saalingaa vai i de mommee e deai vai iai, e hagaunu ai ogu dangada, go gilaadeu aagu ne hili,

Numbers 23:21

Ia tee gidee bolo Jacob e dahi ono hai ngadaa, aabe e gidee bolo Israel e duasala. Tagi Maolunga delaadeu Maadua e noho i olaadeu daha, gai gilaadeu e tuhi de hodooligi i olaadeu magavaa.

Deuteronomy 23:15

Aude hagaahea ange tangada hai hegau gu savini laa ma gu hano gee, gi dono dangada aamua, noo ia gu humai gi oodou daha.

Isaiah 12:6

Dangada o Zion, goodou hevaalogi daahili i de malangilangi, i hiidinga de Ia Dabu o Israel i oodou magavaa e maolunga.”

Zechariah 2:9

tilo, au e hagaabo naa dogu lima e hai baasi ange gi gilaadeu, ga hai olaadeu dangada hai hegau gi haia gi de mahi olaadeu goloa, gi iloo ai e goodou bolo go Tagi o denga hagabuulinga hebagi donu ne haia nei au gi humai.