Isaiah 33:18 - De Beebaa Dabu

¹⁸ Koe ne manadua de mee hagamaatagu gu hai i mua, ⌊ga hagadaba,⌋ “I hee iai tangada dau? I hee iai tangada hagahidi sseene? I hee iai tangada e daulia denga hale dagitilo?”

Isaiah 33:18 Referans Kwoze

1 Corinthians 1:20

Gai go hee ai naa iai tangada heiangi? Gai go hee ai naa iai tangada sisi? Gai go hee naa iai tangada e hagadau gaavange i muna iainei? Gai de Maadua tee hai laa de heiangi o henua i lalo gi se lodo senga?

2 Kings 18:14

Gai Hezekiah, de hodooligi o Judah ga aalu gi de hodooligi o Assyria i Lachish, ga hai ange, “Au gu dee heohi agu mee ne hai. Aude hebagi mai gi de au, gai au ga hagao adu mee alodahi aau e tala mai.” Gai de hodooligi o Assyria ga hai de hodooligi o Judah go Hezekiah gi hagao ina e dolulau talent selevaa ma e matolu talent goolo.

2 Timothy 3:11

ma dogu vaivai haia ma dogu hagaduasala ina — go mee ne hai mai gi de au i Antioch, ma Iconium, aama Lystra, gai au ne lodo mmahi i dogu vaivai haia. Gai Tagi Maolunga ne hagaola mai au i mee nei alodahi.

Isaiah 17:14

Tilo, de mee hagamaatagu gu hai i de ahiahi! Gai i mua de ao de mee, gai gu ui! Deenei tuuhanga o dangada e gaavee adaadeu mee, ma hagaoanga o dangada e gaiaadia odaadeu mee.

Psalm 71:20

Koe ne hai gi gidee e au denga hai ngadaa lagolago ma de baubau, gai koe e ahe ange naa ga hagaola dogu mouli, ma de hagaahe age au i de mommee o de gau maakau.

Psalm 31:22

Au ne hagadaba i de manavasaa ogu lodo, “Au gu aau gee mai i mada luoo mada!” Aagai koe ne langona dagu dangidangi i de masavaa aagu ne hagahi adu ai goe gi balea mai au.

2 Kings 18:31

Goodou aude hagallongo ange gi Hezekiah, go hiidinga e hagadaba de hodooligi o Assyria: Goodou hagaheloongoi mai gi de au ga ssao mai gi ogu daha. Gai goodou alodahi e nnoho paba ga gai hua o oodou grape, ma oodou fig, ma de unu vai i lodo oodou vai geli,

2 Kings 15:19

Gai Pul, de hodooligi o Assyria, ne humai e hebagi ange gi de henua, gai Menahem ne gaavange gi de ia e mano talent selevaa, gai ia ga balea ange ai ia e daohi de nohoanga hodooligi laa.

1 Samuel 30:6

Gai David gu kona mmao tee baba ono lodo, go hiidinga denga daane gu llodo e maga ia i denga hadu, go hiidinga gilaadeu alodahi gu llili i hiidinga o alaadeu dama. Gai Tagi Maolunga dono Maadua ga hagammahi ange lodo o David.

Genesis 23:16

Gai Abraham gu buni ange gi taelodo a Ephron gu tala ange gi de ia, gai Abraham ga hagahidi taelodo o selevaa laa ga hagao ange ai Ephron i madamada o dangada o de aamuli o Heth, se haalau shekel selevaa laa, gai ne hagahidi i de hagabaaunga e hai hegau ai i de masavaa laa.

Isaiah 54:14

De aduhale e hagaduu naa i de heohi, gai de hagaduasala e mmao gee naa donu, gai goodou e dee maatagu naa donu i dahi mee daudahi. De mee hagamaatagu e kave naa donu gi mmao gee i goodou; e dee dai baabaa adu naa donu gi goodou.