Ga dae laa de tilo danuaa ma de mahamaha ono dangada! Hua o denga grain e hai naa ga mmahi denga dama daane, gai denga uvaini hoou e hai naa ga mmahi denga damaa hine.
Ogu soa hagamogomogo, gidaadeu gu ni dama donu nii de Maadua iainei, gai tigi iloo danuaa odaadeu dagodo i muli mai. Gai gidaadeu e iloo bolo de masavaa naa huu o Klisdo e hagasula mai ai, gai gidaadeu e bei naa ono dagodo; go hiidinga gidaadeu e gidee danuaa naa donu ono dagodo.
go hiidinga gimaadeu e dee kalo ange e tilo mee e gidee, gai e tilo mee e dee gidee laa. Mee e gidee laa e odi donu, aagai mee e dee gidee laa e daakodo donu ga hano ai.
Be goai e daohia agu muna ga daudali ai, go ia donu e aloha i de au. Gai be goai e aloha i de au gai dogu Damana e aloha hogi i de ia, gai au e aloha hogi i de ia ma de hagaago ange au gi de ia.”
Tamana, au e lodo gilaadeu aau gu gaamai nei gi de au gi nnoho i de mommee oogu e noho ai, gi gidee ai e gilaadeu de mahamaha aau gu gaamai laa gi de au, i hiidinga koe ne aloha i de au i mua de hai o henua i lalo.
De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.
Gai au ne hagadaba, “Gu vakaa loo au! Au gu se dangada gu magau! Go hiidinga au se dangada baubau dogu ngudu, gai au e noho i magavaa o dangada e baubau olaadeu ngudu; go hiidinga luoogu mada gu gidee de Hodooligi, Tagi o denga hagabuulinga hebagi.”
De masavaa a de hodooligi go Hezekiah ne langona ai muna nei, gai ia ga ssae ono malo, ga gahu i malo daladala, ga hano ai gi lo te hale o Tagi Maolunga.
Tagi Maolunga, koe e hai ma gu kii ange de laumalie de huaahenua, koe e hai ma gu kii ange de laumalie age de huaahenua. Koe gu hagamahamaha goe i daho dangada; koe gu hagatolo gi daha goinga alodahi o de henua.
Gai dangada soa ne gaamai denga sigidaumaha a Tagi Maolunga gi Jerusalem, ma mee ngadi gaavange hagamogomogo ange gi Hezekiah, de hodooligi o Judah. Gai denga huaahenua alodahi ne hagaamua ia mai i de masavaa laa.
De masavaa laa gai de maasina e senga ange naa, gai de laa e dogaa naa, go hiidinga Tagi o denga hagabuulinga hebagi e hodooligi naa i honga de mounga go Zion aama Jerusalem, gai ia e hagamahamaha naa i madamada o denga daane maatua o Jerusalem.
Aagai go kilaa iai Tagi Maolunga taadeu Ia Maolunga. De mommee laa e bei dahi mommee iai leevaa nnui ma saalingaa vai. Gai e deai donu se vaga iai hoe e hulo ai, e deai hogi vaga mmahi e dele i kilaa.
Gai Tagi Maolunga go demaadeu ia hagamodu muna, Tagi Maolunga go demaadeu ia hai hainga, Tagi Maolunga go demaadeu hodooligi; gai go ia e hagaola ina gimaadeu.