Isaiah 33:16 - De Beebaa Dabu

¹⁶ deenei tangada e nnoho i mommee maolunga, gai dono mommee mmuni go lodo hadu o de mounga. Gai ana gai e gaavange naa gi de ia, gai e deai donu se odi ana vai.

Isaiah 33:16 Referans Kwoze

Isaiah 32:18

Ogu dangada e nnoho paba naa i olaadeu mommee, gai e dee manavasaa olaadeu lodo.

Isaiah 49:10

Gilaadeu e dee hiikai naa donu be hieunu, gai de vao hagavvela ma de madangi hagavvela e dee hagammae naa donu gilaadeu. Gai de ia e lodo aloha ange laa gi gilaadeu e dagi naa gilaadeu, ga kave gi gaogao denga saalingaa vai.

Proverbs 1:33

aagai tangada e hagalaangona agu muna e noho baba ma de duadonu, e dee manavasaa ono lodo i de hai ngadaa.”

Habakkuk 3:19

De Ia Aamua go Iahweh go ogu mahi; ia e hai luoogu vae gi bei luu vae o dahi dia, ia e hai gi maua e au i de seesee i honga mommee maolunga. Ange gi tagi o taahili. Gai e hua madali mee hagadangidangi iai daula.

Isaiah 25:4

Go koe de mommee mmuni o de gau hagaau aloha, gai go de mommee mmuni o dangada e duasala laa; koe se buibui i de masavaa o de madangi mmahi, gai go de malu i de masavaa e mmahi ai de laa. Go hiidinga manava o de gau e vaivai haia dangada e bei de madangi e dau laa i dahi buibui,

Proverbs 18:10

De ingoo o Tagi Maolunga e bei de hale buibui makaga; tangada heohi e savini ga hano aagena gai ia gu ola.

Psalm 111:5

Ia e gaavange gai a dangada e maatagu i de ia; ia e dee ngalo donu dana hagatoo donu hagaheloongoi.

Psalm 107:41

Aagai ia e hagaola de gau hagaau aloha mai i olaadeu duasala, ma de hai olaadeu huaabodu gi soa bei dagodo o denga hagabuulingaa ssiibi.

Psalm 90:1

De Ia Aamua, gimaadeu e nnoho paba i oo daha i denga atangada alodahi.

Psalm 37:3

Koe gi hagadonusia Tagi Maolunga ma de hai tanuaa; gai koe ga noho baba i honga de henua ga gaimee ai.

Psalm 33:18

Aagai Tagi Maolunga e daumada gilaadeu e maatagu i de ia, ma gilaadeu e tali hagalodolodo ange gi dono abodonu,

Psalm 18:33

Ia e hai luoogu vae gi bei luu vae o dahi dia, ma de hai gi maua e au i de duu i honga mommee maolunga.

Psalm 91:14

⌊E hagadaba de Maadua,⌋ “Go hiidinga ia e aloha i de au, au e hagaola naa ia; Au e buibui naa ia, i hiidinga ia e iloo ogu dagodo.

Psalm 34:10

Denga laiono mmahi e duasala ma de hiikai; aagai gilaadeu e saalaa Tagi Maolunga e dee duasala donu i dahi mee daudahi.

Psalm 15:1

Tagi Maolunga, goai e maua i de noho i doo hale malo? Goai e maua i de noho i honga doo mounga dabu?

Matthew 6:11

Koe gaamai gai e danuaa mai gi gimaadeu ailaa nei.

Proverbs 10:9

Tangada e hai hegau laa i de mee abodonu e noho baba, aagai tangada e seesee laa i denga haiava dee heohi e gidee mai naa ono dagodo.

Isaiah 58:14

gai koe e malangilangi naa i Tagi Maolunga, gai au e hai naa goe gi gage i honga mommee maolunga o de henua; ma de hagadanuaa i de boolonga o doo dubuna go Jacob.” Go Tagi Maolunga donu ne daalaa muna nei.

Jeremiah 37:21

Gai de hodooligi go Zedekiah ne hagadaba bolo gi gaavee Jeremiah gi haoa gi lo te buibui o de gau hagaloosi. Laangi alodahi, gai gilaadeu ne gaavange gi de ia dahi duudangaa pelaoaa mai i daho de gau hai pelaoaa, ga dae ai gi de odi pelaoaa i de aduhale. Gai Jeremiah ne noho i lo te buibui o de gau hagaloosi.

Joel 3:16

Tagi Maolunga e haganngolo mai i Zion, gai e hai gi paa mai de hatuli i Jerusalem; de langi ma henua i lalo e ngalungaalue naa. Aagai Tagi Maolunga go de buibui o ono dangada, gai ia se mommee buibui makaga niio de gau Israel.

Deuteronomy 33:29

De gau Israel, goodou gu manuuia! Goai e bei oodou dagodo, dangada a Tagi Maolunga gu hagaola? Ia e bei doodou mee hungihungi ma doodou bale aama doodou gadilaasa e kii ai. Oodou hagadaumee e maatagu naa i goodou, gai goodou e dagadagahi naa olaadeu mommee daumaha.”

1 Kings 19:6

Gai ia gu gidee dahi keege e dunu i honga hanu hadugolaa ma dahi manu vai. Gai ia ga hidi age ga gaimee ga unu, ga ahe ange ga dagodo ga seni.

Psalm 62:7

Dogu hagaola ma dogu hagadubu go de Maadua e gaamai; go ia dogu baba makaga, ma dogu mommee mmuni.

Isaiah 30:20

Gai ga gaavadu naa donu e de Ia Aamua gi goodou de hai ngadaa ma de hagaduasala, aagai doodou Ia Agoago e dee mmuni donu i goodou; gai goodou e gidee naa doodou Ia Agoago.