Isaiah 33:10 - De Beebaa Dabu

¹⁰ E hagadaba Tagi Maolunga, “Iainei gai au ga hidi age nei; iainei gai au e hagaamua naa; iainei gai au e hai naa ga maolunga.

Isaiah 33:10 Referans Kwoze

Psalm 12:5

“Go hiidinga de gau hagaau aloha e vaivai haia, gai gilaadeu e duasala e gonogono,” e hagadaba Tagi Maolunga, “Au e hidi age naa. Au e hai naa gilaadeu gi nnoho paba bei olaadeu lodo.”

Amos 6:1

E vakaa naa gilaadeu e nnoho duadonu i Zion, ma gilaadeu e nnoho paba i honga de mounga go Samaria, goodou denga daane dau o de huaahenua e maolunga i denga huaahenua, go gilaadeu o de gau Israel e hulo aagena!

Zephaniah 3:8

Deenei ai, goodou daalia mai au, go Tagi Maolunga e hagadaba, de laangi laa gai au e duu age naa ga hagabaubau goodou. Au gu baba ange e hagabuni denga huaahenua, ma denga nohoanga hodooligi, gai au ga hagaduasala ai gilaadeu i dogu lili — ma dogu bole alodahi. Henua i lalo alodahi e oha ga odi i de ahi o dogu lili i hiidinga dogu lodo gaiaa.

Isaiah 10:33

Tilo, de Ia Aamua, Tagi o denga hagabuulinga hebagi e duuduu iho naa denga laa mmahi ga baakuu. Gai manu lloa e sele iho naa, gai gilaadeu e lodo maolunga e hai naa ga maolalo.

Isaiah 10:16

Deenei ai, de Ia Aamua, Tagi o denga hagabuulinga hebagi, e hai naa gi mmagi ono daane hebagi mmahi, gai dono hagadubu e haula naa i de ahi ula.

Psalm 78:65

Gai de Ia Aamua gu alahage ange hogi, bei dagodo o taane mmahi e oo laa i dono senga.

Psalm 46:10

“Goodou nnoho ma gi dee mmuu, gai goodou gi iloo bolo go au donu de Maadua. Denga huaahenua e hagaamua naa donu au, henua i lalo e hagaamua naa donu au.”

Psalm 7:6

Tagi Maolunga, hidi age i doo bole; hidi age hai baasi ange gi ogu hagadaumee. Alahage balea mai au; koe gi hagasula ina de hagamodu muna heohi.

Exodus 14:18

Gai de gau Egypt e iloo bolo go au donu go Iahweh, i de masavaa aagu e hagamahamaha ai au i dagu hagadee kii i Pharaoh, ma ono hada hebagi, aama ono daane e kage i denga hoosa.”

Isaiah 2:21

Gai gilaadeu ga saavini e mmuni i lodo haonga i magavaa hadu ma lo te baba i gaogao denga mounga, i hiidinga delaadeu maatagu i Tagi Maolunga, ma de mahamaha o dono maolunga, i de masavaa oona e hidi age ai e hagamaatagu henua i lalo.

Psalm 94:16

Goai e balea mai au e hebagi ange gi de gau baubau? Goai e hidi age e balea mai au e hai baasi ange ai gi gilaadeu e haia de baubau?

Isaiah 2:19

Dangada e saavini naa ga mmuni i lodo haonga i magavaa hadu ma haonga i lo te gelegele, i hiidinga delaadeu maatagu i Tagi Maolunga, ma de mahamaha o dono maolunga, i de masavaa oona e hidi age ai ga luuluu henua i lalo.

Isaiah 5:16

Aagai Tagi o denga hagabuulinga hebagi e hagaamua naa i hiidinga dana hagamodu i de heohi, gai de Maadua dabu e hagaago mai naa bolo ia e dabu i dono heohi.

Psalm 12:6

Muna a Tagi Maolunga e dee haisala donu, e bei dagodo o selevaa gu hagagilimalali laa i de ahi i e hidu hanonga.