Isaiah 32:15 - De Beebaa Dabu

¹⁵ ga dae ai gi de hano iho o de Hagasaalunga o de Maadua i de mommee maolunga, gai de vao e hai naa ga se gelegele danuaa e ssomo ai manu, gai gelegele danuaa e ssomo ai manu e hai naa ga se lodo mee muimui.

Isaiah 32:15 Referans Kwoze

Isaiah 29:17

E aha, e dee se masavaa bodobodo naa donu huu, gai Lebanon gu se gelegele danuaa, gai de gelegele danuaa laa e hai naa ga bei dagodo o lodo mee muimui?

Ezekiel 39:29

Au gu dee huli gee luoogu mada i gilaadeu, gai au e hai naa gi hano iho dogu Hagasaalunga gi honga o de gau Israel, go de Ia Aamua go Iahweh e hagadaba.”

Isaiah 44:3

Au e llingi ange naa denga vai gi honga de henua e deai vai iai, ma de hai gi hanu saalingaa vai i honga de gelegele mmasa; au e gave iho naa dogu Hagasaalunga gi honga doo hagadiilinga, ma de hagamanuuia oo aamuli.

Isaiah 59:19

Gai dangada i baasi dai e maatagu naa i de ingoo o Tagi Maolunga, dangada e hagadubu naa dono mahamaha mai i de sobo age o de laa. Gai ia e humai naa bei denga vai nogo bonodia laa, gai de madangi o de manava a Tagi Maolunga e ili ga kave gee.

Acts 2:33

Deenei ai, ia gu noho i de baasi madau o de Maadua, gai gu kave de Hagasaalunga Dabu gu lava laa i de hagatoo donu i daho Tamana, ma gu hai ia gi hano iho, bei doodou hai gu gidee ai naa ma de langona.

Luke 24:49

Gai tilo, au e hai naa gi hano iho gi oodou elunga, de ia a dogu Damana gu hagatoo donu laa. Aagai goodou nnoho i de aduhale nei, ga dae ai gi doodou kave ssauaa mai i de mommee maolunga.”

2 Corinthians 3:8

gai dee hee maa ai naa de laumalie ange de mahamaha hegau a de Hagasaalunga?

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

Psalm 104:30

De masavaa aau ne gaavange ai doo Hagasaalunga, gai gilaadeu gu mouli; gai koe e hagahoou honga de gelegele alodahi.

Isaiah 63:11

Gai ono dangada e manadua naa denga masavaa madagidagi go laangi o Moses ma ono dangada — i hee iai de ia ne dagina mai gilaadeu laa lo te vai, madali de gau hagaloosi o dana hagabuulingaa ssiibi? Gai i hee iai de ia ne dugua ange dono Hagasaalunga Dabu gi olaadeu magavaa,

Isaiah 45:8

De langi i lunga, haia gi hano iho de heohi bei de langi pala mai i denga hagausinga. Gai henua i lalo gi huugea ono haitoga, gi somo age ai de hagaola gai de heohi gi matili age hogi; go au, go Iahweh ne haia de mee nei.

Proverbs 1:23

Goodou aanga mai gi agu muna hagaheohi; tilo, au e hai naa gi iloo e goodou ogu lodo, ga hai gi tonu ange goodou gi agu muna.

Isaiah 35:7

Gai de mommee iai gelegele vvela e hai naa ga se vai, de gelegele e deai vai iai e lagolago naa vai e ssali age ai. Gai mommee nogo nnoho ai denga jackal, e ssomo ai naa denga madila aama papyrus.

Psalm 107:35

Ia e hai de vao gi se mommee iai denga vai, gai de gelegele mmasa gi se mommee iai denga saalingaa vai.

Psalm 107:33

Ia e hai denga saalingaa vai gi bei de vao, gai denga saalingaa vai gi se gelegele mmasa,

John 7:39

Gai ia ne basa i dagodo o de Hagasaalunga ⌊Dabu⌋, gu dai hano iho laa gi honga o dangada gu hagadonusia ia; de masavaa laa gai de Hagasaalunga ⌊Dabu⌋ tigi hano iho, go hiidinga Iesu tigi kave dono mahamaha.

Isaiah 28:6

Ia e gaavange naa gi de ia hagamodu muna de hagasaalunga o de hagamodu heohi, ma de hagammahi gilaadeu e aahe mai i de hebagi gi de haitoga o de aduhale.

Isaiah 59:21

Gai e hagadaba Tagi Maolunga, “Deenei dagu hagatoo donu hagaheloongoi ange gi gilaadeu: dogu Hagasaalunga e noho naa i oo daha, ma agu muna gu hhao adu gi lo too ngudu, e dee hulo gee naa donu mai i lo too ngudu, ma mai i lodo ngudu o au dama, aama lodo ngudu olaadeu hagadiilinga, mai iainei ga hano ai,” go Tagi Maolunga e hagadaba.

Ezekiel 37:14

Gai au e hhao adu naa dogu Hagasaalunga gi oodou lodo, gi mouli ai goodou. Au e hagaahe mai naa goodou gi nnoho i doodou henua donu. Gai gi iloo ai e goodou bolo go au donu go Iahweh ne hagadaba, gai au gu hagassula donu muna nei, go Iahweh e hagadaba.’ ”