Isaiah 32:14 - De Beebaa Dabu

¹⁴ Denga hale danuaa e ngadi daakodo naa, de aduhale nogo hagalongaa laa e deai naa dangada iai; denga hale buibui makaga ma hale dagitilo e hai naa ga se vao, ga hano ai, gai se mommee e malangilangi ai denga donkey, ma de mommee e haangai ai denga hagabuulingaa ssiibi;

Isaiah 32:14 Referans Kwoze

Isaiah 27:10

De aduhale buibui gu ngadi dagodo, gu deai e nnoho ai, bei dagodo o de vao; gai damaa a denga kaau e gaimee i kilaa, ma de daakodo ai ga hagammabu, ma de gai ga deai lau o ono laa.

Isaiah 25:2

Koe gu hai de aduhale ma gu se hagabuudungaa gainga, gai de aduhale buibui gu se mommee maoha, denga hale buibui makaga o de gau henua gee gu deai donu, gai e dee ahe ange naa donu e hagatuu age ange.

Isaiah 24:12

De aduhale gu maoha ma gu ngadi dagodo, ono haitoga gu maoha ma e daakodo ai.

Isaiah 24:10

De aduhale gu maoha ma gu dagodo; haitoga o denga hale alodahi gu hagamakaga gi deai dangada e ulu ai.

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

Luke 21:20

“De masavaa naa huu oodou e gidee ai Jerusalem gu duuli ina i denga hagabuulinga hebagi, aagai goodou gi iloo bolo gu dai oha de aduhale.

Isaiah 6:11

Gai au ne ssili ange, “De Ia Aamua, dee hee maa taulooloa de hai mee nei?” Ia ne hai mai: “Mee nei e hai ga dae ai gi de odi aduhale alodahi i de oha gai gu deai dangada e nnoho ai, ga dae ai gi teai dangada e doe i denga hale i kilaa, gai de henua gu ngadi dagodo;

Isaiah 5:9

Tagi o denga hagabuulinga hebagi gu hagatoo donu ma gu langona e au: “Ni muna abodonu, denga hale nnui e ngadi daakodo naa, gai denga hale danuaa e deai naa dangada e nnoho ai.

Psalm 104:11

Vai nei e hagaunu ai manu dolodolo alodahi i lodo henua; denga donkey gu boobosu i de unu ai.

2 Kings 25:9

Gai ia ne dudu de hale o Tagi Maolunga, ma de hale o de hodooligi, aama denga hale alodahi i Jerusalem. Ia ne dudu hogi denga hale hagamogomogo alodahi i kilaa.

Isaiah 7:23

De masavaa laa, gai mommee alodahi nogo ssomo ai laa e mano grapevine, e hagao laa i e mano shekel, gu ssomo ai denga manu duiduia ma manu daladala.

Isaiah 22:2

De aduhale hagalongaa, koe se aduhale hakoso e hai ai daonga hagalongaa? Oo dangada maakau tee daia i de gadilaasa, aabe ne maakau i de hebagi.

Jeremiah 6:5

Hiihidi age, gidaadeu ga hebagi i de boo e oha ai denga hale danuaa!”

Jeremiah 14:6

Denga donkey lodo henua gu tuu i honga duuduu malaelae, ma e manamanava bodo ai bei denga jackal. Olaadeu ganomada gu daalea i de ssala gai gu deai donu mommee iai helii.”

Jeremiah 33:4

Gai e hagadaba Tagi Maolunga, de Maadua o Israel, i dagodo o denga hale i lo te aduhale nei, ma hale o denga hodooligi o Judah, gu oohaa iho laa e buibui ai de aduhale i denga mee oha aama de gadilaasa:

Jeremiah 52:27

Gai de hodooligi o Babylon ne daa gilaadeu ga maakau i Riblah, i de henua go Hamath. Deenei de hai o dangada o Judah ne gaavee gee mai i delaadeu henua.

Hosea 2:3

Au kana hagaui ono malo gi gilisau ai ia bei de laangi oona ne haanau ai laa, ma de hai ia gi bei dagodo o de vao, ma de mommee e deai vai iai, aama de daa ia gi magau i dono hieunu.

Zephaniah 2:7

Gai dangada e doe i Judah e henua ai naa; gilaadeu e dugu naa alaadeu ssiibi i kilaa. Gilaadeu e daakodo iho naa i de ahiahi i lodo hale o de gau Ashkelon. Gai Tagi Maolunga, delaadeu Maadua e tilo ange naa gilaadeu, ma de hagaahe mai delaadeu manuuia.

Zephaniah 2:15

Deenei de aduhale nogo duuhia laa ono dagodo, ma de noho baba i mua, ma de hagadaba i ono lodo, “Go au tahi, gai e deai ange donu e bei ogu dagodo.” Iainei de aduhale laa gu maoha ma e dagodo ai, gai gu se mommee e nnoho ai denga manu aada! Alodahi e seesee laa ono gaogao e doo mee naa ma de tugi ange olaadeu lima.

2 Chronicles 33:14

Muli mai gai ia ne hagaahe age de buibui laa daha o de aduhale o David, i baasi dai o de vai go Gihon i lo te geelonga, ga hano ai gi de Haitoga o denga Mamu, ma de holiage mai laa luu baasi tuuduu go Ophel; ia ne hai hogi de buibui laa gi kii ange de maolunga. Gai ia ga hai dagi o de hebagi gi nnoho i lodo aduhale buibui alodahi o Judah.

Nehemiah 3:26

gai de gau hai hegau o de temple i Ophel ne hai age de mommee i de baasi gee de Haitoga o denga Vai i de baasi gi dua, aama de hale dagitilo e hano laa ma e sula gi lunga i kilaa.

Isaiah 3:26

Denga haitoga o Jerusalem e tangi naa ma de hinangalosaa, bei dagodo o de hine e noho i honga de gelegele, gu deai ono malo.

Micah 3:12

Deenei ai, Zion e hagabalabala ina naa bei de veelenga i oodou hiidinga. Jerusalem e bei naa dahi hagabuudungaa mee maoha, gai tuuduu iai laa de temple e hai naa ga se lodo mee muimui.