Isaiah 31:9 - De Beebaa Dabu

⁹ Delaadeu mommee buibui makaga e lilo naa i hiidinga o de mee hagamaatagu; gai olaadeu dagi e maatagu naa i delaadeu gidee de hagailonga o de hebagi,” go Tagi Maolunga e hagadaba, go de ia niiana de ahi i Zion, go de ia niiana de ahi ula mmahi i Jerusalem.

Isaiah 31:9 Referans Kwoze

Malachi 4:1

“Gai tilo, e dae mai naa de laangi o de ahi ula, bei de ahi i lo te mommee dao mee. Gai de gau hagamaolunga ma dangada alodahi e haia de baubau, e dudu naa i de ahi, bei denga lau manu mmasa, go Tagi o denga hagabuulinga hebagi e hagadaba, gai e deai naa donu se aga aabe se laa daudahi e doe.

Isaiah 29:6

gai Tagi o denga hagabuulinga hebagi e humai naa bei de hatuli ma de ngalungalue o de henua ma de leo mmahi, madali denga ssio ma de madangi aama de ahi e dudu ai mee alodahi.

Zechariah 2:5

Gai Tagi Maolunga e hagadaba: Au e hai naa ga bei de ahi e duuli ina luu baasi o Jerusalem, gai go de mahamaha i ono lodo.’ ”

Isaiah 18:3

Goodou dangada alodahi o henua i lalo, go dangada e nnoho i honga de henua, de masavaa naa huu e hagaduu age ai de hagailonga i honga de mounga, gai goodou gu gidee, gai de masavaa naa huu e ili ai de hanga manu, gai goodou gu langona.

Isaiah 10:17

De Maalama o Israel e hai naa ga se ahi, de Ia Dabu o Israel se ahi ula; gai e dudu naa ga deai manu daladala ma manu duiduia i dahi laangi donu huu.

Isaiah 4:4

Gai de Ia Aamua laa e hagagilimalali naa denga mee hakino gee o denga haahine o Jerusalem; ia e hhui naa denga dodo e baalau laa i Jerusalem i de hagasaalunga e hagamodu ina laa muna i de ahi.

Deuteronomy 32:37

Ia e ssili naa ga hai ange, “I hee iai olaadeu diinonga, ma de baba alaadeu ne tali ange laa aagena,

Deuteronomy 32:31

Delaadeu baba e dee bei taadeu Baba, odaadeu hagadaumee e hagasaele hogi bei gidaadeu.

Leviticus 6:13

Gai de ahi i honga de mommee o ssigidaumaha e hai donu gi gaa i masavaa alodahi; e dee hai donu gi made.

Isaiah 30:33

Madagidagi laa gai dahi mommee gu hagadabena e dudu ai; gai ne hagadabena ange gi de hodooligi o Assyria. Dono geelinga ne geli gi maolalo ma de mada laumalie, madali de ahi laumalie ma lahhie lagolago; gai de madangi o de manava o Tagi Maolunga e bei de maga ahi o de ahi e haia laa ga ula.

Isaiah 11:10

De laangi laa gai de uli o Jesse e duu age naa e hai ai de hagailonga ange gi denga huaadangada; gai denga huaahenua e hagabuni mai naa gi kilaa, gai dono mommee hagammabu e hai naa ga mahamaha.

Isaiah 5:26

Ia e hagaduu age naa dahi hagailonga ange gi denga huaahenua mmao, ia e hagavogi ange gi gilaadeu i luu bido o henua i lalo, gai tilo, gilaadeu e hagamoolau mai naa ma de hakemo mai!

Isaiah 10:16

Deenei ai, de Ia Aamua, Tagi o denga hagabuulinga hebagi, e hai naa gi mmagi ono daane hebagi mmahi, gai dono hagadubu e haula naa i de ahi ula.

Isaiah 13:2

Hagaduulia age dahi hagailonga i honga dahi duuduu malaelae, gai oo ange gi gilaadeu, ma de aloalohagi ange gilaadeu gi loomai gi ulu i haitoga o de gau aamua.

Isaiah 26:1

De laangi laa gai dangada e hua naa taahili nei i de henua o Judah: Demaadeu aduhale e makaga; de Maadua ne hagatuu ono buibui ma ono mee hagamakaga e hagaola ai.

Isaiah 27:7

E aha, de Maadua ne hagaili laa ia, bei dana hai ne hagaili ai dangada ne hagailiilia ia? Aabe ne daa gilaadeu ga magau, bei de daa ga maakau o dangada ne daia gilaadeu ga maakau?

Isaiah 66:15

Tilo, Tagi Maolunga e humai naa madali de ahi, gai ono hada hebagi e bei dahi sio; ia e hagahai hegau naa dono lili i dono bole, gai dana hagasee e hai naa madali de ahi ula.

Isaiah 17:13

Gai ga hagalongaa naa donu denga huaahenua bei de haganngolo o denga vai lagolago, aagai de Maadua e hagasee gilaadeu, gai gilaadeu e saavini naa ga hulo, bei denga gili grain i honga mounga, e ilihia laa i de madangi, ma de mama o de gelegele a de madangi e ili laa ga kave.

Isaiah 37:37

Gai de hodooligi o Assyria go Sennacherib ne hano gee mai i kilaa, ga hano ga noho i Nineveh.