Isaiah 31:3 - De Beebaa Dabu

³ De gau Egypt ni dangada, e dee go de Maadua; alaadeu hoosa ni mee henua i lalo, e dee ni hagasaalunga. De masavaa a Tagi Maolunga e hagaabo ai dono lima sauaa, gai de huaahenua e balea ange laa e maoha naa, gai de ia e gaavee laa de bale e dee kii; gilaau ngaadahi e oohaa naa.

Isaiah 31:3 Referans Kwoze

Isaiah 9:17

Deelaa ai, de Ia Aamua e dee malangilangi i alaadeu dama daane, be e lodo aloha ange gi alaadeu gauligi gu deai olaadeu damana, aabe go haahine gu maakau olaadeu bodu. Go hiidinga gilaadeu alodahi e dee hai hegau i mee heohi aama de baubau, gai muna a dangada alodahi e tala gu hakino gee. Gai mee nei alodahi tee maua i de hai gi helui dono lili, dono lima goi hagaabo donu huu.

Ezekiel 28:9

E aha, e maua naa huu e goe i de hagadaba, “Au se maadua,” i madamada o dangada e daia goe ga magau? Koe e bei donu huu dagodo o dangada e maakau laa, e dee se maadua, i de masavaa alaadeu e poo ai goe ga daa gi magau.

Jeremiah 15:6

Koe ne tili au, go Tagi Maolunga e hagadaba; koe tee modu de ahe dua. Deelaa ai, au e hagaabo naa dogu lima e hagaduasala ai goe; au gu dalea i de golomagi ogu lodo.

Isaiah 30:7

go Egypt e deai laa ono haigamaiana, gai e deai mee iai. Deelaa ai, au e hagaingoo ange ia go “Rahab, de ia ngadi noho.”

Psalm 33:17

E deai haigamaiana dau tali ange de hoosa gi hagaola ina goe; gai e dee galemu donu dono mahi, gai ia e dee maua donu i de hagaola dahi.

Psalm 9:20

Tagi Maolunga, hagamaatagu ina gilaadeu! Haia gi iloo e denga huaahenua bolo gilaadeu ni dangada donu huu! Selah

Isaiah 36:9

Gai dee hee dau hai e hagangadi mee ai naa dahi dagi, e maolalo ange laa i denga dagi alodahi i lalo dogu dangada aamua, gai ga tali ange Egypt gi gaavadu hanu hada hebagi ma denga daane e kage i honga hoosa?

Isaiah 36:6

Tilo, dau tali go Egypt, go de henua e bei laa togo madila gu hadi laa; gai e duuia ai naa de lima o tangada e hannagi ange aagena. Aanei dagodo o Pharaoh, de hodooligi o Egypt, ange gi dangada alodahi e daalia ange ia.

Isaiah 30:5

gai gilaadeu alodahi e dookaa naa donu, go hiidinga o dahi huaadangada e deai haigamaiana ange gi gilaadeu, gilaadeu e dee bale ange donu gilaadeu aabe e haigamaiana ange gi gilaadeu.”

Matthew 15:14

Goodou aude anga ange, gilaadeu ni dagi e dee kide, e dagina de gau dee kide. Noo dahi dangada dee gide e dagidahi dangada dee gide, gai gilaau ngaadahi e too ange donu gi dahi geelinga.”

Psalm 118:8

E danuaa ange taadeu buibui i daho Tagi Maolunga i taadeu hagadonu dahi dangada.

Isaiah 10:3

Gai ni aha naa oodou e hai i de laangi o de hagaduasala, ma de masavaa e dae mai ai de hai ngadaa i de mommee mmao? Go daho ai oodou e hulo gi balea adu goodou? Gai go hee naa donu oodou e dugu ai oodou goloa lagolago?

Isaiah 20:6

De laangi laa gai dangada e nnoho i tagudai e hagataba naa, ‘Kalo ange diiloo mee gu hai ange gi dangada adaadeu ne tali ange laa aagena, ma de hulo gi olaadeu daha e kave ai de bale, ma de hai gi ola gidaadeu mai i de hodooligi o Assyria! Gai dee hee ai naa taadeu hai e ola ai?’ ”

Isaiah 30:16

Goodou e hagataba, ‘E deai, gimaadeu e kage naa i honga hoosa e saavini ai ga hulo gee.’ Deenei ai, goodou e saavini naa ga hulo gee! Goodou e hagataba, ‘Gimaadeu e saavini naa ga hulo i denga honga hoosa kemo.’ Deelaa ai, gilaadeu e dolohia goodou ni dangada kemo mmao!

Jeremiah 17:5

E hagadaba Tagi Maolunga, “E malaia naa tangada e hagadonusia tangada, gai dana tali go mahi o tangada, gai ono lodo e dahuli gee mai i Tagi Maolunga.

Ezekiel 28:2

“Tama a tangada, hai ange gi de hodooligi o Tyre, ‘E hagadaba de Ia Aamua go Iahweh: Koe e hagadaba i doo lodo maolunga, “Au se maadua; au e noho i honga de nohoanga o dahi maadua, i lo te ungaalodo o de moana.” Aagai koe se dangada donu huu, e dee se maadua, gai koe e maanadu bolo koe e heiangi bei dahi maadua.

Amos 2:15

Taane e dilia mee hholu e dee maua naa donu i de duu gi makaga, gai taane hebagi e dee maua naa hogi i de hagamoolau e hano, taane e gage i honga de hoosa e dee maua hogi i de hagaola dono mouli.

2 Chronicles 32:8

Dono bale go mahi o dangada, aagai taadeu bale go Tagi Maolunga taadeu Maadua, gai go ia e balea mai gidaadeu ga hebagi ai.” Gai dangada gu lodo mmahi i hiidinga muna a Hezekiah, de hodooligi o Judah.

Isaiah 20:4

gai e bei ai hogi, de hodooligi o Assyria e aau gee naa malo ma mee vae o de gau Egypt, ma de gau Ethiopia ga kave gilaadeu gi olaadeu henua, gai dae o denga gauligi ma de gau maatua e hai naa ga ssula mai — e hagadogaa ai Egypt.