Isaiah 30:3 - De Beebaa Dabu

³ Aagai goodou e dookaa naa i doodou buibui i daho Pharaoh, gai goodou e hagangadi mee ina naa i doodou buibui i daho Egypt.

Isaiah 30:3 Referans Kwoze

Isaiah 20:5

Gai dangada e tali hagalodolodo ange gi Ethiopia ma de tuhi Egypt e maatagu naa ma de dookaa.

Romans 10:11

Gai e hagadaba de Beebaa Dabu, “Tangada e hagadonusia ia e dee hagadogaa ina naa donu.”

Romans 5:5

Gai de tali hagalodolodo nei e hai gi dee llodo baageaa gidaadeu, go hiidinga de Maadua gu gaamai dono aloha gi odaadeu lodo, i daho de Hagasaalunga Dabu aana ne gaamai laa gi noho i odaadeu lodo.

Isaiah 36:6

Tilo, dau tali go Egypt, go de henua e bei laa togo madila gu hadi laa; gai e duuia ai naa de lima o tangada e hannagi ange aagena. Aanei dagodo o Pharaoh, de hodooligi o Egypt, ange gi dangada alodahi e daalia ange ia.

2 Kings 18:21

Tilo, dau tali go Egypt, go de henua e bei laa dagodo o togo madila gu hadi laa, gai e duuia ai naa de lima o tangada e hannagi ange aagena! Aanei dagodo o Pharaoh, de hodooligi o Egypt, ange gi dangada alodahi e daalia ange ia.

Psalm 108:12

Balea mai gimaadeu e hebagi ange ai gi de hagadaumee, go hiidinga de bale mai i daho dangada e deai ono haigamaiana.

Isaiah 20:6

De laangi laa gai dangada e nnoho i tagudai e hagataba naa, ‘Kalo ange diiloo mee gu hai ange gi dangada adaadeu ne tali ange laa aagena, ma de hulo gi olaadeu daha e kave ai de bale, ma de hai gi ola gidaadeu mai i de hodooligi o Assyria! Gai dee hee ai naa taadeu hai e ola ai?’ ”

Jeremiah 2:36

Gu aha gu ngadi aheahe saele ai naa goe, ma tee modu de sui oo haiava? Egypt e hagadogaa naa goe bei de hai a Assyria ne hai ai laa goe.

Jeremiah 42:18

Gai e hagadaba Tagi o denga hagabuulinga hebagi, de Maadua o Israel: Dogu lili ma dogu bole ne hai baasi ange gi dangada e nnoho i Jerusalem, gai e bei ai hogi, dogu bole e hai baasi adu naa hogi gi goodou i de masavaa oodou e hulo ai gi Egypt. Goodou e hai naa ga se mee hagamalaia ma de hagamaatagu, gai se mee e kino ai ma de hakadanga ai o dangada; goodou e dee gidee ange naa donu de mommee nei.’

Jeremiah 42:22

Deelaa ai, goodou gi iloo de mee nei: goodou e daa naa donu ga maakau i de gadilaasa, ma de onge, ma de mee hagamaakau i de mommee oodou e llodo naa e hulo e nnoho ai.”

Hosea 10:6

Tiinonga laa e gaavee naa gi Assyria, ga gaavange gi de hodooligi maolunga laa. Ephraim e dogaa naa, Israel e dogaa naa hogi i dono diinonga.

Proverbs 25:19

Dau hagadonu tangada e dee hai hegau i de mee abodonu i de masavaa hai ngadaa, e bei dagodo o de niho bobo aabe go de vae gu maaguluaa laa.

Jeremiah 46:25

Gai e hagadaba Tagi o denga hagabuulinga hebagi, de Maadua o Israel, “Tilo, au e hagaduasala naa Amon tiinonga o Thebes, ma Pharaoh, ma Egypt ma ono diinonga ma ono hodooligi, ma Pharaoh aama dangada alodahi e hagadonusia ia.

Ezekiel 29:7

De masavaa alaadeu ne poo ai goe gai koe ne hadi, ga hagalagolagohia lodo olaadeu lima. De masavaa olaadeu ne hagadaemaha adu ai gi de goe, gai koe ne hadi ga hagangaalue olaadeu dua.