Isaiah 30:28 - De Beebaa Dabu

²⁸ Gai de madangi o dana manava e bei de mee mmilo, e hanage laa ga dae age gi de ua. Ia e luuluu naa denga huaahenua i lo te mee nonu e oohaa mee, ia e velo ange naa gi lodo ngudu o denga huaadangada de baalanga, ga dagi ai gilaadeu i de haiava dee heohi.

Isaiah 30:28 Referans Kwoze

Isaiah 37:29

Koe e kona donu doo lili i de au, gai au gu langona dagodo o doo hagamaolunga; deenei ai, au e hagalau naa doo usu i dahi maadau, ma de nnoa doo ngudu i dahi mee ga dagi ai goe, ga hagaahe i de haiava mau oou ne humai ai naa.

2 Thessalonians 2:8

De masavaa laa gai de ia e oohaa de hainga e hagasula mai naa donu, gai Tagi Maolunga go Iesu e daa naa ia ga magau i dana manava, ma de hagalilo ia i dono mahamaha i dono masavaa e ahe mai ai.

Isaiah 11:4

aagai ia e hagamodu muna o dangada e duasala i de heohi, ma de hagamodu muna o de gau hagaau aloha i henua i lalo i de heohi. Ia e hagaduasala naa henua i lalo i ana muna e tala; gai e daa gi maakau de gau baubau i de madangi o dana manava.

Isaiah 8:8

gai vai e ssali mai naa gi Judah, ga haoli de henua ga dae age ai gi de ua. Gai ia e bei naa de manu lele e doha laa luoono bakau ga haoli ai honga doo henua alodahi, Immanuel!”

Amos 9:9

Gai tilo, au e tala hagasoe de muna, ga nonu ange naa dangada o Israel gi daho denga huaahenua, bei de hai e nonu ai laa denga grain, gai e deai naa donu se damaa hadu daudahi e doo gi honga de gelegele.

2 Kings 19:28

Koe e kona donu doo lili i de au, gai au gu langona dagodo o doo hagamaolunga; deenei ai, au e hagalau naa doo usu i dahi maadau, ma de nnoa doo ngudu i dahi mee ga dagi ai goe, ga hagaahe i de haiava mau oou ne humai ai naa.’

Luke 22:31

“Simon, Simon, Satan e lodo mmao e nonu goe bei dagodo o denga grain.

Revelation 2:16

Deenei ai, koe gi dahuli oo lodo. Gai noo e deai, gai au e humai naa i de masavaa moolau ga hebagi ange gi gilaadeu, i de gadilaasa e sao mai laa i lo togu ngudu.

Revelation 1:16

Gai ia e daohi e hidu heduu i dono lima madau, gai de gadilaasa kangi baasi lua e sao mai i lo tono ngudu. Gai luoono mada e maalama bei de maalama o de laa i de masavaa e mmahi ai.

Hebrews 4:12

Go hiidinga muna a de Maadua e mouli ma de mmahi, e kangi ange i de gadilaasa baasi lua, gai e vvae de lodo ma de hagasaalunga, ma denga sugusuguinga ma mee i lodo ivi; gai e hagamodu dagodo maanadu ma hagatau alodahi i de lodo.

2 Thessalonians 2:11

Deenei ai, de Maadua e hai naa gi laumalie de hagasenga, gai gi hagadonusia ai e gilaadeu de muna hadu,

Matthew 3:12

Ia e poo de laagau nonu i dono lima, e hagamalaelae ai dana mommee hili huamanu, gai ga hagabudu ana grain e hhao gi lo te hale doange, aagai ga dudu denga gili i de ahi e dee maua laa i de diinei.”

Hosea 13:3

Deelaa ai, gilaadeu e bei naa de mama o de maluulu i taiao, be go ssuungia o taiao e moolau laa teai, ma gili o denga grain i de mommee hili huamanu e ilihia laa ga dee maaleva, ma de useahi e hanage laa i tua de hale.

Isaiah 29:6

gai Tagi o denga hagabuulinga hebagi e humai naa bei de hatuli ma de ngalungalue o de henua ma de leo mmahi, madali denga ssio ma de madangi aama de ahi e dudu ai mee alodahi.

Isaiah 19:3

De gau Egypt e baageaa naa olaadeu lodo, gai au e hai naa gi dee ssula alaadeu hagatau; gilaadeu e ssala naa de bale mai i daho denga diinonga ma hagasaalunga o de gau maakau, ma denga hilohilo ma eidu aama gilaadeu e pasa ange gi denga hagasaalunga.

Proverbs 26:3

Taula e hagailiili ai se mee ange gi de hoosa, de uga nnoa se mee ange gi de ngudu o dahi donkey, gai de laagau se mee ange gi dua o de gau llodo ssenga.

Psalm 32:9

Koe gi dee bei de hoosa aabe go dahi donkey e dee maua laa gi donu ange, aagai e hai dono ngudu gi daohi i de baalanga ma mee nnoa, ga mee naa huu gai gilaadeu e dee loomai gi oo daha.

Psalm 18:15

Lodo ava o tai gu ssula age, gai dagelo o henua i lalo gu gidee, i dau hagasee e Tagi Maolunga, ma dau busi luoo bongaa usu.

De Beebaa go Job 39:17

go hiidinga de Maadua tee hai gi heiangi ia, aabe ne hai gi maua e ia i de donu ange.

2 Samuel 17:14

Gai Absalom ma denga daane alodahi o Israel ne hai ange, “Muna bale a Hushai, taane Erek, e danuaa ange i muna bale a Ahithophel.” Go hiidinga Tagi Maolunga gu hai gi dee ssula muna bale a Ahithohphel, gai ia ga hagahai ngadaa ai Absalom.

Isaiah 28:2

Tilo, de Ia Aamua e dahi ana ia sauaa ma de mmahi. Bei denga duudangaa haisi ma de madangi mmahi e oohaa laa mee, ma de langi mmahi ma de maadolu e pala iho laa, gai ia e poo ga maga iho naa gi honga de gelegele.

Isaiah 28:15

Goodou e hagataba, “Gimaadeu gu hai dahi hagatoo donu hagaheloongoi madali de magau, gimaadeu gu hagaheloongoi ange gi de mommee o de gau maakau. Gai de masavaa naa huu e dae mai ai de hagaduasala laumalie, gai e dee maua gi duu mai gi gimaadeu, go hiidinga demaadeu buibui go de muna hhadu, gai demaadeu mommee mmuni go muna hagasenga.”

Isaiah 30:29

Aagai goodou e daahili naa bei doodou daahili i de boo oodou e hai ai dahi daonga dabu; goodou e malangilangi naa bei de masavaa o dangada e ili ai denga flute, ga daga age ai gi de mounga o Tagi Maolunga, go de Baba makaga o Israel.

Isaiah 30:33

Madagidagi laa gai dahi mommee gu hagadabena e dudu ai; gai ne hagadabena ange gi de hodooligi o Assyria. Dono geelinga ne geli gi maolalo ma de mada laumalie, madali de ahi laumalie ma lahhie lagolago; gai de madangi o de manava o Tagi Maolunga e bei de maga ahi o de ahi e haia laa ga ula.

Isaiah 59:19

Gai dangada i baasi dai e maatagu naa i de ingoo o Tagi Maolunga, dangada e hagadubu naa dono mahamaha mai i de sobo age o de laa. Gai ia e humai naa bei denga vai nogo bonodia laa, gai de madangi o de manava a Tagi Maolunga e ili ga kave gee.

Isaiah 63:17

Tagi Maolunga, gu aha gu dugu mai ai naa goe gimaadeu gi hulo gee i oo haiava ma de hagamakaga omaadeu lodo, gimaadeu gu dee maatagu i de goe? Ahe mai i hiidinga o oo dangada hai hegau, go denga aamuli gu bolo adu gi de goe.

Isaiah 17:13

Gai ga hagalongaa naa donu denga huaahenua bei de haganngolo o denga vai lagolago, aagai de Maadua e hagasee gilaadeu, gai gilaadeu e saavini naa ga hulo, bei denga gili grain i honga mounga, e ilihia laa i de madangi, ma de mama o de gelegele a de madangi e ili laa ga kave.

Isaiah 17:14

Tilo, de mee hagamaatagu gu hai i de ahiahi! Gai i mua de ao de mee, gai gu ui! Deenei tuuhanga o dangada e gaavee adaadeu mee, ma hagaoanga o dangada e gaiaadia odaadeu mee.