Isaiah 30:18 - De Beebaa Dabu

¹⁸ Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Isaiah 30:18 Referans Kwoze

2 Peter 3:9

Gai Tagi Maolunga e dee hai mee mudumudu i de hagassula dana mee gu hagatoo donu ai, bei de hai a hanu e maanadu ai, gai e golomagi ono lodo i oodou hiidinga; ia e dee lodo dahi dangada daudahi gi magau, aagai dangada alodahi gi daahuli olaadeu lodo.

Proverbs 16:20

Tangada e daohia laa mee oona gu agoago ai e hagadagadaga age donu, gai tangada e hagadonusia Tagi Maolunga e manuuia.

Isaiah 8:17

Au e tali ange Tagi Maolunga, go de ia e hagamuunia luoono mada i dangada o Jacob. Gai au e tali ange naa donu ia.

Isaiah 25:9

De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”

Psalm 34:8

Mami ange mage diiloo bolo Tagi Maolunga e danuaa; e manuuia tangada e buibui i ono daha!

2 Peter 3:15

Goodou manadua bolo de golomagi lodo o taadeu Dagi Maolunga e hagamouli dangada. Deenei hogi de mee a taadeu daina hagamogomogo go Paul gu sisi adu ai, i de heiangi a de Maadua gu gaavange laa gi de ia.

Luke 15:20

Gai tama daane laa ga hidi age ga ahe mai gi daho dono damana. Gai de masavaa huu a dono damana ne gidee adu ai ia i de mommee mmao, gai ia gu lodo aloha i de ia, gai ia ga savini ga hano ga buuludi ange ia ma de oso.

Isaiah 55:8

Go hiidinga agu maanadu e dee bei oodou maanadu, ogu haiava e dee bei oodou haiava, go Tagi Maolunga e hagadaba.

Psalm 27:14

Koe gi tali hagalodolodo ange gi Tagi Maolunga; koe gi lodo mmahi ma de lo taane, aama de tali ange Tagi Maolunga.

Isaiah 33:5

Tagi Maolunga gu hagaamua, go hiidinga ia e noho i de mommee maolunga; ia e hhao naa Zion i de hagamodu soe ma de mee heohi.

Romans 9:22

Gai de Maadua ne lodo e hagaago mai dono lili ma dono sauaa mmahi, i de golomagi ono lodo i gilaadeu aana gu baba ange e daa gi maakau,

Jeremiah 17:7

Gai e manuuia tangada e hagadonusia Tagi Maolunga, gai go Tagi Maolunga dana tali hagalodolodo.

James 5:11

Tilo, gidaadeu e hagataba bolo gilaadeu ne manuuia i delaadeu llodo mmahi. Goodou gu langona hogi dagodo de lodo mmahi o Job, gai goodou ne gidee hogi dagodo de hagatau a Tagi Maolunga; ia e lodo aloha ma de degi.

Isaiah 5:16

Aagai Tagi o denga hagabuulinga hebagi e hagaamua naa i hiidinga dana hagamodu i de heohi, gai de Maadua dabu e hagaago mai naa bolo ia e dabu i dono heohi.

1 Samuel 2:3

Duudia doodou pasa hagamaolunga, aabe go doodou pasa hagassoenga; go hiidinga Tagi Maolunga se Maadua iloo mee, gai go ia e hagahidia hegau alodahi.

Ephesians 1:8

gu hagadohu mai laa hogi gi gidaadeu i de heiangi alodahi ma de iloo mee.

Romans 5:20

De hainga ne gaamai gi kii ange ai de laumalie de haisala. Aagai ga hagadaga ange naa donu de laumalie de haisala, gai de abodonu o de Maadua e kii ange donu de laumalie.

Acts 5:31

Gai de Maadua gu hagaamua ia i dono baasi madau, ma de hai ia go Tagi ma de Ia Hagaola, gai ia ga hagadaahuli ai lodo o de gau Israel, aama de degi ange ai gi olaadeu haisala.

Luke 2:25

Gai e dahi daane i Jerusalem, dono ingoo go Simeon, ia se daane heohi ma de hai lodo o de Maadua, ia ne tali de hagaola o de gau Israel, gai de Hagasaalunga Dabu e noho i ono daha.

Malachi 2:17

Goodou gu hakoso Tagi Maolunga i oodou muna. Aagai goodou e ssili, “Dee hee demaadeu hai ne hagadalea ai ia?” Go doodou hagataba, “Dangada alodahi e haia de baubau e danuaa donu huu i mada luu mada o Tagi Maolunga, ia e malangilangi donu i gilaadeu,” aabe go doodou ssili, “I hee iai donu de Maadua o de heohi?”

Psalm 2:12

Oso ina Tama Daane, kana lili naa ia, gai goodou gu moolau donu de maakau i honga de haiava; go hiidinga ia e moolau donu de lili. E manuuia gilaadeu alodahi e haia ia go delaadeu buibui.

Exodus 34:6

Gai Tagi Maolunga ne hano gi mada i mua o Moses, ga hagadaba, “Tagi Maolunga, Tagi Maolunga, de Maadua e lodo aloha ma de degi, e dee moolau de lili, gai e honu i de aloha aama de hai hegau i de muna abodonu,

Ephesians 1:6

gai gidaadeu ga tuhi ai de mahamaha o dono abodonu, ne ngadi gaamai laa gi gidaadeu i hiidinga o dana Dama Hagamogomogo.

Hosea 5:15

Gai au e ahe naa gi dogu mommee, ga dae ai gi delaadeu tala olaadeu haisala. Gai gilaadeu ga ssala ai au i delaadeu duasala.

Isaiah 18:4

Tagi Maolunga ne hai mai gi de au, “Au e noho naa ga dee muu ga galo iho ai i dogu mommee noho, bei de vvela o de laa i de masavaa e dii ai, ma de mee maluulu i de masavaa hagihagi e hagavvela laa.”

Psalm 99:4

De Hodooligi e mmahi, gai e lodo i de hagamodu muna heohi; koe gu hagaduu gi makaga de hagamodu muna heohi, gai koe gu hagamodu muna o Jacob i de heohi.

Psalm 84:12

Tagi o denga hagabuulinga hebagi, e manuuia tangada e hagadonusia goe!

De Beebaa go Job 35:14

Gai e kii ange dana dee hagallongo i dau hagadaba bolo koe e dee gidee ia, gai koe e tali ia gi hagamodu ina au muna hagabaubau!

Deuteronomy 32:4

Ia se baba makaga, ana hegau e hoohonu danuaa, gai ia e hai hegau i de hagamodu heohi. Ia se Maadua e hai hegau i de muna abodonu ma teai se baubau i ono daha, ia e hagamodu i de heohi ma de soe.

Hosea 2:14

Deenei ai, tilo, au e hagaaneane naa ia, ga kave ia gi de vao ga basa maamaane ange gi de ia.

Isaiah 42:14

Gu daulooloa dogu noho ga dee muu; au ne hagapuni dogu ngudu ma de golomagi ogu lodo. Aagai iainei au gu bei dagodo o de hine gu dai haanau, au e dangi, au e mahi bodo ma de gonogono.

Isaiah 40:31

aagai gilaadeu e haia Tagi Maolunga go delaadeu tali hagalodolodo e mahi loa. Gilaadeu e hagamaalanga age naa i bakau bei dagodo o denga igele; gilaadeu e saavini gai e dee daalea, gilaadeu e seesee gai e dee baageaa.

Isaiah 2:11

Tangada lodo maolunga e hagamaolalo ina naa, gai de gau hagamaolunga e hai naa ga maolalo, gai go Tagi Maolunga donu huu e hagaamua i de laangi laa.

Isaiah 2:17

Gai tangada hagamaolunga e hai naa ga maolalo, de gau lodo maolunga e hai naa ga ni dangada maolalo; gai go Tagi Maolunga donu huu e maolunga i de laangi laa,

Isaiah 28:17

Au e hai naa de hagamodu muna heohi go de uga haide mee, gai de heohi go de mee e hagassoe ai muna; denga dibadibaa haisi e oha naa doodou buibui, e hai laa go muna hhadu, gai denga vai e haoli naa doodou mommee mmuni.

Isaiah 33:2

Tagi Maolunga, koe gi abodonu mai gi gimaadeu; gimaadeu e tali adu donu huu goe. Go koe omaadeu mmahi i daiao alodahi, ma demaadeu hagaola i de masavaa omaadeu e hai ngadaa ai.

Isaiah 42:16

Au e dagi naa gilaadeu e dee kide i dahi haiava alaadeu tigi iloo, ma de dagi gilaadeu i denga dao haiava olaadeu tigi hulo ai; au e sui naa de gohu gi se maalama i olaadeu mada i mua, ma de hai denga mommee haduhadua gi ssoe. Aanei agu mee e hai ange gi gilaadeu, gai e dee tili naa donu gilaadeu.

Isaiah 48:9

Au ne daohi dogu bole i hiidinga o dogu ingoo; au ne daohi dogu lili i de goe, gi duuhia ai au, gi dee hagalilo ina ai e au goe.

Isaiah 61:8

Gai au, go au go Iahweh, e lodo i de hagamodu muna heohi, au e kino i de gaiaa ma de baubau. Gai au e hagao ange naa alaadeu hegau i hiidinga dogu hai hegau i de mee abodonu, ma de hai dahi hagatoo donu hagaheloongoi dee ngado mai madali gilaadeu.

Isaiah 64:4

Mai madagidagi gai dangada tigi langona, be gu tonu ange aagena, aabe gu gidee dahi Maadua bei oo dagodo, ia e balea ange gilaadeu e daalia ange ia.

Jeremiah 42:7

Gai dua e madaangahulu laangi, gai Tagi Maolunga ne hagaago ange ana muna gi Jeremiah.

Daniel 12:12

E manuuia tangada e daalia ga dae ai gi de 1,335 laangi laa.

Hosea 1:7

Aagai au e lodo aloha ange naa gi dangada o Judah; au e hagaola naa gilaadeu. Au e dee hagaola gilaadeu i de mee hholu, be go de gadilaasa, be go de hebagi, aabe go denga hoosa ma daane e saavini ai, aagai au e hagaola naa gilaadeu i ssauaa o Tagi Maolunga delaadeu Maadua.”

Isaiah 57:16

Au e dee hagabaubau donu ga hano ai, aabe e lili i masavaa alodahi, kana haia e au ga baageaa lodo o tangada — go de hagasaalunga o tangada aagu ne hai.