Isaiah 30:16 - De Beebaa Dabu

¹⁶ Goodou e hagataba, ‘E deai, gimaadeu e kage naa i honga hoosa e saavini ai ga hulo gee.’ Deenei ai, goodou e saavini naa ga hulo gee! Goodou e hagataba, ‘Gimaadeu e saavini naa ga hulo i denga honga hoosa kemo.’ Deelaa ai, gilaadeu e dolohia goodou ni dangada kemo mmao!

Isaiah 30:16 Referans Kwoze

Isaiah 31:1

E vakaa naa gilaadeu e hulo laa gi Egypt e ssala ai delaadeu bale, gai e hagadonusia mahi o denga hoosa, ma de tali hagalodolodo ange gi denga hada hebagi lagolago, ma mahi o olaadeu daane i honga hoosa, aagai e dee anga ange gi de Ia Dabu o Israel, aabe e dangidangi i de bale mai i daho Tagi Maolunga.

Isaiah 31:3

De gau Egypt ni dangada, e dee go de Maadua; alaadeu hoosa ni mee henua i lalo, e dee ni hagasaalunga. De masavaa a Tagi Maolunga e hagaabo ai dono lima sauaa, gai de huaahenua e balea ange laa e maoha naa, gai de ia e gaavee laa de bale e dee kii; gilaau ngaadahi e oohaa naa.

Habakkuk 1:8

Alaadeu hoosa e kemo ange i denga leopard, gai e hagamaatagu ange i denga wolf i de ahiahi boo. Olaadeu hagabuulinga hebagi e hagassoe mai donu huu; olaadeu daane i honga hoosa e loomai i de mommee mmao. Gilaadeu e bei de igele e hagatili iho laa ga kadi dahi manu;

Micah 1:13

Goodou dangada e nnoho i Lachish, noonoodia ange denga hoosa gi de hada hebagi. Go koe taamada o haisala o tamaa hine o Zion, go hiidinga goodou ne ago ange i haisala o Israel.

Amos 9:1

Au ne gidee de Ia Aamua e duu i gaogao de mommee o ssigidaumaha, gai ia ne hagadaba, “Hagailiilihia de ulu o denga duludulu gi ngalungalue ai de hale alodahi, ma de maoha iho gi honga biho o dangada alodahi. Gai dangada e doe gai au e daa naa gi maakau i de gadilaasa; e deai donu se gilaadeu e maua i de savini e hano; e deai donu se gilaadeu e hagaola.

Lamentations 4:19

Dangada e dolohia gimaadeu e kemo ange i denga igele i lo te langi i lunga; gilaadeu e doolohi gimaadeu i honga denga mounga, ma de mmuni e tali ai gimaadeu i lodo henua.

Jeremiah 52:7

Gai gu oohaa ga masaavava de buibui o de aduhale, gai denga daane hebagi alodahi ne saavini ga hulo gee. Gilaadeu ne ssao ga hulo laa lo te haitoga i magavaa luu buibui, i gaogao de veelenga a de hodooligi, i de masavaa a de gau Babylon e duuli ai luu baasi de aduhale. Gai gilaadeu ne ssao ga hulo i de haiava e hano laa gi Arabah.

Jeremiah 4:13

Tilo, ia e hanage bei dagodo o hagausinga, ono hada hebagi e bei dagodo o ssio; gai ana hoosa e kemo ange i denga igele. E vakaa naa gidaadeu! Gidaadeu e maakau naa donu!

Psalm 147:10

Ia e dee malangilangi i mahi o de hoosa, aabe go luu vae mmahi o dahi dangada,

Psalm 33:17

E deai haigamaiana dau tali ange de hoosa gi hagaola ina goe; gai e dee galemu donu dono mahi, gai ia e dee maua donu i de hagaola dahi.

Deuteronomy 28:49

Gai Tagi Maolunga e gaamai naa dahi huaahenua gi hebagi adu gi de goe, mai i de mommee mmao, i de bido laa o henua i lalo, gai gilaadeu e loomai naa bei de igele, gai se huaahenua e pasa i muna oou e dee donu ange aagena,

Deuteronomy 28:25

Gai Tagi Maolunga e hai naa gi dee kii goe i oo hagadaumee; koe e hano naa e hebagi ange gi gilaadeu i dahi haiava, gai oo dangada e saavini naa ga hulo gee mai i gilaadeu i e hidu haiava. Gai denga huaahenua e llele naa olaadeu mouli i delaadeu gidee mee e hai adu gi de goe.

2 Kings 25:5

Aagai de hagabuulinga hebagi o Babylon ne doolohi de hodooligi ga poo ia i lo te duu malaelae o Jericho, gai ono daane hebagi alodahi gu mavaevae saele.

Isaiah 2:7

Delaadeu henua e honu i goolo ma selevaa, gai gu lagolago olaadeu goloa hagamogomogo. Honga delaadeu henua gu honu i denga hoosa, gai gu lagolago hogi olaadeu hada hebagi.

Jeremiah 39:4

De masavaa o Zedekiah, de hodooligi o Judah ma denga daane hebagi ne gidee ai gilaadeu, gai gilaadeu ga saavini ga hulo; gilaadeu ne ssao ga hulo i de haitoga i magavaa luu buibui, i gaogao de veelenga a de hodooligi i de boo; gai gilaadeu ne hulo i de haiava e hano laa gi Arabah.

Jeremiah 46:6

Taane gemo tee maua i de savini e hano, taane hebagi mmahi tee ola; gilaadeu gu maakau ma e daakodo ai i baasi gi ngaiho, i gaogao ssaalingaa vai go Euphrates.

De Beebaa go Job 39:11

E aha, koe e maua i de hagadonu de kaau aada, i hiidinga de kona dono mmahi, ma de dugu ange ia gi haia au hegau?