Isaiah 29:9 - De Beebaa Dabu

⁹ Goodou gi llele mouli, ma de ssenga ange, haia gi dee kide goodou ma tee gidee; goodou gi ssenga, aagai e dee ssenga i denga uvaini; goodou gi ssee saele, aagai e dee ssenga i mee mmahi.

Isaiah 29:9 Referans Kwoze

Revelation 17:6

Gai au ne gidee bolo de hine laa gu senga i de unu dodo o dangada o de Maadua, go dodo o dangada ne maakau laa, i hiidinga delaadeu tala hagadonu dagodo o Iesu. Gai de masavaa huu aagu ne gidee ai ia, gai au gu kona de lele ogu mouli.

Isaiah 49:26

Au e hai naa gilaadeu ne vaivai haia goodou gi gaina olaadeu kano donu; gilaadeu e unu naa olaadeu dodo bei denga uvaini maimai. Gai gi iloo ai e dangada alodahi bolo go au donu go Iahweh, doo Ia Hagaola, go au ne hagaola ina goe, go au de Ia Mmahi o Jacob.”

Isaiah 19:14

Tagi Maolunga gu gaavange de hagasaalunga e haia laa gilaadeu gi ssenga ange; gilaadeu gu hai Egypt gi bei dagodo o tangada senga e ssee saele laa i lodo ono hagalueia.

Mark 14:41

Ia ne ahe mai ange hogi i tolu hanonga ga hai ange gi gilaadeu, “Goodou goi sseni naa huu ma e hagammabu? Gu lava; gu dae mai de aoaa! Tilo, Tama a Tangada e gaavange naa gi de gau haisala.

Matthew 26:45

Gai ia ga ahe mai gi daho ana dangada agoago ga hai ange gi gilaadeu, “Goodou goi sseni naa huu ma e hagammabu? Tilo, gu dae mai de aoaa e gaavange ai Tama a Tangada gi de gau haisala.

Habakkuk 1:5

“Galo ange diiloo dagodo o denga huaahenua, gi kona ai de llele oodou mouli. Go hiidinga au e hai naa dahi hegau i doodou masavaa, gai goodou e dee hagadonusia naa donu, e dee galemu donu dagu tala adu gi goodou.

Lamentations 4:21

De gau Edom, goodou malangilangi ma de llodo danuaa, go goodou e nnoho i de henua go Uz. Aagai de ubu o de hagaduasala e gaavadu naa hogi goodou gi unu ai; gai goodou e unu naa ga ssenga ga hagaui oodou malo.

Jeremiah 51:7

Babylon e bei de ubu goolo i lo te lima o Tagi Maolunga, gai gu hagaunu ai gi ssenga henua i lalo alodahi. Denga huaahenua gu unu uvaini iai, deelaa ai, gilaadeu gu odi i de ssenga.

Jeremiah 25:27

“Gai koe hai ange gi gilaadeu, ‘E hagadaba Tagi o denga hagabuulinga hebagi, de Maadua o Israel: Goodou unumia, gi ssenga ai goodou ma de hagalueia, gai gi baakuu ai goodou gi dee aahe ange gi hiihidi age, i hiidinga o de gadilaasa aagu e hai gi humai gi oodou magavaa.’

Jeremiah 23:9

Dagodo o denga pelaabisi: Gu mmae mmao ogu lodo; ogu ivi alodahi gu bolebole. Au gu bei tangada gu unu laa ma gu senga, ma tangada gu dagina laa i denga uvaini, i hiidinga o Tagi Maolunga aama hiidinga o ana muna dabu.

Jeremiah 2:12

De langi, koe gi lele oo mouli i de mee nei, gai gi madagu ma de bolebole mmao, go Tagi Maolunga e hagadaba.

Isaiah 51:17

Alahage, alahage! Jerusalem, hidi age, koe gu unu mee mai i de lima o Tagi Maolunga, go de ubu o dono bole, koe gu unu ma gu masa mee i ono lodo, go de ubu e haia ga ssee saele dangada.

Isaiah 29:10

Tagi Maolunga gu hai goodou gi bei tangada seni magau: ia gu haoli oodou ganomada (bei denga pelaabisi), ia gu haoli oodou biho (bei dangada e daalaa mee e loomai).

Isaiah 1:2

De langi ma henua i lalo, nnoho mai hagalaangona; go hiidinga Tagi Maolunga e basa: “Au ne haele hanu dama ga maatua, aagai gilaadeu gu hai baasi mai gi de au.

Isaiah 29:1

E vakaa naa goe, Ariel, Ariel, de aduhale o David nogo noho ai! Goodou e hai oodou daonga i ngadau alodahi i denga masavaa gu hagailonga.

Isaiah 56:10

Denga daane dagitilo o Israel e dee kide, gilaadeu alodahi e deai donu olaadeu iloo mee; gilaadeu e bei denga gaaduu e dee pasa, gilaadeu dee maua i de koo; gilaadeu e daakodo ga sseni ma de midi, gilaadeu e llodo mmao e sseni.

Isaiah 63:6

Au ne dagadagahi denga huaahenua i dogu lili, gai ne hai gilaadeu gi ssenga i dogu bole; au ne llingi olaadeu dodo gi honga de gelegele.”

Jeremiah 4:9

E hagadaba Tagi Maolunga, “De laangi laa gai de hodooligi ma dagi o de henua e lodo baageaa naa, de gau haimeedabu e llele naa olaadeu mouli, gai denga pelaabisi gu dee hagadonusia alaadeu mee e gidee.”

Isaiah 6:10

Hagamakaga ina lodo o de huaadangada nei, haia olaadeu dalinga gi longoduli, gai haia olaadeu ganomada gi dee kide. Kana gidee e gilaadeu i olaadeu ganomada ma de langona i olaadeu dalinga, gai gilaadeu gu tonu ange i olaadeu lodo, ga daahuli olaadeu lodo, gai gilaadeu gu ieiangi.”

Jeremiah 13:13

gai koe ga hai ange, ‘E hagadaba Tagi Maolunga: Tilo, au e hai naa dangada alodahi e nnoho i de henua gi ssenga i de unu mee vii; go denga hodooligi e nnoho i honga de nohoanga o David, ma de gau haimeedabu, ma denga pelaabisi aama dangada alodahi e nnoho i Jerusalem.