Isaiah 29:8 - De Beebaa Dabu

⁸ bei tangada saalohia e midi ange laa bolo ia e noho ma e gaimee, aagai ga alahage huu ia, gai ia goi saalohia donu huu; aabe go tangada hieunu e midi laa bolo ia e noho ma e unu; aagai ia e hieunu dono huu i dono alahage, tigi helui donu dono hieunu. Gai e bei ai hogi dagodo o hagabuulinga soa o denga huaahenua alodahi e hebagi ange laa gi de mounga go Zion.

Isaiah 29:8 Referans Kwoze

Isaiah 44:12

De labagau o denga baalanga e kave dahi goloa baalanga; ga dugu ange gi lo te ahi e hholu ai; gai ia ga hagahua ai dahi diinonga i denga haamaa, i dana dugidugi i dono lima. Ia e hano ga saalohia gu deai ono mahi; gai e ssili ono mada i dana dee unu vai.

Psalm 73:20

Gilaadeu e bei de midi e ngalo laa i de alahage o tangada; dogu Ia Aamua, de masavaa oou e hidi age ai, gai koe gi hagangadi mee ina gilaadeu bei dagodo o denga ngadi midi.

2 Chronicles 32:21

Gai Tagi Maolunga ne hai gi humai dahi dangada de langi gi daia gi maakau denga daane hebagi alodahi ma denga dagi, aama dagi o de hebagi i de mommee nnoho gaainga o de hodooligi o Assyria. Gai ia ne ahe ga hano gi dono henua gu dogaa. Gai de masavaa oona ne hano ai gi lo te hale daumaha o dono diinonga, gai ana dama daane ga daa ia gu magau i de gadilaasa.

Isaiah 54:17

aagai e deai naa donu se goloa hebagi e hai baasi adu gi goodou e kii, gai goodou e kii naa i gilaadeu e hagabaubau ina goodou. Deenei de boolonga o de gau hai hegau o Tagi Maolunga, gai deenei dagu hai e hagaheohi ai gilaadeu,” go Tagi Maolunga e hagadaba.

Nahum 1:15

Galo ange diiloo honga denga mounga, dabuvae o de ia e gaamai de longo danuaa, ma de tala dagodo o de nnoho paba! Judah, haia au daonga, ma de hagassula au hagatoo donu. Go hiidinga gu deai ange dangada baubau e kage mai gi honga doo henua; gilaadeu gu daia ma gu maakau.

Psalm 129:5

Dangada alodahi e kino i Zion gi hagadookaa ina ma de hagadee kii ina!

Isaiah 41:11

Tilo, dangada alodahi e llili i de goe e dookaa naa ma de hagangadi mee ina; gilaadeu e hai baasi adu gi de goe e hai naa ga deai aama de maakau.

Isaiah 41:12

Gai ga ssala naa donu e goe gilaadeu e hai baasi adu gi de goe, aagai koe e dee gidee gilaadeu. Gilaadeu e hebagi adu gi de goe e llilo naa donu ga deai.

Nahum 2:1

Nineveh, tangada oohaa mee gu humai e hai baasi adu gi de goe. Dagitilo i honga de buibui o de aduhale; hagaloosia de haiava; hagadaabena ina oodou goloa hebagi, gai hagammahi ina goodou ma de lo taane!