Isaiah 29:5 - De Beebaa Dabu

⁵ Aagai oo hagadaumee soa e bei naa mama o de gelegele, gai de gau daa dangada e loomai nei bei gili grain e ilihia laa ga gaavee gee. Gai e daa hagalele naa donu huu,

Isaiah 29:5 Referans Kwoze

1 Thessalonians 5:3

De masavaa a dangada e hagataba ai, “Gu nnoho paba dangada ma tee manavasaa,” gai gu moolau donu de dae mai de hagaduasala, bei dagodo o de hai hagalangona o de hine gu dai haanau, aagai e deai donu e maua i de saavini e hulo gee.

Isaiah 37:36

Gai tangada de langi o Tagi Maolunga ne hano ga daa ga maakau e 185,000 daane, i de mommee nnoho gaainga o de gau Assyria. Gai ga oho age huu denga daane i taiao, gai gilaadeu gu gidee bolo de gau laa alodahi gu maakau.

Isaiah 30:13

deelaa ai, de baubau nei e bei naa dahi buibui maolunga gu mahangahanga laa ma gu puu mai denga hadu iai, gai e daa hagalele naa donu de maoha ga odi iho.

Isaiah 31:8

“Assyria e hagadee kii ina naa i dahi gadilaasa, gai e dee se gadilaasa mai i daho tangada; de gadilaasa e daia gilaadeu, gai e dee se mee mai i daho dangada. Gai gilaadeu e saavini naa ga hulo gee mai i de gadilaasa, alaadeu dama daane e hai naa ga ni dangada hai hegau.

Isaiah 31:3

De gau Egypt ni dangada, e dee go de Maadua; alaadeu hoosa ni mee henua i lalo, e dee ni hagasaalunga. De masavaa a Tagi Maolunga e hagaabo ai dono lima sauaa, gai de huaahenua e balea ange laa e maoha naa, gai de ia e gaavee laa de bale e dee kii; gilaau ngaadahi e oohaa naa.

Isaiah 25:5

gai e bei de hagavvela o de laa i de vao. Koe e hai gi dee langona leo o de gau henua gee; taahili a de gau e vaivai haia dangada gu dee langona, bei de haoli a de hagausinga de vvela o de laa.

Psalm 35:5

Gai gilaadeu gi bei denga gili grain e ilihia saele laa i de madangi, gai tangada de langi o Tagi Maolunga gi dolohia gilaadeu gi hulo.

Psalm 1:4

Gai de gau baubau e dee aanei olaadeu dagodo; gilaadeu e bei dagodo o gili grain e ilihia laa i de madangi.

De Beebaa go Job 21:18

Gai gu hia maa hanonga olaadeu ne bei ai dagodo o denga lau manu mmasa i ma te madangi, ma gili o denga grain e ilihia saele laa i de madangi?

Isaiah 13:11

Au e hagaduasala naa henua i lalo, ma de gau baubau i hiidinga olaadeu haisala. Au e hai naa gi dee llodo maolunga de gau hagamaolunga, ma de hai gi maolalo de gau alasala e llodo maolunga laa.

Isaiah 25:3

Deenei ai, denga huaadangada mmahi e hagadubu naa goe; gai denga aduhale o denga huaahenua e vaivai haia dangada e maatagu naa i de goe.

Isaiah 25:4

Go koe de mommee mmuni o de gau hagaau aloha, gai go de mommee mmuni o dangada e duasala laa; koe se buibui i de masavaa o de madangi mmahi, gai go de malu i de masavaa e mmahi ai de laa. Go hiidinga manava o de gau e vaivai haia dangada e bei de madangi e dau laa i dahi buibui,

Isaiah 29:20

Tangada e vaivai haia dangada e lilo naa donu, gai de gau doo mee e dee maaleva naa hogi, gai dangada alodahi e maanadu de hai de baubau e daa naa gi maakau —

Isaiah 40:15

Tilo, denga huaahenua e bei dagodo o dahi madaua i lo te bagede, gilaadeu e bei denga mama i honga mee hagahidi; ia e hagahidi denga modu bei dagodo o de mama.

Isaiah 41:11

Tilo, dangada alodahi e llili i de goe e dookaa naa ma de hagangadi mee ina; gilaadeu e hai baasi adu gi de goe e hai naa ga deai aama de maakau.

Isaiah 41:15

Tilo, au e hai naa goe gi bei de baabaa duuduu grain, e hoou laa ma de kangi, gai e lagolago niho iai. Koe e duuduu naa denga mounga ga ulu iho, ma de hai denga duuduu gi bei denga gili grain.

Isaiah 41:16

Koe e nonu naa mee nei i de madangi, gai de madangi e ili naa ga kave gee, de madangi mmahi e hagassii saele naa gilaadeu. Gai goodou e malangilangi naa i Tagi Maolunga, goodou e hagamahamaha naa de Ia Dabu o Israel.

Isaiah 47:11

De hai ngadaa e dae mai naa donu gi de goe, gai koe e dee maua donu i de hagaola goe. Dahi hai ngadaa e duu adu naa gi de goe gai koe e dee maua naa donu gi ola mai ai, gai de hai ngadaa aau e dee gidee laa e daa hagalele naa donu de hai adu gi de goe.

Isaiah 48:3

Au ne tala mee i mua madagidagi loo, au ne tala ma de hai gi iloo mee nei; gai ne daa hagalele dagu hagahai hegau mee nei, ga hagassula mee nei.

Amos 5:9

gai e moolau naa donu dana oha denga mommee buibui makaga ma de oha de aduhale buibui ga maoha,)