Isaiah 29:24 - De Beebaa Dabu

²⁴ Dangada gu haisala laa e aahe ange naa ga tonu ange; gilaadeu e nnanu laa e hagallongo naa agu agoago.”

Isaiah 29:24 Referans Kwoze

Hebrews 5:2

Gai ia e donu ange gi dagodo o dangada e llodo ssenga ma gilaadeu e daahuli gee i de muna abodonu, go hiidinga ia e baageaa donu hogi i de hai mee nei.

Isaiah 28:7

Gilaadeu nei e ssenga hogi i denga uvaini, ma de ssee saele i de unu mee mmahi; de gau haimeedabu ma denga pelaabisi gu ssee saele i de unu mee mmahi ma uvaini; gilaadeu e ssenga ange naa i de unu mee mmahi; gilaadeu e ssee saele i delaadeu gidee denga midi, gilaadeu gu dee maua i de hagamodu muna.

1 Corinthians 6:11

I mua gai hanu goodou e dagodo bee nei. Aagai iainei goodou gu hagagilimalali ma gu vvae gee ma gu hai gi dabu, goodou gu hagaheohi i de ingoo o Tagi Maolunga go Iesu Klisdo aama ssauaa o de Hagasaalunga o taadeu Maadua.

Acts 6:7

Gai muna a de Maadua gu hagadagadaga age, gai gu kii ange de soa dangada gu hagadonusia i Jerusalem, gai gu soa hogi dangada haimeedabu gu gaavee de gai.

Acts 2:37

De masavaa a dangada ne langona ai muna nei, gai gu velosia olaadeu lodo, gai gilaadeu ga hai ange gi Peter ma de gau tala ange laa, “Denga daina, ni aha ai amaadeu e hai?”

Luke 7:47

Deenei ai, au e hai adu gi de goe, dono aloha e laumalie, i hiidinga ono haisala e lagolago gai gu degi ange aagena. Aagai tangada ne damaa mee de mee ne degi ange ai gi de ia, e damaa mee hogi dono aloha.”

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

Isaiah 60:16

Koe e unu naa vai uu a denga huaahenua, ma de gaimee i gai danuaa a denga hodooligi. Gai koe e iloo naa bolo go au donu go Iahweh, doo Ia Hagaola, go au ne hagaola ina goe, de Ia Mmahi o Jacob.

Isaiah 41:20

gi gidee ai e dangada ma de iloo, gai gi maua ai e gilaadeu i de hagasaele ma de tonu ange bolo go de lima sauaa o Tagi Maolunga donu ne haia de mee nei, gai go de Ia Dabu o Israel ne haia gi hanu de mee nei.

Isaiah 30:21

Gai noo goodou e taa gi de madau aabe e taa gi de masui, gai goodou e langona naa dahi leo i oodou dua e hai adu, “Deenei de haiava, goodou seesee ai.”

Isaiah 32:4

Gai maanadu a tangada e moolau ono lodo e donu ange naa, tangada e lau dono alelo e tala ana muna ga tonu ange dangada aagena.

Isaiah 54:13

Gai au dama alodahi e agoago naa i daho Tagi Maolunga, gai au dama e laumalie naa delaadeu nnoho paba.

Jeremiah 31:34

Gai e deai naa donu se dangada e agoagona ange tangada e baa ange, aabe go dono daina, ga hai ange, ‘Koe gi iloo Tagi Maolunga,’ go hiidinga gilaadeu alodahi e iloo naa donu au, mai i de gauligi ga dae ai gi tangada madua, go Tagi Maolunga e hagadaba, go hiidinga au e degi ange naa gi olaadeu hegau baubau gai au e dee ahe ange naa donu e manadua olaadeu haisala.”