Isaiah 29:22 - De Beebaa Dabu

²² Deenei ai, Tagi Maolunga ne hagaola ina laa Abraham, e hagadaba i dagodo o dangada o Jacob: “Jacob e dee ahe ange naa donu ga dogaa, gai luoono mada e dee mada tea naa donu i dono dogaa.

Isaiah 29:22 Referans Kwoze

Jeremiah 30:10

Jacob, dogu dangada hai hegau, aude madagu; Israel, koe gi dee manavasaa, go Tagi Maolunga e hagadaba. Tilo, au e hagaola naa donu goe mai i denga mommee mmao, aama oo hagadiilinga mai i henua olaadeu gu gaavee laa aagena. Jacob e ahe ange naa ga nnoho paba ma de duadonu, gai e deai ange naa donu se dangada e hagamadagu ina ia.

Isaiah 51:2

goodou kalo ange diiloo doodou dubuna madagidagi go Abraham, ma Sarah, ne hanaua naa goodou. De masavaa aagu ne hagahi ai Abraham, gai ia e dahi donu huu, gai au ne hagamanuuia ia ga hai gu soa ono hagadiilinga.

Isaiah 45:17

Aagai Tagi Maolunga e hagaola naa Israel i de hagaola e deai se hagaodi; gai goodou e dee dookaa naa donu aabe e hagangadi mee ina ga hano ai e dee ngado mai.

Joel 2:27

Gai goodou e tonu ange naa bolo au e noho donu i Israel, gai go au go Iahweh doodou Maadua, e deai ange donu; ogu dangada e dee aahe ange naa donu ga dookaa.

Isaiah 54:4

Koe gi dee madagu; koe e dee hagadogaa ina naa donu. Koe gi dee manavasaa i doo hagangadi mee ina; koe e dee hagamaolalo ina. Gai koe e ngalo naa doo hagadogaa ina i de masavaa oou e gauligi ai, gai koe e dee manadua naa donu doo hagadogaa ina i teai soo bodu.

Luke 1:68

“Duuhia Tagi Maolunga, de Maadua o Israel. Ia gu humai ma gu hagaola ono dangada,

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.

Ezekiel 39:25

Deenei ai, e hagadaba de Ia Aamua go Iahweh: Au e hagaahe ange naa de manuuia o de huaadangada o Jacob, ma de lodo aloha ange gi de huaadangada o Israel, gai au e lodo gaiaa naa i hiidinga o dogu ingoo dabu.

Ezekiel 37:28

Gai gi iloo ai e denga huaahenua, bolo go au go Iahweh ne hagadabu ina laa Israel, i de masavaa e dagodo ai dogu mommee dabu i olaadeu magavaa ga hano ai.’ ”

Ezekiel 37:24

Gai dogu dangada hai hegau go David e hodooligi naa i olaadeu elunga, gai gilaadeu alodahi gu dahi donu huu olaadeu dangada hagaloosi. Gai gilaadeu gi daudali ai naa i agu hagamodu ma de kana ange ga daohi agu mee gu hagasauaa.

Isaiah 63:16

Aagai go koe demaadeu Damana, e dee galemu donu Abraham e dee iloo gimaadeu, gai Israel e dee madea gimaadeu. Tagi Maolunga, go koe donu demaadeu Damana, gai go koe demaadeu Ia Hagaola mai loo madagidagi.

Isaiah 51:11

Gilaadeu a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de lodo danuaa e dee odi laa go de hau i honga olaadeu biho. Gai gilaadeu e kona naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 45:25

Aagai go daho Tagi Maolunga a denga aamuli o Israel e gidee ai de hagaheohi ma de kii.

Isaiah 41:14

De ilo go Jacob, aama Israel damaa mee, koe gi dee madagu, i hiidinga go au donu e bale adu goe, go Tagi Maolunga e hagadaba, de ia ne hagaola ina goe, go de Ia Dabu o Israel.

Genesis 48:16

go tangada de langi ne hagaola ina mai au i denga hai ngadaa alodahi — gi hagamanuuia ina hogi luu gauligi daane nei. Gai gilaau gi gaavee dogu ingoo ma ingoo o luoogu damana go Abraham ma Isaac gai gilaau gi hagadili gi soa i henua i lalo.”

Isaiah 50:7

De Ia Aamua go Iahweh ne bale mai au, deelaa ai, au e dee hagangadi mee ina naa donu; deenei ai, au gu soe donu dagu maanadu, gai au e iloo bolo au e dee dogaa naa donu.