Isaiah 29:21 - De Beebaa Dabu

²¹ gilaadeu e hagabuu ange ssala gi tangada i alaadeu muna, ma de hai gi dee sula de hagamodu muna soe i de haitoga o de aduhale, gai alaadeu muna hhadu e hai gi dee heohi de hagamodu muna o tangada heohi.

Isaiah 29:21 Referans Kwoze

James 5:6

Goodou ne hagabaubau ma de daa ga magau tangada tigi haisala, gai ia tee hai baasi adu donu gi goodou.

Acts 3:14

Aagai goodou ne hagangadi mee de Ia Dabu ma de Ia Heohi laa, gai ne dangidangi ange gi hagasao ina mai gi goodou dahi daane daa dangada.

Matthew 26:15

ga ssili ange, “Ni aha oodou e hagao mai ai au noo au e gaavadu Iesu gi goodou?” Gai gilaadeu ne hagao ange ia i e matolu dibaa selevaa.

Matthew 22:15

Gai denga Pharisee ne hulo ga hagasaele ange delaadeu hai e hagahaisala ai Iesu i ana muna.

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

Ezekiel 13:19

Goodou ne hagangadi mee au i magavaa o dogu huaadangada i hiidinga o hanu momo barley ma hanu amuamu pelaoaa. Goodou ne daa dangada e dee heohi de daa gi maakau, aagai ne hagaola dangada e dee heohi de dugu gi mouli, i doodou hadu muna ange gi ogu dangada e hagalaangona oodou muna hhadu.

Jeremiah 18:18

Gai gilaadeu ne hagataba, “Loomai, gidaadeu ga hai dahi hagatau e hai baasi ange ai gi Jeremiah, go hiidinga de hainga e dee llilo naa donu mai i daho de gau haimeedabu, be go muna bale a taane heiangi, aabe go muna mai i daho denga pelaabisi. Loomai, gidaadeu ga daa Jeremiah i adaadeu muna, gai gidaadeu e dee anga ange donu gi ana muna.”

Isaiah 32:7

Haingaa mee a tangada vaivai dagodo e baubau, ia e hadu age denga hagatau baubau e daa ai gi maakau de gau hagaau aloha i ana muna hhadu, e dee galemu donu tangidangi a de gau hagaau aloha e heohi.

Proverbs 28:21

De hilihili dangada e dee se hegau danuaa; aagai tangada e hai naa donu de mee dee heohi i hiidinga o de ngadi gaavange hagasenga.

Judges 12:6

gai gilaadeu ga hai ange gi de ia, “Hano, dagua muhuu ‘Shibboleth.’ ” Gai noo ia e dagu “Sibboleth,” go hiidinga ia e dee maua i de dagu gi heohi de muna laa, gai gilaadeu ga poo ia ga daa gu magau i denga mommee e hulo ai gi de baasi gee o Jordan. Gai se 42,000 daane o Ephraim ne daa ga maakau i kilaa.

Psalm 127:5

E manuuia taane e soa ana dama; ia e bei taane e honu dana mee hao dao. De gau bee nei e dee dookaa naa donu i de masavaa olaadeu e hagadaumee ai madali olaadeu hagadaumee i de haitoga o de aduhale.

Isaiah 10:1

E vakaa naa gilaadeu e hagaduulia hainga dee heohi, ma gilaadeu e haia hainga e hagaduasala ina dangada;

Isaiah 59:15

Gai gu deai donu se muna abodonu e gidee i kilaa; gai tangada e kino laa i de baubau e vaivai haia. Gai Tagi Maolunga tee malangilangi i dana gidee bolo gu deai se hagamodu muna heohi.

Jeremiah 36:29

Gai koe daalaa ange hogi gi Jehoiakim, de hodooligi o Judah, hai ange, ‘E hagadaba Tagi Maolunga: Koe ne dudu de beebaa mulo laa ma de hagadaba, “Gu aha goe gu sisi ai laa i lo te beebaa mulo laa bolo de hodooligi o Babylon e humai naa ga oha de henua nei, ga hai gi deai dangada be ni manu dolodolo e nnoho ai?”

Isaiah 5:20

E vakaa naa gilaadeu e daalaa bolo de baubau go tanuaa, gai tanuaa go de baubau, gilaadeu e tala bolo de gohu go de maalama gai de maalama go de gohu, gai gilaadeu e tala bolo de mee mmala e mee maimai, gai de mee maimai e mmala.

Isaiah 5:23

go gilaadeu e degi ange gi tangada gu haisala i hiidinga o de ngadi gaavange hagasenga, aagai e dee hagamodu muna o tangada tigi haisala i de mee heohi.