Isaiah 29:12 - De Beebaa Dabu

¹² Gai noo de beebaa nei e gaavange gi dahi dangada e dee iloo de dau, ga hai ange, “Daulia de beebaa nei,” gai ia e hai adu naa, “Au e dee iloo i de dau.”

Isaiah 29:12 Referans Kwoze

Isaiah 29:18

De laangi laa gai de gau longoduli e langona naa muna i lo te beebaa mulo laa, gai gilaadeu e dee kide ma de nnoho i lo te gohu e aala naa olaadeu ganomada ga gidee.

Hosea 4:6

Ogu dangada gu maakau i hiidinga teai selaadeu iloo mee. Go hiidinga koe ne tili de iloo mee, au e tili gee naa hogi goe i tuulanga o dogu dangada haimeedabu; go hiidinga koe tee anga ange gi hainga a doo Maadua, au e dee anga ange naa hogi au dama.

Jeremiah 5:4

Gai au ne hagadaba, “De gau nei ni dangada hagaau aloha; gilaadeu e llodo ssenga; go hiidinga gilaadeu e dee iloo haiava o Tagi Maolunga, ma hainga a delaadeu Maadua.

Isaiah 8:16

Noodia de tala hagadonu nei; ma de daohi i daho ogu dangada agoago.

Isaiah 29:11

Gai adu gi goodou, de midi hagaago ange nei e bei donu muna e sisi laa i lo te beebaa mulo gu hagamakaga laa. Gai noo dahi e gaavange gi tangada e maua i de dau, ga hai ange, “Aude haihaia, daulia de beebaa nei,” gai ia e hai ange naa, “Au e dee maua, i hiidinga gu hagamakaga.”

Isaiah 29:13

Gai e hagadaba de Ia Aamua: “De huaadangada nei e hagapaa mai gi de au i olaadeu ngudu, ma de hagadubu donu huu au i alaadeu muna e tala, aagai olaadeu lodo e mmao gee donu i de au. Alaadeu hai daumaha mai gi de au, e daudali i dahulinga ne ago mai i daho dangada.