Isaiah 29:10 - De Beebaa Dabu

¹⁰ Tagi Maolunga gu hai goodou gi bei tangada seni magau: ia gu haoli oodou ganomada (bei denga pelaabisi), ia gu haoli oodou biho (bei dangada e daalaa mee e loomai).

Isaiah 29:10 Referans Kwoze

Romans 11:8

bei de hai gu sisi ai laa, “De Maadua gu hai gilaadeu gi ssenga, olaadeu ganomada gi dee gidee, gai olaadeu dalinga gi dee langona, ga dae mai ai gi anailaa nei.”

Isaiah 44:18

Gilaadeu e haia mee nei e dee tonu ange; gai de Maadua gu pono olaadeu ganomada, gi dee gidee ai e gilaadeu, gai alaadeu maanadu gu pono hogi, gi dee tonu ange ai gilaadeu.

Isaiah 30:10

Gilaadeu e hai ange gi dangada e gidee mee tigi loomai, “Goodou e dee hai gi gidee e goodou denga midi hagaago ange!” gai e hai ange gi denga pelaabisi, “Goodou aude pasa pelaabisi mai gi gimaadeu i de heohi! Aagai daalaa donu huu amaadeu e llodo e hagallongo, go muna pelaabisi e dee ni muna abodonu.

1 Samuel 9:9

(I mua gai deenei tahulinga e hai i Israel: de masavaa naa huu o tangada e hano ai e ssili dahi mee i daho de Maadua, gai ia ga hagadaba, “Loomai, gidaadeu ga hulo gi daho tangada e gidee mee e loomai,” go hiidinga de pelaabisi e hagaingoo ange se dangada e gidee mee e loomai.)

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

Micah 3:6

Deenei ai, de boo e dae mai naa gi goodou, gu deai oodou midi hagaago ange e gidee, gai gu gohu, goodou gu dee maua i de tala mee e loomai. Denga pelaabisi e dee gidee naa de laa, gai de laangi e hai naa ga gohu ange gi gilaadeu.

Ezekiel 14:9

Gai noo de pelaabisi gu hagasengalia gi basa pelaabisi, gai go au donu, Tagi Maolunga ne hagasengalia de pelaabisi laa, gai au e hagaabo naa dogu lima e hai baasi ange ai gi de ia, ga daa ia gi magau, e aau gee ai ia mai i daho ogu dangada, go de gau Israel.

Psalm 69:23

Haia gi gohu olaadeu ganomada, gi dee kide ai gilaadeu; gai haia gi bolebole olaadeu angaanga i masavaa alodahi.

1 Samuel 26:12

Gai David ne kave tao ma de manu vai i ulu o Saul madali gilaau. Gai teai donu se daane ne gidee, aabe ne iloo mee laa, teai hogi se gilaadeu ne alahage i de masavaa laa. Gilaadeu alodahi gu sseni, go hiidinga Tagi Maolunga ne hai gilaadeu gi sseni tao.

Micah 3:1

Gai au ne hagadaba: “Denga biho o Jacob, ma dagi o de gau Israel, goodou hagalaangona. E dee se mee heohi doodou hai gi iloo de hagamodu heohi?

Isaiah 29:14

Deenei ai, au e ahe ange naa e hai gi llele mouli de gau nei, i mee hagalele mouli lagolago; gai de iloo mee o de gau iloo mee e dee maaleva naa, gai de heiangi o de gau heiangi e lilo naa hogi.”

Isaiah 43:27

Doo dubuna i taamada ne haisala; oodou dagi ne haisala mai gi de au.

Jeremiah 4:9

E hagadaba Tagi Maolunga, “De laangi laa gai de hodooligi ma dagi o de henua e lodo baageaa naa, de gau haimeedabu e llele naa olaadeu mouli, gai denga pelaabisi gu dee hagadonusia alaadeu mee e gidee.”

Lamentations 4:14

Gilaadeu ne haahaa saele bei dagodo o tangada dee gide i honga denga haiava; Gilaadeu gu baalau i denga dodo, deelaa ai, gu deai donu dangada e llodo e poo ange gi olaadeu malo.

Micah 2:6

Olaadeu pelaabisi e hagataba, “Goodou aude pasa pelaabisi; goodou aude pasa pelaabisi i denga mee nei; gimaadeu e dee hagangadi mee ina naa donu.”