Isaiah 29:1 - De Beebaa Dabu

¹ E vakaa naa goe, Ariel, Ariel, de aduhale o David nogo noho ai! Goodou e hai oodou daonga i ngadau alodahi i denga masavaa gu hagailonga.

Isaiah 29:1 Referans Kwoze

2 Samuel 5:9

Gai David ne hano ga noho i de mommee buibui makaga, ga hagaingoo ange de mommee laa go de aduhale o David. Gai ia ne hagaduu age luu baasi de aduhale laa, mai i de bae e daohia age ga hanage ai.

Hosea 9:4

Gilaadeu e dee hai ange naa sigidaumaha o uvaini gi Tagi Maolunga; gai alaadeu sigidaumaha e dee hagamalangilangi donu ia. Alaadeu sigidaumaha e bei gai a de gau hinangalosaa e gai: dangada alodahi e gaina e dee gilimalali. Gai nei ni mee ange donu huu gi gilaadeu; e dee maua donu i de kave gi lo te hale o Tagi Maolunga.

Hosea 8:13

Gilaadeu e hai denga sigidaumaha mai gi de au, ma de gai kano o manu e hai ai; aagai Tagi Maolunga e dee malangilangi i gilaadeu. Gai ia e dee ngalo naa donu olaadeu baubau, ma de hagaduasala gilaadeu i hiidinga olaadeu haisala; gilaadeu e aahe naa ga hulo gi Egypt.

Hosea 5:6

Gilaadeu e kave naa alaadeu hagabuulingaa ssiibi ma kaau ga hulo ai e ssala Tagi Maolunga, aagai gilaadeu e dee gidee naa donu ia; ia gu hano gee mai i olaadeu daha.

Isaiah 66:3

Aagai tangada e daia dahi kaau e hai ai ssigidaumaha, e bei hogi tangada e daia tangada ga magau; tangada e haia ssigidaumaha i dahi ssiibi gauligi, e bei hogi tangada e milo laa de ua o dahi gaaduu; tangada e haia ssigidaumaha i denga grain, e bei hogi tangada e sigidaumaha i dodo o de biigi, gai tangada e haia ssigidaumaha hagamaanadu o mee maanongi, e bei hogi tangada e daumaha ange gi dahi diinonga. Gilaadeu ne hilihili de hai donu huu olaadeu lodo, gilaadeu ne malangilangi i olaadeu diinonga hakino gee;

Hebrews 10:1

De hainga se ada donu huu niio mee danuaa gu dai loomai, e dee go de mee abodonu. Deenei ai, sigidaumaha e hai laa i ngadau alodahi, e dee maua donu i de hai gi heohi abodonu gilaadeu e loomai e hagapaa ange gi de Maadua.

Isaiah 31:9

Delaadeu mommee buibui makaga e lilo naa i hiidinga o de mee hagamaatagu; gai olaadeu dagi e maatagu naa i delaadeu gidee de hagailonga o de hebagi,” go Tagi Maolunga e hagadaba, go de ia niiana de ahi i Zion, go de ia niiana de ahi ula mmahi i Jerusalem.

Jeremiah 7:21

E hagadaba Tagi o denga hagabuulinga hebagi, de Maadua o Israel: “Haia oodou sigidaumaha dudu madali oodou sigidaumaha ange laa, ma de gai kano o oodou sigidaumaha dudu!

Isaiah 5:12

Gilaadeu e hanu harp ma lyre i alaadeu daonga, ma tambourine ma flute aama uvaini; aagai gilaadeu e hagangadi mee hegau a Tagi Maolunga, aama tee hagadubu ana hegau e hai.

Isaiah 29:9

Goodou gi llele mouli, ma de ssenga ange, haia gi dee kide goodou ma tee gidee; goodou gi ssenga, aagai e dee ssenga i denga uvaini; goodou gi ssee saele, aagai e dee ssenga i mee mmahi.

Isaiah 29:13

Gai e hagadaba de Ia Aamua: “De huaadangada nei e hagapaa mai gi de au i olaadeu ngudu, ma de hagadubu donu huu au i alaadeu muna e tala, aagai olaadeu lodo e mmao gee donu i de au. Alaadeu hai daumaha mai gi de au, e daudali i dahulinga ne ago mai i daho dangada.

Leviticus 23:4

“ ‘Aanei daonga a Tagi Maolunga gu hagailonga, ni laangi dabu e hagabuni ai goodou, gai goodou ga hagailoo ange gi dangada denga masavaa gu lava i de hagailonga.