Isaiah 28:7 - De Beebaa Dabu

⁷ Gilaadeu nei e ssenga hogi i denga uvaini, ma de ssee saele i de unu mee mmahi; de gau haimeedabu ma denga pelaabisi gu ssee saele i de unu mee mmahi ma uvaini; gilaadeu e ssenga ange naa i de unu mee mmahi; gilaadeu e ssee saele i delaadeu gidee denga midi, gilaadeu gu dee maua i de hagamodu muna.

Isaiah 28:7 Referans Kwoze

Luke 21:34

“Goodou dagidiiloo gi dee hakoso oodou lodo i doodou dee saohia i de hai daonga ma de unu ga ssenga aama denga mee hagamanavasaa o de mouli nei, gai de laangi laa e daa hagalele de dae mai gi goodou bei dagodo o ssele.

Matthew 24:29

“Gai dua naa donu huu laangi hagaduasala laa, gai de laa gu hagagohu, de maasina gu deai sono maalama; gai denga heduu i lo te langi gu too iho, gai mee mmahi i lo te langi e hagangaalue naa.

Isaiah 19:14

Tagi Maolunga gu gaavange de hagasaalunga e haia laa gilaadeu gi ssenga ange; gilaadeu gu hai Egypt gi bei dagodo o tangada senga e ssee saele laa i lodo ono hagalueia.

Ecclesiastes 10:17

E manuuia de henua noo dono hodooligi se dangada aamua abodonu, gai ono dagi e daonga i de masavaa heohi — e hagammahi ai olaadeu angaanga, e dee go de unu gi ssenga!

Proverbs 20:1

De uvaini e bei tangada doo mee, gai mee mmahi e hai ga hagalongaa tangada; be goai e dugua ange de mee nei gi dagina ia e dee heiangi.

Micah 2:11

Noo tangada hadu muna ma de daahanga dangada e hai adu, “Au e tala pelaabisi bolo koe e lagolago naa au uvaini ma mee mmahi,” gai ia e hai naa go delaadeu dangada agoago.

Jeremiah 23:16

Gai e hagadaba Tagi o denga hagabuulinga hebagi: “Goodou gi dee hagalaangona muna a denga pelaabisi e tala adu; gilaadeu e hai goodou gi tali hagalodolodo ange gi mee dee haigamaiana. Gilaadeu e tala midi alaadeu e hadu age donu huu i olaadeu lodo, e dee ni muna mai i daho Tagi Maolunga.

Jeremiah 14:14

Gai Tagi Maolunga ne hai mai gi de au, “Denga pelaabisi e pasa pelaabisi naa i dogu ingoo, ni daane hadu muna. Gai e dee go au donu ne haia gilaadeu gi loadu, au tee hili hogi gilaadeu, aabe gu basa ange gi gilaadeu. Gilaadeu e tala adu gi goodou hanu midi hhadu, ma de tala mee e loomai e deai haigamaiana, gai e daahanga donu huu gilaadeu.

Isaiah 3:12

Denga gauligi e vaivai hai naa ogu dangada, denga haahine e dagudagu ange naa gi gilaadeu. Ogu dangada, oodou dagi e dagi gee goodou; gilaadeu e kave gee goodou i de haiava.

Psalm 107:27

Gilaadeu gu ssee saele bei dagodo o tangada senga, gilaadeu gu dee iloo be ni aha alaadeu e hai.

Ephesians 5:28

Gai e bei ai hogi, denga daane dau bodu gi aaloha i olaadeu bodu, bei delaadeu aaloha i olaadeu angaanga donu. Taane e aloha i dono bodu, e aloha donu huu i de ia.

Ezekiel 44:21

Gai e deai donu se dangada haimeedabu e maua i de unu hanu uvaini, i de masavaa oona e ulu ai i lo te buibui e mua gi lodo.

Ezekiel 13:7

E aha, goodou tee hai laa denga midi hagaago ange e dee ni muna abodonu, ma de hadu muna i de masavaa oodou ne tala ai mee tigi loomai, i doodou hagataba, “Go Tagi Maolunga e hagadaba,” gai au tigi basa adu donu?

Lamentations 2:4

Ia ne dada dana mee hholu bei hegau a de hagadaumee; gai dono lima madau gu baba donu. Ia ne daa ga maakau gilaadeu alodahi e tilo danuaa, bei hegau a de hagadaumee; ia ne llingi iho dono bole bei de ahi gi honga de hale malo o tamaa hine o Zion.

Jeremiah 23:13

Au gu gidee dahi mee hakino gee i daho denga pelaabisi o Samaria: gilaadeu e pasa pelaabisi i de ingoo o Baal ma de dagi gee ogu dangada i de au.

Isaiah 29:11

Gai adu gi goodou, de midi hagaago ange nei e bei donu muna e sisi laa i lo te beebaa mulo gu hagamakaga laa. Gai noo dahi e gaavange gi tangada e maua i de dau, ga hai ange, “Aude haihaia, daulia de beebaa nei,” gai ia e hai ange naa, “Au e dee maua, i hiidinga gu hagamakaga.”

Isaiah 24:2

Gai e dagodo daudahi naa donu: tangada haimeedabu e bei naa dangada, tangada aamua e bei naa tangada hai hegau, de haahine aamua e bei naa de hine hai hegau, tangada hagao goloa e bei naa tangada e hagao ina goloa, tangada e gaavee sseene e bei naa tangada e gaavange sseene gi de ia, tangada e muli e bei naa tangada oona e muli ange aagena.

Isaiah 22:13

Aagai tilo, goodou e daonga i de malangilangi ma de hagalongaa, goodou e daa naa denga kaau ma ssiibi ga gai ma de unu uvaini. Goodou e hagataba, “Gidaadeu ga gaimee ma de unu uvaini, go hiidinga daiao gai gidaadeu e maakau!”

Isaiah 5:22

E vakaa naa denga daane dau i de unu uvaini, ma denga daane mmahi i de hilo denga mee mmahi,

Isaiah 5:11

E vakaa naa dangada e oho age laa i taiao, e ssala hanu mee mmahi e unu, ma de aala ga nnoho gi lo te boo, ga dae ai gi delaadeu unu ga ssenga i uvaini!

Proverbs 23:30

Go gilaadeu e daulooloa delaadeu nnoho i denga uvaini, ma gilaadeu e hulo ga mami denga uvaini hoou gu hilo laa.

Isaiah 24:20

Henua i lalo gu bei tangada senga, gai gu singasinga saele i de madangi bei de baasi hale; gai gu kona taemaha i ono baubau ma dono hagamanege, gai gu baguu — gu dee maua donu gi duu age ange.

Isaiah 28:1

E vakaa naa de hau hagadubu a de gau ssenga o Ephraim e tuhi laa, go dono mahamaha gu dai lilo bei de huaala gu mmae laa, go de aduhale e duu laa i honga tuuduu o de geelonga iai gelegele danuaa, go de mommee a de gau ssenga i uvaini e tuhi laa.

Isaiah 43:27

Doo dubuna i taamada ne haisala; oodou dagi ne haisala mai gi de au.

Hosea 7:5

De laangi o taonga a de hodooligi gu hagailonga, gai denga dagi e ssenga i de unu uvaini; gai de hodooligi gu unu hogi madali gilaadeu.

Habakkuk 2:15

E vakaa naa tangada e gaavange mee vii gi dangada e paa ange gi de ia, ma de hagaunu gilaadeu gi ssenga, gai koe ga tilo ai delaadeu gilisau!

Habakkuk 2:16

Koe e dogaa naa, e dee hagadubulia. Koe gi hagaunu ina donu huu goe, ma de hai gi gilisau goe! De ubu mai i de lima madau o Tagi Maolunga e hagadige mai naa gi de goe, gai doo hagadubu e sui naa ga se hagangadi mee!

Isaiah 5:23

go gilaadeu e degi ange gi tangada gu haisala i hiidinga o de ngadi gaavange hagasenga, aagai e dee hagamodu muna o tangada tigi haisala i de mee heohi.