Isaiah 28:29 - De Beebaa Dabu

²⁹ De mee nei ne humai hogi i daho Tagi o denga hagabuulinga hebagi, se ia e haia hagasaele ma de honu i de iloo mee.

Isaiah 28:29 Referans Kwoze

Romans 11:33

Ga dae laa de gelo de lava ma de heiangi, ma de iloo mee o de Maadua! Ana hagamodu e dee maua e gidaadeu gi tonu ange aagena, ana haingaa mee e dee maua gi iloo!

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

De Beebaa go Job 5:9

Ia e hai denga mee hagalele mouli e dee maua laa gi tonu ange aagena, gai taelodo o ana sauaa e dee maua donu i de dau.

Jeremiah 32:19

au hagatau e danuaa mmao gai au hegau e mmahi mmao. Koe e gidee dagodo hegau alodahi a dangada, gai koe e hagao ange hegau a dangada gi bei alaadeu hegau.

Psalm 40:5

Tagi Maolunga dogu Maadua, gu lagolago au hegau hagalele mouli ne hai, go au mee gu hagadabena mai gi gimaadeu; e deai ange donu e bei oo dagodo! Gai ga daalaa naa donu e au dagodo o au hegau, gai au e dee maua donu i de tala gi odi.

Psalm 92:5

Tagi Maolunga, au hegau e maolunga mmao, gai au maanadu e gelo mmao!

De Beebaa go Job 37:23

De Ia Mmahi Mmao laa — gidaadeu e dee maua gi gidee ia; ia e mmahi mmao; ia e dee hagahaisala dana hagamodu muna heohi; ia e heohi mmao, gai e dee hagaduasala gidaadeu.

Proverbs 8:14

Muna bale ma de heiangi abodonu e daakodo i ogu daha, au e dahi ogu donu ange ma de mmahi.

Isaiah 28:28

Denga grain e mmili e hai ai denga pelaoaa, aagai tangada e dee duuduu denga hua gi daulooloa. Ia e hai denga hagasii o dana hada duuduu gi hano laa ono elunga, aagai ana hoosa e dee balabalasi huamanu laa.

Isaiah 31:2

Gai Tagi Maolunga e kona mmao de heiangi, gai e maua i de hai gi humai de hai ngadaa; ia e dee hagaahe donu dana muna. Ia e hidi age naa ga hebagi ange gi de gau baubau, ma gilaadeu e balea ange dangada e haia de baubau.

Psalm 92:6

Tangada lodo senga e dee iloo mee nei, tangada senga e dee donu ange aagena,

Psalm 118:23

De mee nei go Tagi Maolunga ne haia, gai e hagalele mouli i taadeu tilo.

Isaiah 41:20

gi gidee ai e dangada ma de iloo, gai gi maua ai e gilaadeu i de hagasaele ma de tonu ange bolo go de lima sauaa o Tagi Maolunga donu ne haia de mee nei, gai go de Ia Dabu o Israel ne haia gi hanu de mee nei.