Isaiah 28:28 - De Beebaa Dabu

²⁸ Denga grain e mmili e hai ai denga pelaoaa, aagai tangada e dee duuduu denga hua gi daulooloa. Ia e hai denga hagasii o dana hada duuduu gi hano laa ono elunga, aagai ana hoosa e dee balabalasi huamanu laa.

Isaiah 28:28 Referans Kwoze

1 Corinthians 3:9

Gai gimaau ni dangada e hai hegau madali de Maadua; gai goodou go de veelenga a de Maadua aama de hale o de Maadua.

John 12:24

Ni muna abodonu, ni muna abodonu aagu e hai adu nei gi goodou, noo de hua grain e dee doo gi lo te gelegele ga bobo ai, gai e dahi donu huu hua laa, aagai noo e doo iho ga bobo, gai e somo age naa ga lagolago ono hua.

Matthew 3:12

Ia e poo de laagau nonu i dono lima, e hagamalaelae ai dana mommee hili huamanu, gai ga hagabudu ana grain e hhao gi lo te hale doange, aagai ga dudu denga gili i de ahi e dee maua laa i de diinei.”

Amos 9:9

Gai tilo, au e tala hagasoe de muna, ga nonu ange naa dangada o Israel gi daho denga huaahenua, bei de hai e nonu ai laa denga grain, gai e deai naa donu se damaa hadu daudahi e doo gi honga de gelegele.

Isaiah 21:10

Ogu dangada gu dagadagahia ma de nonu i de mommee hili huamanu, au e hagailoo adu gi goodou agu muna gu langona mai i daho Tagi o denga hagabuulinga hebagi, de Maadua o Israel.

Numbers 7:3

Gai gilaadeu ne gaamai alaadeu sigidaumaha gi mada luu mada o Tagi Maolunga: e ono hada, e madaangahulu ma lua kaau daane — e dogolua dangada e dahi alaau hada, gai dahi dangada e dahi ana kaau. Gilaadeu ne gaamai mee nei gi de tabernacle.

Isaiah 28:27

Denga dill e dee duuduu donu i de mee duuduu, denga cummin e dee hai dahi hada iai hagasii gi savini laa ono elunga, aagai denga dill e hagailiili i laa manu, gai denga cummin e hagailiili i dahi laagau.

Isaiah 28:29

De mee nei ne humai hogi i daho Tagi o denga hagabuulinga hebagi, se ia e haia hagasaele ma de honu i de iloo mee.

Jeremiah 10:24

Tagi Maolunga, koe gi hagaheohi ina mai au, gai haelea donu i de heohi; gai e dee haelea au i doo lili, kana haia e goe au ga se ngadi mee.