Isaiah 28:27 - De Beebaa Dabu

²⁷ Denga dill e dee duuduu donu i de mee duuduu, denga cummin e dee hai dahi hada iai hagasii gi savini laa ono elunga, aagai denga dill e hagailiili i laa manu, gai denga cummin e hagailiili i dahi laagau.

Isaiah 28:27 Referans Kwoze

Isaiah 41:15

Tilo, au e hai naa goe gi bei de baabaa duuduu grain, e hoou laa ma de kangi, gai e lagolago niho iai. Koe e duuduu naa denga mounga ga ulu iho, ma de hai denga duuduu gi bei denga gili grain.

Amos 1:3

E hagadaba Tagi Maolunga: “Tolu hanonga o Damascus ne haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne duuduu Gilead i de mee duuduu grain e hai laa i iron.

Jeremiah 46:28

Dogu dangada hai hegau go Jacob, aude madagu, go hiidinga au e madali goe, go Tagi Maolunga e hagadaba. Gai ga oohaa naa donu e au huaahenua alodahi aagu gu hai oo dangada gi mavaevae saele aagena, gai au e dee oha donu goe. Au e haele naa goe i de hai heohi; au e dee dugu naa donu huu goe, gai e hagaduasala donu goe.”

Jeremiah 10:24

Tagi Maolunga, koe gi hagaheohi ina mai au, gai haelea donu i de heohi; gai e dee haelea au i doo lili, kana haia e goe au ga se ngadi mee.

2 Kings 13:7

Gai gu dinolima donu daane e kage i honga hoosa, ma e madaangahulu hada hebagi, aama e dahisemada daane e seesee e doe i de hagabuulinga hebagi o Jehoahaz, go hiidinga de hodooligi o Syria gu daa gilaadeu ma gu maakau; gilaadeu ne bei donu dagodo o de mama i de masavaa e duuduu ai denga grain.

Matthew 23:23

E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e gaavange dahi diba i diba e madaangahulu o oodou mint ma dill aama cummin, gai goodou gu tili muna o de hainga e kii ange laa de hagamogomogo: go de hagamodu muna heohi, ma de abodonu ange gi dangada aama de gai. E heohi donu doodou hai mee nei, gai e dee tili mee ange laa.

Proverbs 20:26

De hodooligi heiangi e nonu ga hili de gau baubau; ia e hai de hagasii o de mee duuduu grain gi hano laa olaadeu elunga.

Isaiah 28:26

I hiidinga dono Maadua e tala ange ana mee e hai, ma de agoago ange ia i de mee heohi.

Isaiah 28:28

Denga grain e mmili e hai ai denga pelaoaa, aagai tangada e dee duuduu denga hua gi daulooloa. Ia e hai denga hagasii o dana hada duuduu gi hano laa ono elunga, aagai ana hoosa e dee balabalasi huamanu laa.