Isaiah 28:22 - De Beebaa Dabu

²² Deenei ai, goodou aude doo mee, kana kii ange taemaha seeini oodou e noonoa ai; de Ia Aamua, Tagi o denga hagabuulinga hebagi, gu tala mai gi de au dagodo de oha o de henua alodahi gu hagamodu laa.

Isaiah 28:22 Referans Kwoze

Acts 17:32

Gai ga langona huu e gilaadeu dagodo o de mouli age o de gau maakau, gai hanu gilaadeu ga doo ai mee, aagai hanu ne hai ange, “Gimaadeu e llodo koe gi daalaa mai ange mee nei e hagallongo gimaadeu.”

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

Matthew 27:44

Gai luu daane gaiaa ne daudau laa madali ia ne hagammae manava hogi ia.

Matthew 27:39

Gai dangada ne loomai laa kilaa ne hagammae manava ia ma de geugeu olaadeu biho,

Lamentations 1:14

Ogu haisala gu nnoa ange au gi de laagau hagahai hegau, gai go luoono lima ne hagamakaga ina mee nei; mee nei ne daudau ange gi dogu ua; ia gu hai gi deai ogu mahi. De Ia Aamua gu dugu ange au gi dangada oogu e dee bau ange aagena.

Jeremiah 39:7

Gai ia ne llao mai luu hadu mada o Zedekiah ma de nnoa ia i daula bronze ga kave gi Babylon.

Jeremiah 25:11

Gai de henua nei alodahi e hai naa ga deai dangada e nnoho ai gai se mommee e ngadi dagodo, gai denga huaahenua nei e hai hegau ange naa gi de hodooligi o Babylon i e madahidu ngadau.

Jeremiah 20:7

Tagi Maolunga, koe gu daahanga donu au, gai au gu senga hogi; koe e mmahi ange i de au, gai koe gu kii i de au. Dangada e kada i de au i laangi alodahi; gilaadeu alodahi e doo mee i de au.

Jeremiah 15:17

Au tee noho madali de gau doo mee, aabe ne malangilangi madali gilaadeu; au ne noho sogosogo, go hiidinga doo lima ne daohi au, gai koe gu hai gi kona dogu lili.

Psalm 107:16

Gai ia e oha denga haitoga bronze, ma de duuduu lua denga mee hagamakaga e hai i iron.

2 Chronicles 36:16

Aagai dangada ne hagadookaa dangada e daalaa muna a de Maadua, ma de hagangadi mee ana muna, ga hakadanga i ono pelaabisi, ga dae ai gi de dae mai de lili o Tagi Maolunga gi ono dangada, gai gu dee maua i de hagaieiangi gilaadeu.

2 Chronicles 33:11

Gai Tagi Maolunga ne gaamai dagi o denga daane hebagi o de hodooligi o Assyria gi noodia Manasseh gi gaavee; gai gilaadeu ne hagalau ange dahi maadau gi dono usu, ma de nnoa ia i denga mee noonooa baalanga ga kave ai ia gi Babylon.

2 Chronicles 30:10

Gai de gau ne gaavee laa leda laa ne hagadaga i denga aduhale alodahi i de vaaenga o Ephraim, ma de vaaenga o Manasseh, ga dae ai loo gi de vaaenga o Zebulun; gai dangada i kilaa ne hagangadi mee aama de hagadookaa gilaadeu.

Isaiah 10:12

Deelaa ai, de masavaa naa huu a de Ia Aamua e hagalava ai ana hagatau alodahi ange gi de mounga go Zion ma Jerusalem, gai ia e hagadaba naa, “Au e hagaduasala naa de hodooligi o Assyria, i hiidinga dono lodo maolunga ma luoono mada hagamaolunga.

Isaiah 28:23

Huuhuli mai hagalaangona agu muna, gai goodou aanga mai hagalaangona agu muna e tala adu.

Jeremiah 36:23

Gai de masavaa huu a Jehudi ne dau ai ga odi e dolu be haa vaevaaenga i lo te beebaa mulo laa, gai de hodooligi ga kave de beebaa mulo laa ga duuduu i de naivi a tangada sisi, ga maga ange gi lo te ahi i de mommee o de ahi, gai de beebaa mulo laa gu vela alodahi.

Nahum 1:9

Alaadeu hagatau alodahi e hai baasi ange ai gi Tagi Maolunga, gai ia e hai naa gi dee ssula; gai e dee lua naa donu hanonga o de hai ngadaa e humai ai.

Exodus 8:25

Gai Pharaoh ga aalu Moses ma Aaron, ga hai ange, “Goodou hulo donu huu sigidaumaha ange gi doodou Maadua i dahi mommee i honga de henua.”

Proverbs 19:29

De hagaduasala e baba ange gi de gau doo mee, gai de hagailiili se mee ange gi dua o de gau lodo ssenga.

Proverbs 29:1

Be goai e hagaseegina i hanonga lagolago, gai e hagamakaga ono lodo, e daa hagalele naa donu dono lagohia — gai ia e dee ieiangi naa donu.

Ezekiel 22:14

E aha, e maua naa gi daulooloa doo lo taane aabe go doo mmahi i dagu masavaa e hagaduasala ai goe? Go au donu go Iahweh ne hagadaba, gai au e hagasula naa donu de mee nei.