Isaiah 28:16 - De Beebaa Dabu

¹⁶ Gai e hagadaba de Ia Aamua go Iahweh; “Tilo, au gu hagaduu dahi hadu e hai ai tagelo i Zion, se hadu gu lava i de hagadanuaa; gai go tuludulu o de logunga hagamogomogo, gai se dagelo makaga; gai be goai e hagadonusia e dee hai mee hagamoolau.

Isaiah 28:16 Referans Kwoze

Psalm 118:22

De hadu a de gau hagatuu hale ne hagangadi mee gu hai go de hadu i tege.

Romans 9:33

bei de hai gu sisi ai laa, “Tilo, au e hagaduu dahi hadu i Zion e hagalaavea vae o dangada, se hadu e haia ga baakuu gilaadeu; gai be goai e hagadonusia e dee hagadogaa ina donu.”

Mark 12:10

E aha, goodou tigi daulia ange naa donu muna nei i de Beebaa Dabu? ‘De hadu a de gau hagatuu hale ne hagangadi mee gu hai go de hadu i tege;

Matthew 21:42

Iesu ne hai ange gi gilaadeu, “E aha, goodou tigi daulia ange naa donu muna nei i de Beebaa Dabu? ‘De hadu a de gau hagatuu hale ne hagangadi mee gu hai go de hadu i tege; de mee nei go Tagi Maolunga ne haia, gai e hagalele mouli i taadeu tilo.’

Ephesians 2:20

Goodou gu hagatuu ange gi honga tagelo a de gau tala ma denga pelaabisi, gai go Klisdo Iesu donu tuludulu o de logunga,

1 Corinthians 3:11

Gai e deai ange donu se dangada e maua i de hagadagodo dahi dagelo gee ma tagelo gu lava laa i de hagadagodo, go Iesu Klisdo.

Romans 10:11

Gai e hagadaba de Beebaa Dabu, “Tangada e hagadonusia ia e dee hagadogaa ina naa donu.”

Zechariah 3:9

Gai tilo, au e maaga ange naa dahi hagailonga gi honga dagu hadu gu hagaduu i mada i mua o Joshua, e dahi donu huu hadu nei gai e hidu ono ganomada, go Tagi o denga hagabuulinga hebagi e hagadaba. Au e aau gee naa baubau alodahi o de henua nei i e dahi laangi daudahi.

Genesis 49:24

aagai dana mee hholu e dee ngalungalue naa donu, luoono lima e hai ga mmahi i hiidinga o de Ia Mmahi o Jacob, go de Ia Hagaloosi, ma de Baba mmahi o Israel.

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

2 Timothy 2:19

Aagai tagelo a de Maadua ne hagaduu e duu donu huu ma e makaga, gai e maaga i muna nei: “Tagi Maolunga e iloo e ia ono dangada donu,” gai “Dangada alodahi e hagaingoo i de ingoo o Tagi Maolunga gi hulo gee i de baubau.”

Psalm 87:1

De aduhale aana ne hai e duu i honga de mounga dabu;

Isaiah 14:32

Dee hee dau hai e basa ange ai gi de gau sui o de huaahenua laa? Hai ange, “Tagi Maolunga gu hagaduu gi makaga Zion, gai ono dangada nogo vaivai haia laa e gidee naa delaadeu mommee buibui i ono daha.”

Isaiah 54:11

De aduhale gu hagaduasala ina, ma de oohaa i de madangi, gai tee hagaaneane ina, tilo, au e ahe ange naa e bae age goe i hadu hagamogomogo, ma de hagadagodo oo dagelo i denga sapphire.

2 Chronicles 20:20

Gai gilaadeu ne oho age i taiao ga hulo gi de vao o Tekoa. De masavaa olaadeu ne daamada ai de seesee e hulo, gai Jehoshaphat ne duu age ga hai ange, “Denga daane o Judah ma Jerusalem, goodou hagalaangona agu muna! Goodou hagadonusia Tagi Maolunga doodou Maadua, gi tuu ai goodou gi makaga. Gai hagadonusia ono pelaabisi gi hagadagadaga age ai goodou.”

Daniel 2:45

Koe ne gidee dahi hadu ne ngadi modu mai donu huu i de mounga — aagai e dee se dangada donu ne duudia — gai se hadu ne oohaa iron, ma bronze, ma gelegele pigi, ma selevaa, aama goolo ga too dagidahi. De Maadua maolunga mmao laa gu hagaago ange gi de hodooligi, mee e hai i muli mai. De midi nei ma dono hagadoonunga ni muna abodonu, gai e dee haisala donu.”

Zechariah 10:4

Go Judah e humai ai tuludulu o de logunga, go ono daha e humai de laagau hagamakaga o de hale malo, go ono daha iai de mee hholu ange gi de hebagi, gai go ono daha e loomai ai dagi alodahi.